Автомобилизам

Летечките автомобили доаѓаат- прототипот е претставен во Барселона и чини 300.000 долари(ВИДЕО)

На Mobile World Congress (MWC) 2024 во Барселона, Alef Aeronautics го претстави својот прототип на летечки автомобил.

На Mobile World Congress (MWC) 2024 во Барселона, Alef Aeronautics го претстави својот прототип на летечки автомобил, навестувајќи потенцијално револуционерно превозно средство кое комбинира традиционално возење по патишта со способност за вертикално полетување и слетување.

„Alef Aeronautics се стреми да го реши проблемот со сообраќајниот метеж преку користење на воздушниот простор, што отвора нови можности за брзо и ефикасно патување. Оваа визија предвидува значителни промени во урбаното планирање, сообраќајната инфраструктура и начинот на кој луѓето размислуваат за транспортот.“ , вели Константин Кисли, главниот технолошки директор на компанијата.

За да го решат проблемот со застојот, тие го развија летечкиот автомобил Model A, кој е способен да вози по патишта и вертикално да полетува и слетува, благодарение на иновативниот дизајн со осум пропелери. Ова возило се префрла од режим на возење во режим на летање со ротирање на целата структура, така што страните се трансформираат во горни и долни крила, додека возачкото седиште автоматски се прилагодува на новата ориентација. Овој процес му овозможува на возилото ефикасно да се движи и на земја и во воздух, нудејќи им на корисниците единствена флексибилност во надминувањето на пречките како што се сообраќајниот метеж и ограничувањата во инфраструктурата.

Еден од клучните моменти во развојот на летечкиот автомобил на Alef Aeronautics беше кога компанијата доби дозвола од Федералната управа за авијација (FAA) за пробни летови минатата година. Ова претставува значајна пресвртница, не само за Alef Aeronautics, туку и за целата индустрија на летечки возила, бидејќи е првпат возило од ваков тип да добие ваков тип одобрение од американската влада. Тоа секако го отвора патот за идните регулативи и комерцијалната употреба на летечките автомобили.

Со почетна цена од околу 300.000 долари, летечкиот автомобил Alef Aeronautics има за цел да постигне достапност преку масовно производство.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер