Шоу биз

Како на Бред Пит и Џорџ Клуни им успева да изгледаат помладо, кои операции ги имаат направено?

На Венецијанскиот филмски фестивал холивудските заводници ги фрлија присутните на колена со својот младешки изглед.

Холивудските ѕвезди Бред Пит (60) и Џорџ Клуни (63) ги изненадија присутните со нивниот младешки изглед кога неодамна се појавија на 81-вото издание на Венецијанскиот филмски фестивал. Актерите се појавија во Лидо да го претстават својот нов заеднички филм „Волци“.

Меѓутоа, сите гледаа во нивните лица прашувајќи се како е можно актерите во седмата деценија да изгледаат како да се во своите триесетти години. Како им успева да го одржат својот младешки изглед?

Што велат стручните лица?

Според д-р Милица Ѓокиќ, специјалист по естетска хирургија, двајцата актери, Бред Пит и Џорџ Клуни се доказ дека поседуваат одлична генетика која работи во нивна корист.

- Сепак имаат направена интервенции на лицето, но многу малку. Џорџ Клуни дури, како што ми се чини, не направил речиси ништо и неговиот изглед првенствено се должи на генетиката и одличната нега. Бред Пит има правено нешто на себе, но првото нешто што забележувам е дека неговата кожа е феноменална. И двајцата очигледно користат врвни производи за нега, веројатно имаат користено некои ласерски третмани и третмани за подобрување на текстурата на кожата, што јасно се гледа на нивните лица - стручно објаснува д-р Ѓокиќ.

Според нејзина проценка, Бред Пит вложува нешто повеќе во својот изглед од Клуни, но ниту еден од нив немал третмани со ботокс бидејќи тој е многу воочлив на лицето.

- На нивното лице може да се забележат брчки, особено кога се насмевнуваат, што е нормално за луѓе на нивна возраст. Ја имаат комплетната мимика на лицето, така што апсолутно не користеле ботокс. Многу е можно да примениле хијалуронски третмани, особено Бред Пит, кај кого се гледа убаво исполнето лице – додава таа.

Умерено, но ефектно

Како што стручно објаснува д-р Ѓокиќ, и двајцата актери ги коригирале најчестите дефекти на лицето кои се појавуваат кај мажите во нивните зрели години.

-Ова пред сè се однесува на пределот на јаболчиците, кој е најчесто и најмногу погоден кај мажите со текот на годините, па тие недостатоци ги пополниле. Сè на сè, што и да правеле, тоа е изведено умерено, но и многу ефектно бидејќи и двајцата изгледаат подмладено - изјавила д-р Ѓокиќ.

Како што на социјалните мрежи забележаа и други стручни лица од естетската хирургија, тешко е да се поверува дека двајцата се во своите шеесетти години бидејќи двајцата имаат свежа и затегната кожа, но и младешки дух.

Експертите и лекарите често нагласуваат дека не е сè во современите естетски процедури и хирургијата, туку во целокупниот пристап кон здравјето. Нашето лице често ја отсликува состојбата на телото, па здравата исхрана, редовната физичка активност и адекватниот сон прават чуда.

Кога станува збор за двајцата холивудски заводници, комбинацијата на нега и умерена професионална естетска интервенција ним им овозможила и на 60 години да изгледаат како да се во своите 30-ти години, а Пит и Клуни тоа го покажаа и докажаа во Венеција.

View this post on Instagram

A post shared by dr Milica Milenović (@dr_milica_)

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Поскапува меѓуградскиот транспорт, директно се погодени студентите и граѓаните

Демократската унија за интеграција реагира на зголемувањето на цените на меѓуградскиот транспорт, што директно ги оптоварува граѓаните, особено студентите и вработените кои секојдневно патуваат од еден во друг град.

Од Тетово до Скопје, билетот кој досега чинеше 200 денари е зголемен на 250 денари, што претставува зголемување од 25% по патување. За студент или вработен кој секојдневно патува, ова значи значително дополнително месечно оптоварување.

Истовремено, според презентираните податоци, месечните трошоци за транспорт се зголемиле од околу 5.500 на 6.500 денари, што дополнително го зголемува притисокот врз семејните буџети.

Дали ова е политиката на „грижа за граѓанинот“ што ја нуди власта?

Наместо да се креираат политики за подостапен јавен транспорт и за поддршка на студентите и вработените кои секојдневно патуваат, граѓаните се соочуваат со сè повисоки цени.

ДУИ бара од надлежните институции јавно да ги објаснат причините за ова зголемување и да преземат мерки за заштита на граѓаните, особено на студентите и категориите кои зависат од меѓуградскиот транспорт.

Граѓаните не можат да бидат тие што ќе ја плаќаат сметката за секој неуспех на власта, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада: Целата акција против вработениот е дел од заложбите на Владата за бескомпромисна борба против корупцијата

Лицето со иницијали Д. Ц. е уапсено за примање поткуп, на претходно обележани парични средства, по што е лишен од слобода.

Првичната пријава за незаконскиот поткуп потекнува и е на иницијатива на институциите на кои им било пријавено барањето за поткуп.

На 4 септември 2026 година, осомничениот е затекнат при примопредавање на 500 евра како дел од побараната награда од 1.500 евра, кои претходно биле обележани.

Истото лице во моментот на незаконското делување работело и остварувало задачи како возач за потребите на Генералниот секретаријат на Владата, откако претходно засновало работен однос по примерот на сите останати институции во Службата за општи и заеднички работи на Владата.

Оваа акција беше спроведена претходно во соработка со службите на МВР, при што беа дадени бележани пари и целата акција е дел од заложбите на Владата за бескомпромисна борба против корупцијата. Со овој случај се покажува дека законите важат за сите, се докажува волјата и целта на Владата да се бори против корупцијата. Со ова се подвлекува јасна граница помеѓу оние кои сакаат злоупотреби и сите други кои се борат против нив. Ова е уште еден пример како преку заедничка соработка на органите и институциите може да се спроведе правда, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Шест пожари активни, најкритично на Рамно

Шест пожари на отворено се активни во земјава, откако само во текот на вчерашниот ден биле регистрирани повеќе од 30, информираат од Дирекцијата за заштита и спасување.

Најкомплексен е пожарот кај Рамно, во Чучер Сандево, каде поради непристапниот терен и силниот ветер интервенираат пожарникари, екипи на ДЗС, Армијата и полициски хеликоптер, изјави директорот на ДЗС, Стојанче Ангелов.

Пожарот кај Грачани и Никиштане, кој од Косово премина на македонска територија, се спушта кон Лепенец со намален интензитет и се очекува денеска да биде ставен под целосна контрола. Активни пожари има и кај Струга и Дебар, Тајмиште и Белица.

Надлежните апелираат на зголемена внимателност поради високите температури и силниот ветер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.