Македонија

ЛДП: Џебот на граѓаните најважен, бараме итен спас на ЕУ милионите во присуство на Марта Кос!

Денешното утро е клучен момент за иднината на Македонија.

За само неколку часа во државава пристигнува еврокомесарката Марта Кос, во денови кога судбината на парите од Европската Унија наменети за македонските граѓани виси на конец поради политичка неодговорност и партиски пазарења.

Либерално-демократската партија излегува со јасен, конкретен и итен предлог до Собранието: бараме уште денес, на консензуален начин, пратениците итно да ги усвојат измените на Изборниот законик, но само во делот на техничките барања и препораките предложени од ОБСЕ и ОДИХР. Не смееме да дозволиме ниту едно евро предвидено за Македонија да биде блокирано поради внатрешни политички калкулации.

ЛДП инсистира ниту евро од сиромашниот македонски граѓанин да не биде доведено во прашање поради политичката неспособност за изнаоѓање компромис. Не смеат политичките и партиските интереси да бидат пред и над џебот на Македонецот или на било кој граѓанин во државата, кој и без тоа плаќа огромни давачки, а има најниски плати и стандард во регионот.

Владеачкото мнозинство и Владата веднаш да престанат да играат политички игри и да провоцираат блокада на носењето на измените на изборниот закон во делот на измените кои се чисто технички. Бараме уште денес, преку Министерството за правда, во Собранието да се поднесат овие измени на изборните правила кои се побарани од Европската Унија, тие веднаш да се стават на гласање и да се усвојат со консензус пред да замине комесарката Марта Кос. ЕУ преку еврокомесарката мора да се врати во Брисел со сознание дека политичарите во Македонија реално работат за македонскиот народ и граѓани.

Но, должни сме пред јавноста да ја кажеме и целата, брутална вистина, тргајќи ги настрана евтините политички соопштенија. ЛДП јавно предупредува: само со донесувањето на Изборниот законик, Македонија НЕМА да успее да ја повлече целата транша од парите од Планот за раст! Овие технички измени спасуваат само еден поединечен износ од околу 4 милиони евра дефиниран за оваа изборна реформа, со што ја тргаме вината од себе пред Брисел. Но, огромната сума од над 70 милиони евра сепак ќе остане замрзната во Брисел сè додека паралелно не се реши и правосудниот пакет.

Европската комисија функционира по строг принцип на условеност во клучниот кластер „Темели“ (Fundamentals). Ако паднеме на најважниот испит – правосудството – не можеме да ја минеме годината само затоа што сме донеле технички измени во изборните правила. Затоа, бараме итни гаранции од нашата влада дека ќе се однесува максимално одговорно и за другите клучни реформи – вклучително и четирите закони за правосудството кои бараат двотретинско мнозинство – за да не се изгуби ниту еден единствен цент од парите предвидени од Реформската агенда.

Што се однесува до суштинските политички измени во изборниот модел, ЛДП бара дијалогот меѓу партиите да продолжи веднаш по заминувањето на комесарката, со цел да донесеме правила кои ќе значат поголема правичност, отвореност, рамноправност и над сè – сувереност на народот. ЛДП не се откажува од своите црвени линии, кои се воедно и црвени линии на 1,5 милион граѓани во државата: една изборна единица и отворени листи.

Ќе продолжиме цврсто да инсистираме на нашите логични и корисни предлози, но во моментов, во овие неколку часа на одлука, не прифаќаме да се ставаат прсти во плиткиот џеб на нашите сограѓани кои живеат во Македонија. Никаков изговор од никого за негласање на овој предлог за техничките измени нема да биде прифатен од жителите на Македонија, затоа што секое кочење во овој момент директно придонесува за нивната сиромаштија. Време е за одговорност пред сопствениот народ!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада: Обезбедени се над 10 милиони евра за откуп на оризова арпа и грозје вранец

Владата донесе Одлуката со која се менуваат и дополнуваат условите за користење на средствата од компензационите фондови.

Постојната кредитна линија што се реализира преку Развојната банка добива конкретна намена за финансирање на откупот на оризова арпа и винско грозје од сортата вранец.

Одлуката ја носиме пред главниот период на откуп, кога на компаниите им се потребни значителни средства за преземање на производите, а приходите од нивната продажба или преработка се остваруваат подоцна.

Со овој инструмент создаваме финансиска основа откупот да се одвива навремено, а предадениот род да биде исплатен во утврден рок.

Се активираат расположливи средства од постојната кредитна линија и слободни средства со кои управува Развојната банка. Вкупниот расположлив износ, изнесува 793.481.723 денари или околу 10,1 милиони евра. Од нив, 240 милиони денари се наменети за откуп на оризова арпа, а 553.481.723 денари за откуп на винско грозје од сортата вранец.

Барањата во рамките на секој од двата износи ќе се разгледуваат според редоследот на пристигнување. Максималниот износ на кредитот за откуп на вранец ќе изнесува до 130 милиони денари, а за оризова арпа до 30 милиони денари.

За оризовата арпа е предвиден рок на отплата до шест месеци, а за грозјето до девет месеци. За двете намени се предвидени грејс-период до три месеци и квартална отплата. Каматната стапка ќе биде фиксна и ќе изнесува еден процент годишно, без еднократна провизија за управување со кредитот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Катастрофални пожари во југозападна Европа: Франција, Шпанија и Италија во борба со огнената стихија

Огнената стихија продолжува да пустоши низ југозападна Европа.

Франција, Шпанија и Италија со денови се борат со едни од најголемите шумски пожари во последните години, а високите температури и силниот ветер ја отежнуваат битката со пламените јазици.

Во Франција ситуацијата останува најкритична. Само во регионот околу Бордо изгореа повеќе од 42 илјади хектари шума, додека од почетокот на годината во земјата се уништени над 116 илјади хектари шумски површини. Евакуирани се околу 220 илјади жители и туристи. Во Шпанија, пожарите досега зафатиле повеќе од 150 илјади хектари, а над 100 илјади луѓе биле евакуирани или добиле наредба да ги напуштат своите домови. Италија, пак, се соочува со десетици активни пожари, особено на Сицилија и југот на земјата, каде што дел од населението беше евакуирано и по морски пат.

Францускиот претседател Емануел Макрон порача дека државата ги мобилизирала сите расположливи ресурси во борбата со пожарите а земјата се бори со најтешката ситуација од Втората светска војна.

-Пожарникарите од цела Франција се на терен. Со околу 20 специјализирани противпожарни единици, досега невидени воздушни ресурси и повеќе од 1.5000 припадници на армијата ангажирани во гаснењето. Борбата со огнената стихија продолжува, изјави– Емануел Макрон – Претседател на Франција.

Метеролозите велат дека надежите за дожд засега се мали и стравуваат дека топлотни бранови и високи температури допрва доаѓаат на европскиот континент.

-Западна Европа во мометов и е потребна комбинација од ладен воздух и врнежи од дожд. За жал нема ништо да видиме од тоа оваа недела. Зошто? Бидејќи ни претстои уште еден топлотен бран. Можеме да видиме што точно се случува. Веќе препознатлива слика од територија со висок воздушен притисок, кој се протега низ континентот. Ќе ни донесе денови со сонце, растечки температури и недостаток на дождови. И на врв од тоа, на средина од неделата на јужните и северни делови на Европа ќе биде многу топло. Температурите ќе достигнат и до 30 и плуст степени а некаде и до 40 степени. Тоа е она она не сакате да го слушнете кога се борите со шумски пожари,- изјави –Лиам Тутон – Метеолог .

Според податоците на Европскиот информативен систем за шумски пожари (ЕФФИС), во Шпанија веќе сега е изгорена повеќе од двојно поголема површина од просекот за цела година, а во Франција дури повеќе од петпати поголема површина Шумите полесно горат бидејќи европската вегетација и почва се екстремно суви со месеци, а сушата е влошена од климатските промени и неодамнешните исклучителни топлотни бранови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Велковски: До крајот на годината се отвараат 15 нови градинки, листата на чекање целосно ќе се елиминира

До крајот на годинава се очекува да бидат отворени 15 детски градинки со што ќе се обезбедат повеќе од 3.800 нови места за прием на деца од предучилишна воздраст, најави денеска министерот за социјална политика, демографија и млади, Ѓоко Велков.&nbs

Според него, со реализацијата на сите проекти, сегашната листа на чекање од околу 4000 деца ќе биде целосно елиминирана.

-Останува во 2026 и 27 да отвориме вкупно 37 вакви објекти, каде што ќе задоволиме капацитет на 3.800 дечиња, што значи бројот на листите за чекање од 4.000 ќе биде сведен на нула. 15 од овие 37 градинки ќе бидат отворени до крајот на 2026 година, со што повеќе од 1.800 деца ќе можат да се сместат во овие капацитети,- - Ѓоко Велков- министер за социјална демографија, спорт и млади.

Како што рече Велков, изминативе години во градинките се вработени и повеќе од 900 воспитувачи и друг стручен кадар со цел подобрување на условите за згрижување на децата.

Министерот посочи и дека Министерството постојано ги следи демографските трендови и потребите на секоја општина, со помош на детални анализи за бројот на новородени деца и капацитетите на градинките, за како што рече навремено да се планираат нови инвестиции и да се обезбеди место за секое дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.