Крокодил изел едногодишно дете - го извлекол од чамецот, татко му се обидел да го спаси (ВИДЕО)

Крокодил грабнал и изел едногодишно момче и тешко го повредил татко му додека веслале по река во Малезија.

Вчераутро ѕверот го грабнал малото момче од кану додека со татко му ловел риба во Сабах. Неговиот вознемирен татко (40) се обидел да го одбрани, но крокодилот лесно го совладал. Тој истрчал на брегот со повеќекратни рани од каснување, вклучително и ужасен удар во главата.

Селаните го извлекле членот на племето Палаух од реката, но крокодилот веќе го одвлекол неговиот син во длабочините. Подоцна се појавил на површината со осакатено тело на малото дете во вилиците пред да потоне назад во водата.

Сумсо Рашид, водачот на спасувачката екипа вели дека потрагата по телото се уште е во тек.

- Таткото се здоби со сериозни повреди на главата и телото. Неговиот син се уште е исчезнат, а потрагата е во тек. Мажот е префрлен на лекување во болницата Лахад Дату - рекол Рашид.

Кралската малезиска полиција и поморската полиција ѝ се придружиле на локалната противпожарна служба во потрагата по телото на момчето. Официјалните лица, исто така, ги предупредиле селаните кои живеат покрај реката да се држат подалеку од водата поради ризикот од нов напад на крокодилот.

- Многу жители се потпираат на реката за храна и егзистенција, па мораат да влезат во водата. Ги предупредивме на дополнителна опасност во овој момент и да бидат дополнително внимателни бидејќи крокодилот најверојатно се уште ќе биде во областа – додаде Рашид.

Минатата 2022 година плодна во областа на евроинтеграциите и реформските процеси

Изминатата 2022 година е најуспешната година на европските интеграции во историјата на нашата земја и е клучна пресвртница во нашите односи со ЕУ. 

Во тековната 2023 година не очекува успешен завршеток на скринингот и креирање на неопходните документи за отворање на првиот кластер, обезбедување на вистински политички консензус за ЕУ и уставни измени и максимално искористување на сите можности за финансиска помош од ЕУ, оцени вицепремиерот за европски прашања Бојан Маричиќ на првиот панел „ЕУ интеграции и реформски процеси“ во рамки на дводневната годишна конференција „Година на нови можности”, во организација на Владата.

Тој нагласи дека земјава добива околу 100 милиони евра годишно европски пари и додаде дека ЕУ е најголем и најбитен инвеститор во нашиот развој. Европските пари од ИПА, како што рече, треба да и помогнат на државата да ги изведе тешките реформи, а нивниот фокус треба да остане на инфраструктурата и енергетиката.

Како клучно прашање тој го истакна зајакнувањето на кадрите во јавната администрација во делот на евроинтеграциите кои, како што посочи, си ја знаат работата и имаат повеќегодишен континуитет.

– Ако успееме во јавниот сектор да ги задржиме оние кои работат и се вредни, а да ги замолиме да го напуштат оние кои не работат сме завршиле пола од работата. Тоа ќе биде најдобрата инвестиција зашто секоја влада ќе може да се потпре на тие вредни работници, рече Маричиќ.

Вицепремиерката задолжена за политики за добро владеење Славица Грковска во видео обраќање посочи дека изминатата година биле сконцентрирани на дигиталната трансформација на општеството, антикорупциските политики, како и на градење на професионални, транспарентни, одговорни и отчетни институции. Клучни им биле и транспарентноста, одговорноста, ефикасноста и ефективноста, владеењето на правото, интегритетот, инклузивноста и градењето консензус и достапноста за граѓаните.

– Морам да истакнам дека особено се посветивме на унапредување на транспарентноста на институциите, за што веќе има и конкретни резултати, но и во делот на јакнење на интегритетот не само кај избраните и именуваните функционери во Владата, меѓутоа и кај младите кои мора да бидат движечка сила на промените. Овој процес не е лесен. Не е лесно да се промени свеста преку ноќ, но јас верувам дека сме на добар пат, заеднички и со граѓанскиот сектор и со силна поддршка од нашите меѓународни партнери да постигнеме напредок, рече Грковска.

Таа нагласи дека е неопходен силен општествен консензус околу воспоставување на принципите на добро владеење на секое ниво, во секоја институција и област.

– Секое работење мора да биде базирано на транспарентност, отчетност, владеење на правото, ефикасност и ефективност. Граѓаните се веќе суперсензитивни на корупција, на недомаќинско работење, на секаков вид злоупотреби на службената должност. Во соработка со надлежните институции веќе се работи на решенија и политики кои ќе овозможат корупцијата да стане неисплатлива. Јас немам илузии дека корупцијата може од корен да се искорени, но верувам дека таа може да се намали, порача Грковска.

Основата на дигиталната трансформација на општеството, како што рече, е воспоставување на електронски идентитет за секој граѓанин.

– Со надградба на личната карта, која што ќе може да се користи и за електронска идентификација и за електронско потпишување, ќе се овозможи пристап до сите дигитални услуги, посочи Грковска.

Министерот за правда Никола Тупанчевски истакна дека токму дигитализацијата на судството е еден од факторите кои можат да придонесат во однос на сузбивањето на криминалот и корупцијата и додаде дека АКМИС системот и „Кејс менаџмент“ системот во судството се двете алатки кои покажуваат во која фаза во постапката се наоѓа секој предмет. Од 1 јануари годинава, како што кажа, АКМИС системот за автоматска распределба на предметите е воведен и во Јавното обвинителство.

– Првичните резултати од неговото воведување покажуваат дека се движиме во вистинска насока, рече Тупанчевски.

Во однос на ветингот во судството тој рече дека треба да бидеме внимателни ако се потпреме на искуството на Албанија, каде процесот почна во 2017 година и се уште не се постигнати очекуваните резултати и единствено се останати без судии и јавни обвинители.

– Треба да има проверка, а допрва треба да одговориме за начинот на кој тоа треба да го правиме ветингот. Дали ќе биде парцијален само за судии и јавни обвинители или ќе се однесува на сите избрани лица. Дали би го правеле со постојната регулатива или со нов закон и дали со постојни капацитети или со дополнителни. Секако за ветингот треба да има четири задолжителни стандарди или критериуми – интегритет, квалификации, поврзаност со организиран криминал и имотната состојба на судиите и јавните обвинители, потенцира Тупанчевски.

Заменик-министерот за информатичко општество и администрација Александар Бајдевски рече дека целта на МИОА е создавање на модерна јавна администрација базирана на дигитализација и додаде дека можност за размена на дигитални податоци во моментов имаат 52 институции од кои 27 се приклучени во текот на минатата година.

– Цврсто сме решени да ги користиме предностите на ИКТ индустријата за создавање на дигитално општество и веќе ја изработивме Нацрт национална стратегија за ИКТ со која се очекува да се постигне европскиот просек на тоа поле, рече Бајдевски.

Тој нагласи дека во континуитет се одвива реформата на јавна администрација.

– Процесот не е запрен и сметам дека сме одлучни да ја професионализираме администрацијата. За да ги оствариме тие цели тука е и драфт верзијата за плати во јавната администрација. Се надевам дека во разговор со синдикатите ќе најдеме решение кое ќе биде квалитетно и ќе ни овозможи да ги зачуваме квалитетните кадри во администрацијата. Изминатиот период напорно работевме, а ќе продолжиме и во иднина за еден ден да биде реалност. Новата методологија за пристапни преговори ни оди во прилог. Ќе имаме зголемен притисок на нашата работа со цел да бидеме поефикасни и поефективни, рече Бајдевски.

Американскиот државен секретар на дипломатска турнеја по Блискиот Исток

 Американскиот државен секретар Ентони Блинкен денеска во Каиро разговараше со египетскиот претседател Абдел Фатах ал-Сиси за смирување на израелско-палестинските тензии, по што ќе отпатува во Ерусалим и Рамала.

Посетата на Израел, планирана многу порано, доби поинаков тон со избувнувањето на новата спирала на израелско-палестинско насилство што досега меѓународните повици за смирување не успеаја да го запрат.

Египетскиот претседател Ал Сиси, незаменлив учесник во посредувањето во израелско-палестинскиот конфликт, го прими Блинкен во Каиро. Тие разговараа за тековните напори за деескалација на тензиите меѓу Израелците и Палестинците, соопшти портпаролот на Стејт департментот Нед Прајс, нагласувајќи ја важната улога на Каиро во „промовирање на регионалната стабилност“.

Блинкен, по денешната посета на Каиро, ќе отпатува во Израел каде ќе се сретне со премиерот Бенјамин Нетанјаху, а потоа и во Западниот Брег на средба со палестинскиот претседател Махмуд Абас.

Блинкен за саудиската телевизија Ал Арабија изјави дека сака да разговара со израелската влада и со лидерите на палестинските власти. – Сакам да слушнам што имаат да кажат луѓето кои се погодени секој ден (од конфликтот), рече Блинкен.

По разговорот со Ал Сиси, Блинкен во Каиро се сретна со шефот на египетската дипломатија Самех Шукри.

Иако САД и Египет се важни дипломатски актери, експертите сметаат дека просторот за маневрирање на американскиот државен секретар е ограничен.

Ковачевски: Ги реализираме и инфраструктурните проекти кои беа заглавени десетина години

Ги реализираме и инфраструктурните проекти кои поради лошо проектирање беа заглавени десетина години.

Повторно зголемување на платите и пензиите, амбициозен план за инвестиции, почеток на градежните работи на Коридорот 8, автопатско решение до Албанија и меѓу Прилеп и Битола, завршување на најголемите инфраструктурни проекти, браната Коњско, автопатот Кичево – Охрид.., се само дел од активностите за оваа година, најави денеска премиерот Димитар Ковачевски.

Во изјава за медиумите по завршувањето на првиот панел од конференцијата „Година на нови можности“, Ковачевски истакна дека оваа Влада веќе ги реализира проектите кои долго време беа заглавени, а интензивно се работи и на патиштата кои не беа направени.

Премиерот рече дека ако се има посветеност, фокус и волја, инвестициите може да се реализираат.

Ковачевски е согласен со стопанските комори дека инфраструктурата е врвен приоритет за успешно развивање на економијата и бизнисите во кој било регион.

– Бизнисот има право да го каже тоа. Јас сум поминал 22 години во приватниот сектор, сум бил дел од Стопанската комора и сум личен пријател со претседателите на сите комори. Во државата беа почнати неколку клучни инфраструктурни проекти пред десетина години кои не се реализираа зашто беа лошо проектирани. Патот Кичево – Охрид почна со интензивна реализација во 2022 година, зашто 25 отсто од трасата мораше одново да се проектира. Сега има над 75 отсто реализација на овој патен правец. Интензивно се работи и на патишта кои не беа направени. Комплетно е рехабилитиран патниот правец кај Плетвар, веќе е завршен едниот тунел во Фаришка Клисура, се пробива и вториот тунел со што ќе може да се поврзе патниот правец од Дреново до Плетвар, веќе се сменети изведувачите на магистралниот пат кон Бугарија што гарантира дека ќе бидат завршени инвестициите, го пуштивме патот Штип – Кочани, истакна Ковачевски во врска со прашањето „дали во оваа држава постои поим одговорност за доцнењето на инфраструктурните проекти“ што преку колумна го упати претседателот на Стопанската комора, Бранко Азески до Владата.

Тој повтори дека минатата година, иако беше најкризна, има највисоко ниво на капитални инвестиции во историјата на државата, 465 милиони евра.

– Овој тим што сега работи докажа дека може да ги одглави проектите поради лошите претходни проектирања и да ги спроведе. Владата има одговорност пред граѓаните да ги спроведе овие проекти, подвлече премиерот. – Комплетно се согласувам со Стопанската комора дека инфраструктура на врвно ниво е еден од предусловите за успешно развивање на економијата и бизнисите во кој било регион, потенцира премиерот.

притисни ентер