Свет

Кубанците го откажаа годишниот фестивал на пури

Годишниот фестивал на пури во кубанската престолнина Хавана стана најновата жртва на недостигот од гориво предизвикан од блокадата на САД.

Организацискиот комитет на Фестивалот дел Хабано објави дека овогодинешното издание, кое требаше да се одржи кон крајот на февруари, е откажано. Одлуката е донесена поради „сложената економска ситуација“ со која се соочува Куба поради „економската, комерцијалната и финансиската блокада“ наметната од САД.

Организатори: Сакаме да почекаме условите да се подобрат

Недостатокот на гориво, кој предизвика прекини во снабдувањето со електрична енергија на карипскиот остров, дополнително е влошен од запленувањето на пратките нафта од Венецуела од страна на САД, долгогодишен кубански сојузник.

Кубанаците се соочуваат и со недостиг на авионско гориво, што предизвика неколку авиокомпании да ги суспендираат летовите до земјата, додека некои земји, вклучително и Обединетото Кралство, ги предупредија своите граѓани да избегнуваат непотребни патувања.

Кубанските пури се сметаат за меѓу најдобрите во светот, но се забранети во САД поради долгогодишното трговско ембарго на САД. Се проценува дека секоја година повеќе од 1.300 луѓе од околу 70 земји учествуваат на фестивалот Хабано, каде што дегустираат пури од кубански производители и посетуваат плантажи и фабрики за тутун.

Со оглед на тоа што меѓународниот туризам на островот е ограничен од американското ембарго, организаторите на фестивалот изјавија дека сакаат да почекаат подобрување на условите пред да го одржат настанот. Организацискиот комитет изјави дека работи на одредување нов датум, кој сè уште не е објавен.

„Приоритет на фестивалот Хабано е да им понуди на учесниците сеопфатно искуство на ниво на важност и престиж што го има овој настан на меѓународната сцена“, се наведува во соопштението за медиумите.

Трамп ги повикува кубанските лидери да „постигнат договор“

Венецуела претходно испрати околу 35.000 барели нафта дневно во Куба пред американската војска да го зароби Николас Мадуро на 3 јануари. Оттогаш, прекините на електричната енергија, кои траат до 18 часа на ден, ги погодија болничките служби за итни случаи, пациентите на дијализа и пумпните станици.

Претседателот на САД, Доналд Трамп, ги повика кубанските лидери да „постигнат договор“ или да се соочат со последиците. Односите меѓу САД и Куба се затегнати откако комунистот Фидел Кастро ја собори владата поддржана од Вашингтон во 1959 година. Американското економско и трговско ембарго врз Куба е во сила од 1960 година.

Тагови: Кубанци пури

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Чаир: На Бит пазар станува збор за замена на постојните продажни боксови

Во однос на актуелните активности на Бит Пазар, Општина Чаир информира дека станува збор за замена на постојните продажни боксови, кои со текот на годините се амортизирани, со нови и современи боксови.

Целта е Бит Пазар да добие целосно уреден, модерен и унифициран изглед, како што веќе има поголемиот дел од пазарот. Со обновувањето на преостанатиот дел се создаваат подобри и похигиенски услови за работа за продавачите, но и поуредна, почиста и попријатна средина за сите граѓани кои секојдневно го посетуваат пазарот.

Важно е да се нагласи дека суштинската намена на просторот не се менува. Постојните продажни места остануваат, но добиваат нов и посовремен изглед, а продавачите продолжуваат да ја извршуваат својата дејност. Целта е процесот на модернизација да придонесе Бит Пазар да стане пофункционален, поуреден и попријатен простор и за оние кои работат таму и за граѓаните.

Воедно, станува збор за активности на приватен имот во сопственост на „Скопски пазар“.

Општина Чаир го поздравува секое уредување и подобрување кое придонесува за почиста, посовремена и поуредна средина за граѓаните. Нашата заедничка цел треба да биде Бит Пазар да го задржи своето значење и традиција, но истовремено да добие современ изглед и услови што одговараат на потребите на граѓаните и на времето во кое живееме, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода арачиновец во Липково, превезувал огревни дрва без документација (ВИДЕО)

Против него ќе следува соодветна пријава.

На 05.10.2026 во 18:00 часот, полициски службеници од СВР Куманово го лишија од слобода Џ.А.(65) од село Арачиново. Тој во село Липково управувал товарно возило во кое превезувало дрва без жиг и не застанал на даден знак стоп од полициски службеници и се обидел да побегне.

Џ.А. бил приведен во полициска станица и по целосно документирање на случајот против него ќе следува соодветна пријава.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По 11 години – Охрид конечно ќе добие затворен базен!

По речиси 11 години застој, затворениот базен во Охрид конечно ќе биде завршен и ставен во функција.

Владата на Република Македонија на денешната седница ја усвои точката со која се овозможува продолжување и конечно завршување на затворениот базен во Охрид.

Обезбедени се 470 милиони денари за негово целосно завршување.

Ова за мене е многу повеќе од уште еден инфраструктурен проект. Ова е инвестиција во младите, во спортистите, во пливањето. Во иднината на спортот во Охрид и во целата држава.

Со завршувањето на базенот, спортистите ќе добијат современи услови за тренинг, младите категории ќе добијат простор за развој, а Охрид ќе добие услови за организирање натпревари и за понатамошен развој на спортот.

Како Влада и како Министерство за спорт не сакаме капитални спортски објекти да стојат со години и да чекаат. Сакам да ги гледаме завршени и ставени во функција.

Токму затоа ова е еден од проектите на кои сме посебно посветени и драго ми е што денес можеме да кажеме дека по 11 години – конечно се движиме кон неговата реализација.

Голема благодарност до претседателот на Владата, Христијан Мицкоски, и до Владата за поддршката и за јасната определба да инвестираме во спортот и во спортската инфраструктура.

Охрид заслужува затворен базен. Охрид ќе го добие.

Продолжуваме со работа, се наведува во соопштението на Влада на Македонија/Министерство за спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.