Италија или Португалија- една од нив нема да оди во Катар, Македонија доби најтешка ждрепка

Денеска од 17 часот во Цирих се одржа ждрепката за квалификациите за Светското првенство.

Тоа ќе бидат невидени дополнителни квалификации во европската зона во која ќе учествуваат дури 12 репрезентации.

Она што го посакуваа голем број фанови се оствари. Италија и Португалија се во иста група. Македонија ја доби најтешката ждрепка. Полуфиналето ќе го играат во Италија, додека во второто полуфинале Португалија ќе се сретне со Турција. Домаќин на финалето ќе биде победникот од вториот натпревар.

На вториот турнир Полска ќе игра во Русија, а Чешка во Шведска. Домаќин на финалето ќе биде победникот од првиот натпревар.

На последниот турнир ќе играат Шкотска - Украина и Велс - Австрија. Домаќин на финалето ќе биде победникот од првиот натпревар.

Парови:

Турнир 1:

Велс - Австрија

Шкотска - Украина

Турнир 2:

Русија - Полска

Шведска - Чешка

Турнир 3:

Португалија - Турција

Италија - Македонија

На Светското првенство одат само победниците. Полуфиналните пресметки ќе се играат на 24 и 25 март следната година, а финалето е закажано три дена подоцна. Светското првенство започнува на 21 ноември.

Претходно на Мундијалот место обезбедија Хрватска, Германија, Данска, Франција, Белгија, Шпанија, Србија, Англија, Швајцарија и Холандија.

Високите бројки на заразени ги затвори границите на Бугарија кон Македонија

Бугарија од среда ги затвора границите за македонските државјани.

Причина за ваквата одлука на соседот се високите бројки на новозаразени од почетокот на јануари.

Македонија влегува во црвената зоана на држави. Влез ќе им биде дозволен само за македонските државјани кои имаат бугарски пасош или престој во Бугарија.

Одлуката ќе трае до 31 март. Но одлуката ќе се ревидира на секои 14 дена во зависност од дневно заразените. Според извештајот на Институтот за јавно здравје од почтокот на јануари 2022 година за само 16 дена бројот на активни случаи се зголемил за 11 илјади нови случаи. Ако на 31 декември 2021 година бројот на активни случаи беше пет илјади случаи.

Јованка Тренчевска ја презеде функцијата министер за труд и социјална политика

Во Министерството за труд и социјална политика денеска се изврши примопредавање на функцијата министер за труд и социјална политика.

Новоименуваната министерка Јованка Тренчевска ја презеде функцијата од досегашната министерка Јагода Шахпаска.

Со тоа министерката за труд и социјална политика Тренчевска и официјално го започнува управувањето со овој сектор.

„Чест и задоволство ми претставува да го предводам секторот во кој со години наназад активно учествував во креирањето на социјалните политики насочени кон граѓаните, а особено кон најранливата категорија. Приоритет ќе ми бидат, унапредување на правата од социјалната заштита, обезбедување на редовни и сигурни пензии, заштита и почитување на работничките права како и грижа за најмладите. Продолжуваме заедно да градиме едно општество за сите. Родовата еднаквост останува и понатаму високо на мојата и на агендата на Министерството за труд и социјална политика,“ истакна Тренчевска.

Досегашната министерка за труд и социјална политика Шахпаска на нејзината наследничка Тренчевска и посака успешна и плодна работа. Таа ја информираше за тековните проекти на кои работи Министерството, за предвидената динамика за нивна реализација и за евентуалните пречки со кои се соочуваат.

Тренчевска доаѓа од раководната позиција на Државниот Инспекторат на труд, а претходно ја извршуваше функцијата Државна секретарка во Министерството за труд и социјална политика. Таа е дел од ова министерство 19 години со нејзино активно учество во креирањето на политиките за родовата еднаквост на жените и мажите, каде има водечка позиција во овој сектор. Нејзината досегашна кариера е во насока на унапредување на правата на работниците како и родовата еднаквост меѓу мажите и жените. Министерката Тренчевска е магистер по социолошки науки.

Министерство за труд и социјална политика

Примопредавање на дел од министерските ресори

Денеска во дел од ресорните министерства ќе се изврши примопредвање на министерските функции на новите министери во новата Влада.

Во министерството за одбрана заврши примопредавањето помеѓу досегашната министерка за одбрана Радмила Шеќеринска и новата министерка Славјанка Петровска.

притисни ентер