Токму таков е случајот со препородениот Renault 5, но тој пристигна и изгледа одлично.

Петката е електричен автомобил со избор на големини на батерии, седишта за пет лица и капацитет на багажникот на исто ниво со многу поголеми градски автомобили. Сериската верзија се базира на свежа архитектура наречена AmpR Small, која е дизајнирана исклучиво да поддржува електрични возила.

Со вкупна должина од само 3,92 метри, 5 е компактен, но не многу мал. Тој е подолг од конвенционалните градски автомобили како што се Hyundai i10 или Fiat 500, но пократок од речиси сите модерни супермини.

Од Renault велат дека Петката е вкупно девет сантиметри пократка од Clio, но дека меѓуоскиното растојание е само четири сантиметри пократко. Невообичаено за толку мало возило, неговата стандардна големина на тркалото е 18 инчи, што е клучна одлука за да се постигне привлечноста на концептот.

Најголемата визуелна разлика на серискиот автомобил доаѓа од напред, каде дизајнерскиот тим на Renault си поигруваше со фаровите.

Страните ја имаат истата скриена рачка на задната врата како и изложбениот автомобил и малку повисок профил на покривот од Clio (5 е повисок за шест сантиметри), додека на задниот дел Renault го отфрли своето вообичаено лого (се уште присутно на носот) и го замени со името на компанијата и ознаката 5.

Купувачите во Европа ќе можат да го купат 5 со стартен мотор од 94 КС, додека помоќните верзии ќе имаат 121 КС/225 Nm вртежен момент и 148 КС/245 Nm. Постојат две опции за батерии - 40 kWh со моторот од 121 КС и 52 kWh со единицата со 148 КС.

Рено допрва треба да ги објави официјалните бројки за досегот, но верзијата со мали батерии може да помине околу 300 километри помеѓу полнењата доколку се користи во град, додека верзијата од 52 kWh би требало да може да помине до 400 километри меѓу полнењата.

Помалата батерија добива 80 kW DC полнење, додека поголемиот пакет може да се полни до 100 kW, што значи дека 15-80 проценти може да се наполни за нешто помалку од половина час.

Renault 5 ќе има поставка B за поагресивно враќање на енергијата при сопирање, но при лансирањето автомобилот нема да може да се вози во режим со една педала. Инженерите на Renault велат дека функцијата би можела да биде воведена во идно ажурирање за моделската година, иако за тоа ќе биде потребен дополнителен хардвер.

Во внатрешноста, Renault ги имитира елементите на оригиналниот Renault 5 Turbo. Облогите варираат од тексас материјал направен од рециклирани ПЕТ шишиња до енергична мешавина од жолта и сива боја произведена од рециклирана ткаенина.

Почетната верзија треба да се задоволи со седум-инчна дигитална табла со инструменти наместо со 10-инчна вградена во остатокот од гамата, но сите верзии добиваат централен инфозабавен систем од 10 инчи.

Капацитетот на багажникот е 326 литри, околу 60 литри помалку од Clio, иако 27 литри од тоа се под подот, каде што речиси сигурно ќе се користат за складирање на кабелот за полнење на автомобилот.

Цената би требало да биде малку повисока од новите електрични модели предводени од e-C3 на Citroen, а пониска од онаа на MINI Cooper Electric или Fiat 500 со нула емисија. Преведено, тешко дека ќе биде под 25 илјади евра.