Македонија

Касами бара и албанската химна да им се интонира на учениците

Тетовскиот градоначалник и лидер на Беса, Биљал Касами, смета дека ако се интонира македонската химна во училиштата треба да се интонира и албанската.

Ставот на Касами доаѓа по одлуката на скопските општини Гази Баба и Аеродром, секој прв понеделник во месецот наставата да почнува со интонирање на државната химна на Македонија.

Ако ова стане законска обврска, Касами вели дека ќе ја почитува, но како градоначалник е на став дека мора да се почитува различноста.

-Македонија и како држава и како општество е мултуетничко општество, мултикултурно и треба да ги почитуваме тие различности. Се додека државата има химна и го повикува македонскиот народ, сега знаеме дека името на државата е С.Македонија, значи ние треба да се прилагодиме на реалноста со која живееме. Ако треба сите граѓани да ја почитуваат државната химна, таа химна треба да ги почитува сите различности со кои ние живееме секојдневно.- изјави – Биљал Касами – Градоначалник на Тетово.

Инаку, за тоа што реков не сме координирани со другите партии, го реков во позиција на градоначалник на Тетово дека мојот личен став е дека ако се носи одлука законска ние ќе ја почитуваме, но исто така законите треба да бидат во интерес на граѓаните и мора да ги почитуваат сите различности во државата. Така да во тој правец ценам дека албанците како втор мнозински народ мора да бидат почитувани и во делот на оваа одлука, што значи дека ако се интонира државната химна која се повикува само на македонскиот народ, треба да се интонира и албанската химна односно тоа што го чувствуваат албанците.

Општинските совети на Гази Баба и Аеродром одлуките за интонирање на химната ги донесоа месецов, а иста иницијатива има и во општина Карпош. Поддршка за потегот добија од лидерот на ВМРО ДПМНЕ Христијан Мицкоски, според кој ова треба да биде државна политика во сите општини.

Законот за употреба на грбот, знамето и химната е дециден дека единствена химна што може да се интонира е државната, а странски химни се дозволени во случаи на посета на странски делегации.

Во 2012-та имаше случај кога на тетовскиот универзитет академската година започна само со интонирање на албанската химна, но тогаш обвинителството отвори истрага и поднесе кривична пријава по член 319 од КЗ кој се однесува на предизвикување национална, верска и расна омраза.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Шест повредени полицајци по насилниот протест во Тирана

Шестмина полициски службеници се повредени по насилните инциденти на вчерашниот протест во Тирана, соопшти албанската полиција.

16 лица биле уапсени, а против 50-ина е покрената кривична постапка по протестот кој прерасна во судир со полицијата, кога дел од учесниците почнаа да фрлаат камења, бетонски плочи, пиротехнички средства и молотови коктели кон полицајците и кон зградата на министерството за образование.

Протестот го организираа студенти и млади луѓе незадоволни од состојбите во образованието, високите трошоци за студирање, недоволната финансиска поддршка и слабите можности за вработување по дипломирањето, објави Ројтерс.

Приведените се товарат за напад врз службено лице, незаконско постапување со експлозивни и запаливи материи и оштетување и палење имот..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Страшна сообраќајка во Словенија - возел во рикверц, двајца мртви, четворица повредени

Две лица загинаа, а четири лица се повредени во тешка сообраќајна несреќа што се случила синоќа на автопат во Словенија. Меѓу повредените е и едно дете кое е во животна опасност.

Несреќата се случила околу 1 часот по полноќ на автопатот Љубљана – Марибор, кај одморалиштето Луковица. Според првичните информации од полицијата, 28-годишен странски државјанин, кој управувал автомобил со романски регистарски таблички, откако го поминал излезот од одморалиштето застанал на десната лента на автопатот и потоа почнал да се движи наназад.

Во тој момент, во неговиот автомобил удрило комбе што доаѓало одзади. Загинатите се романски државјани, кои седеле на задните седишта од автомобилот. Повреденото дете е француски државјанин. Пожарникарите кои пристигнале на местото на несреќата морале да користат специјална опрема за да извлечат две лица кои биле заробени во уништениот автомобил.словенечката полиција отвори истрага поради сомнеж за сторено кривично дело.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН бара поддршка од МАЕИ за спроведување на Резолуцијата за македонското национално малцинство во Албанија

Федералната унија на европските националности (ФУЕН) упати официјално писмо до претседателот на Македонската алијанса за европска интеграција (МАЕИ), Васил Стерјовски, во врска со неодамна усвоената Резолуција за македонското национално малцинство.

Федералната унија на европските националности (ФУЕН) упати официјално писмо до претседателот на Македонската алијанса за европска интеграција (МАЕИ), Васил Стерјовски, во врска со неодамна усвоената Резолуција за македонското национално малцинство во Република Албанија.

Резолуцијата, која беше поднесена од Македонското друштво „Илинден“ – Тирана, беше усвоена на Собранието на делегати на ФУЕН за време на годишниот Конгрес одржан на 19 септември 2026 година во Хелсинки, Финска.

Во своето обраќање, претседателката на ФУЕН, Оливија Шуберт, истакна дека организацијата — која ги претставува автохтоните национални малцинства во Европа и ги застапува нивните права пред ОН, Советот на Европа, ЕУ и ОБСЕ — бара поддршка од МАЕИ за ефективна имплементација на усвоената резолуција.

Со оваа резолуција, од албанските власти официјално се бара Владата на Република Албанија да ја потпише и ратификува Европската повелба за регионални или малцински јазици, да им овозможи на припадниците на македонското малцинство слободно да се изјаснуваат и да преземе ефективни мерки против какви било надворешни политички притисоци насочени кон негирање или асимилација на македонскиот идентитет. Покрај тоа, се бара Општина Пустец да остане посебна единица на локалната самоуправа и во рамките на новата реформа да не претрпи територијални промени, односно да не се спојува со други општин.

Во одговорот до ФУЕН, претседателот на МАЕИ, Васил Стерјовски, изрази искрена благодарност за континуираната грижа и посветеност на Унијата во заштитата и унапредувањето на правата, идентитетот, јазикот и културата на Македонците во Албанија.

„Усвојувањето на оваа резолуција е значаен чекор кон зајакнување на заштитата на малцинските права и обезбедување загриженоста и легитимните барања на македонското малцинство во Албанија да го добијат вниманието што го заслужуваат на европско ниво“, истакна Стерјовски.

Тој исто така го поздрави признанието што ФУЕН му го оддава на Македонското друштво „Илинден“ – Тирана за неговата активна работа и изрази подготвеност за понатамошна заедничка соработка во насока на целосно спроведување на резолуцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.