Италијанците не ја забораваат вечната 500- ка, сега се појави и носталгична ограничена верзија - Канал 5

Автомобилизам

Италијанците не ја забораваат вечната 500- ка, сега се појави и носталгична ограничена верзија

Беше 1957 година и Fiat го претстави својот мал голем автомобил на светот: Fiat 500. Тоа возило ќе стане синоним за масовна моторизација и вистински глобален амбасадор на производството Made in Italy.

Италијанците не ја забораваат вечната 500- ка, сега се појави и носталгична ограничена верзија

Само три генерации беа лансирани во последните 67 години: првата стана симбол на слободата на движење, а втората од 2007 година се претвори во модна икона на стилот која освои стотици меѓународни награди, вклучително и Автомобил на годината во 2008 година.

Во 2020 година, третата генерација на Fiat 500 повторно ја револуционизира урбаната мобилност во име на одржливост и електрификација со мноштво иновации и технологии.

За дополнително да ја промовира славата на моделот, Fiat лансираше ново специјално ограничено издание „Collezione 1957“, колекционерско издание од само 1957 единици. Автомобилот се истакнува со својот кабриолет дизајн и ексклузивните карактеристики.

Ексклузивното ограничено издание не само што се издвојува по својата естетика, туку вклучува и хромирани детали, LED светла за магла и дигитален дисплеј од 7" TFT како стандардни карактеристики. Опремен е со 1.0 хибриден мотор кој испорачува 70 коњски сили, во комбинација со рачен менувач за европскиот пазар.

Со повеќе од 3,2 милиони продадени единици ширум светот од 2007 година, вклучувајќи повеќе од 2,7 милиони единици во Европа, Fiat 500 отсекогаш бил европски лидер во сегментот на градски автомобили, заедно со Fiat Panda: во 2023 година е втор најпродаван градски автомобил во Европа, по Panda, со 109 илјади продадени примероци и пазарен удел од 20%. Тој е најпродаваниот мал автомобил во Германија, Шпанија, Австрија, Белгија и Португалија и меѓу трите најпродавани во Италија, Полска, Франција и Велика Британија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руте: Видовме што им се случи на бродовите вчера. САД мораа да го нападнат Иран

Генералниот секретар на НАТО, Марк Руте, ги поддржа американските напади врз повеќе од 80 цели во Иран, извршени како одговор на иранските напади врз три трговски брода што минуваа низ Ормутскиот теснец.

Руте: Видовме што им се случи на бродовите вчера. САД мораа да го нападнат Иран

„Мислам дека беше апсолутно неопходно, бидејќи постои примирје, а Иран очигледно го крши. Видовме што се случи вчера со нападите врз бродовите“, рече Руте денес во Анкара, на маргините на самитот на НАТО.

„Апсолутно е клучно САД да одговорат решително“, додаде тој пред консултациите на лидерите на 32-те членки на НАТО Во меѓувреме, Кувајт беше нападнат, додека утрово во Бахреин се огласија сирени за воздушен напад, откако иранските медиуми објавија дека иранската војска најавила одговор на американските напади.

Тагови: Иран Марк Руте

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на Судскиот совет, на дневен ред одлука за избор на претседател на Кривичен суд

Судскиот совет на Македонија денеска треба да одржи седница на чиј дневен ред се повеќе точки.

Седница на Судскиот совет, на дневен ред одлука за избор на претседател на Кривичен суд

Судскиот совет на Македонија денеска треба да одржи седница на чиј дневен ред се повеќе точки, меѓу кои и усвојување на извештај со предлог листа на кандидати за претседател на Основен кривичен суд Скопје и донесување на одлука за избор на претседател на Основниот кривичен суд Скопје.

На дневен ред, е и усвојување на измени и дополнувања на годишната програма за работа на Судскиот совет за 2026 година, како и избор и разрешување на судии поротници и формирање комисии на известители по барања за утврдување одговорност на судија/претседател на суд.

Тагови: Судски совет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Америка силно го нападна Иран, следуваше жестока одговор

Америка ноќва изврши силни напади врз Иран по нападот на неколку танкери во Ормутскиот теснец. Иран тврди дека утрово возвратил со напади врз американски воени цели во регионот.

Америка силно го нападна Иран, следуваше жестока одговор

Американските воздушни напади врз Иран од синоќа беа „четири или пет пати“ поинтензивни од претходните американски одговори на иранските прекршувања на меморандумот за разбирање, изјави новинарот на „Аксиос“, Барак Равид, цитирајќи американски функционер. Според неговиот извештај, целите на нападите вклучувале локации за воздушна одбрана, ракети земја-воздух, системи за крајбрежен надзор, места за лансирање беспилотни летала, пристанишни објекти и лансери на крстосувачки ракети против бродови.

Иран утрово одговори на ноќешниот напд.

Иранската Исламска револуционерна гарда (ИРГГ) објави дека нападнала 85 американски воени цели во Бахреин и Кувајт. Како што се наведува во соопштението, нападот бил изведен како одговор на она што го нарекоа „кршење на примирјето“, до кое дошло откако Соединетите Држави извршиле серија воздушни напади во јужниот дел на Иран.

Претходно беше јавено дека во Бахреин и Кувајт се огласиле сирени за предупредување од ракетни напади, додека иранската војска упатила официјално предупредување дека подготвува „разорен одговор“ на американските напади.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер