Малините ги заменуваат земјоделските култури во Полошко - Канал 5

Живот

Малините ги заменуваат земјоделските култури во Полошко

Се повеќе луѓето кои се занимаваат со земјоделство и сточарство во Полошкиот регион започнуваат со одгледување малини.

Малините ги заменуваат земјоделските култури во Полошко

Наместо нивите и имотите со луцерка, компири и слично, се засадува малина, која се смета за доходовна култура, а пласманот е претежно за странските земји. Со единствениот откупувачки центар ЛК „Распбери" лоциран во тетовско Јанчиште сè повеќе земјоделци се договараат да произведуваат малини и да бидат нивни кооперанти.

Сопственикот на центарот Синиша Серафимовски започнал сам со производство на малини во 2015 година, а оттогаш, поради големата побарувачка, го проширува сопственото производство, но и бројот на соработници на други површини што го произведуваат ова овошје.

– Малините на мојот имот се засадени во 2015, а првата берба ја имавме во 2017 година. Обезбедивме пласман низ цела Македонија, но и во странство, а поради големата побарувачка овие неколку години ги зголемив површините. Започнатата соработка со други производители исто така сè повеќе се зголемува, па сега веќе откупуваме малини од 17 кооперанти од целата држава, вели Серафимовски.

За да го почне бизнисот тој купил нива во Јанчиште од 15.000 квадаратни метри, а потоа, согледувајќи дека има потреба од уште место за производство, купува уште толку, па сега има вкупно 30.000 квадратни метри сопствена површина каде што одгледува малини. Кооперантите со кои соработува даваат малини од дополнителни 75 илјади квадратни метри, или вкупно околу 105 илјади квадратни метри.

– Пред две години имаше род од 40 тони, 2018-та се дуплираше на 80 тони. Годинава очекуваме 130 – 140 тони малини на сите површини заедно со кооперантите. Просекот на производство е околу 20 тони на еден хектар или 1.000 квадратни метри. Кога еднаш се засадува малината, дава род 25 години. Првата година се раѓа стеблото и веќе во текот на втората се раѓаат плодовите. Се разбира, во текот на годината се поткаструва родната гранка и се фрла, а нови малини даваат младите ластари, вели тетовецот.

Постојат повеќе поволности за луѓето кои сакаат да се преструктурираат во земјоделското производство или да започнат да произведуваат малини.

– Инвестицијата на секој иден кооперант е едно евро по еден квадратен метар со тоа што државата потоа субвенционира половина. Потоа се добиваат 50 илјади денари по хектар за одржување и три денари по килограм за предаден откуп. Исто така имаме помош и од американската агенција за меѓународен развој УСАИД. Втора година по ред имаме договор со кој донираат систем за наводнување „капка по капка". Иако откупувачкиот центар е како фирма, сепак работиме како задруга, бидејќи заедно со кооперантите ја одредуваме цената што ќе се понуди за продажба. Се знаат трошоците и заработката, објаснува тетовскиот бизнисмен.

Стефановски смета дека одгледувањето малини може да стане носечка култура во производството и пласман на овошје. Плодната почва и водата, која ја има барем во Полошкиот Регион, е можноста што ја имаат луѓето од овој крај.

– Минатата година речиси целото производство го пласиравме само во Германија. Да има уште само таму може да се продаде. А има можност за пласман и во другите земји. Србија приближно има 200 милиони евра приход од извоз. Ова е одлична можност за заработка кај повеќе луѓе, да се реши прашањето на егзистенцијата наместо да се заминува во странство. Јас се одлучив за производство на малини поради добар „есап". Инвестицијата се враќа само по година и половина, за разлика од други популарни култури, како лешници, каде што треба да се чека повеќе години, смета Синиша.

Во фирмата на Стефановски работат 10 луѓе и сезонски уште 40 берачи, додека кооперантите имаат свои вработени. Има и ладилник на имотот во Јанчиште со капацитет до 300 тони малини.

– Плановите ни се да достигнеме и до 500 тони малини, а потоа да се прошируваме и на производство на продукти од ова овошје, како џем, слатко, сокови и слично, рече Стефановски.

Во Полошкиот Регион се одгледува малина од сортата „виламед", застапена во околу 80 отсто од светското производство. Потребно е да се одгледува на пропустлива почва, да не биде црвеника или глина.

Се смета дека е најотпорна на ниски температури и болести. Дава принос од 20 тони од хектар. Се работи од средината на февруари до средина на ноември. Може да се постави заштитна мрежа за да не биде оштетена малината од град, мраз и УВ-зраци.

Малината созрева за берење околу први јуни и се бере триесетина денови. Мора да се собира во период од 5 до 11 часот и по 15 часот да се избегнат високите температури што ја оштетуваат. Годинава поради пониските температури ќе доцни околу две недели.

Кога се бере се става на разладување во ладилник на четири степени, па потоа се „шокира" на минус 37 степени и се замрзнува. Се шокира свежа и со тоа се зачувуваат сите здрави и корисни состојки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Полицаец од Флорида пронашол мртов човек, па му го украл идентитетот и се вселил во неговата куќа (ВИДЕО)

Полицаец од Флорида е обвинет за кражба на идентитет на маж што го пронашол мртов, а потоа се преселил во неговиот дом и го презел неговиот идентитет.

Полицаец од Флорида пронашол мртов човек, па му го украл идентитетот и се вселил во неговата куќа (ВИДЕО)

Брајан Луис Сгурос, 35, полицаец од Лодерхил, Флорида, беше уапсен претходно оваа недела. Истражителите велат дека Сгурос се претставувал како починатиот Денис Вест, се преселил во двокатната куќа каде што го пронашол неговото тело, а потоа ја реновирал.

Според полицијата, тој живеел во куќата на југот на Флорида со години без никој да ја открие измамата.

Сгурос сè уште не се изјаснил за обвиненијата. Не е познато дали има адвокат. Полициската управа на Лодерхил го отстранила од должностите и го суспендирала, објавува Би-Би-Си.

Организирал кремација на телото на сопственикот на куќата

Во 2022 година, полицијата добила повик да провери за 71-годишниот жител на Лодерхил, Денис Вест. Полицаецот Брајан Луис Сгурос бил испратен да помогне во истрагата.

Кога го пронашол Вест, кој починал од природна смрт, наводно „смислил сложена измама за да ја преземе контролата врз домот на лицето“, се вели во соопштението на шерифската канцеларија на округот Бровард.

Според соопштението, истражителите тврдат дека Сгурос му кажал на канцеларијата на мртовечникот дека е пријател на Вест, иако властите не пронашле докази дека двајцата се познавале.

Судските документи наведуваат дека полицаецот е виден на камерата на телото за време на запирањето и дека нема индикации дека имал претходен контакт со Вест.

Сгурос наводно му кажал и на канцеларијата на мртовечникот дека Вест нема живи членови на семејството, што исто така било неточно. Потоа Сгурос организирал кремирање на телото на Вест.

Вели дека сакал да спречи други нелегално да се вселат во домот

Заедничката истрага на канцеларијата на шерифот и Канцеларијата за проценувачи на недвижности во округот Бровард откри дека Сгурос ја презел куќата и се вселил во неа во август 2022 година.

Властите велат дека тој поднел документација до канцеларијата за проценка на имотот во 2025 година во која наведува дека ја презел куќата во август 2022 година.

Судските документи наведуваат дека Сгурос тврди дека ја презел куќата бидејќи била опасна и сакал да спречи други нелегално да се вселат.

Тој ги плаќал сметките за комунални услуги на име на починатиот. Тој, исто така, аплицирал за дозвола за замена на надворешните врати и прозорци, што би чинело 8.000 долари.

Сгурос тврдел дека ја зголемил вредноста на имотот и инвестирал повеќе од 214.000 долари во куќата.

Тој плати кауција од 25.000 долари

Мажот е обвинет за злоупотреба на службена должност, незаконска употреба на идентитет на починато лице, незаконска употреба на лични идентификациски информации, кривично дело против корисник на компјутер и незаконска употреба на двонасочен комуникациски уред.

Тој беше ослободен од притвор со кауција од 25.000 долари. Локалните агенции за спроведување на законот дознаа за случајот кога наследниците на Вест се обидоа да го продадат имотот.

Тагови: полицаец флорида

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Снимен е моментот на судар на два борбени авиони на војската на Филипини- загинаа сите четворица пилоти (ВИДЕО)

Два авиона на Филипинските воздухопловни сили се судрија за време на тренинг лет и се урнаа во воздухопловна база јужно од Манила. 

Снимен е моментот на судар на два борбени авиони на војската на Филипини- загинаа сите четворица пилоти (ВИДЕО)

Сите четири пилоти загинаа во несреќата, соопштија филипинските власти.

Два авиони SF-260 се судрија вчера попладне за време на лет на ниска надморска височина пред да се срушат во воздухопловната база Фернандо во Липа Сити, во крајбрежната покраина Батангас јужно од главниот град. Нема повредени на земја во несреќата, соопштија официјални лица.

Филипинските воздухопловни сили не дадоа детали за несреќата, која ја опишаа како случајна. Двајца филипински службеници запознаени со инцидентот рекоа дека авионите се судриле во воздух. Тие зборуваа под услов на анонимност бидејќи не биле овластени јавно да коментираат за случајот.

Еден од двата двоседни авиони се урна во близина на воената касарна во воздухопловната база, изјави сведок за Асошиејтед Прес. Воздухопловните сили објавија дека привремено ги приземјиле сите преостанати авиони SF-260, набавени од Италија, во исчекување на истрага. Не е објавено колку од овие авиони сè уште се во употреба.

Филипинската војска се соочува со недостаток на средства

Во мај, филипински SF-260 се урна и за време на навигациски тренинг лет во планинската покраина Бенгет на север од земјата, додека леташе со неколку други авиони од ист тип. Двајцата пилоти беа убиени.

Според податоците на воздухопловните сили, во 2023 година, друг SF-260 се урна за време на тренинг лет во оризово поле во покраината Батаан, северозападно од Манила. Двајцата членови на екипажот беа убиени. Вчерашната несреќа е уште еден удар за филипинската војска, која долго време се соочуваше со недостаток на средства.

Поради буџетски ограничувања, Филипините со години се борат да ги модернизираат своите воздухопловни сили, морнарица и армија. Во исто време, земјата се соочува со децениски комунистички и муслимански бунтови и сè понепријателски територијални спорови со Пекинг во Јужното Кинеско Море.

Тагови: пилоти Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 150 лица се убиени во напад со дрон на пазар во Судан- реагира ОН

Советот за безбедност на Обединетите нации повика на истрага за нападите со беспилотни летала во Абјеи, спорна територија меѓу Судан и Јужен Судан, во кои загинаа десетици луѓе.

Најмалку 150 лица се убиени во напад со дрон на пазар во Судан- реагира ОН

Советот остро ги осуди нападите во близина на пазар во градот Тодах, соопшти најмоќното тело на ОН.

Локалните власти велат дека најмалку 150 лица се убиени

Локалните власти соопштија дека најмалку 150 лица се убиени во нападите . Обединетите нации потврдија најмалку 80 смртни случаи, а по други сè уште се трага.

Нападите, исто така, предизвикаа големи пожари, од кои повеќето беа изгаснати од мировната мисија на ОН во Абјеи (UNISFA), соопшти ОН.

Советот за безбедност нагласи дека Абјеи мора да остане демилитаризиран и предупреди дека намерните напади врз цивили би можеле да претставуваат воени злосторства.

Локалните медиуми објавија дека портпаролот на владата во регионот богат со ресурси рекол дека целите биле цистерни во дел од пазарот каде што суданските трговци работеле.

Владата на Јужен Судан ја обвини суданската армија за нападите, но армијата негираше одговорност.

Во нападите со беспилотни летала загинаа стотици цивили оваа година

Јужен Судан доби независност од Судан во 2011 година по една деценија граѓанска војна. Статусот на Абјеи останува нерешен, а мировна мисија на ОН е стационирана таму од 2011 година.

Суданската армија и паравоените Сили за брза поддршка (RSF) се борат за контрола врз земјата од април 2023 година. Граѓанската војна дополнително ја дестабилизираше ситуацијата во спорниот граничен регион, според ОН.

Инцидентот е дел од серија напади со дронови што драматично го променија текот на војната во Судан оваа година. Според Канцеларијата за човекови права на ОН (OHCHR), најмалку 1.120 цивили беа убиени во напади со беспилотни летала во Судан само во првата половина од годината.

Тагови: дрон Судан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер