Култура

Индикт - црковна нова година, почеток на Новото лето

МПЦ-ОА и другите православни цркви кои се водат според јулијанскиот календар денеска го одбележуваат 1 септември, ден кога почнува црковната нова година. Тој празник се нарекува и Почеток на Новото лето.

Први септември како датум кога почнува црковната нова година е определен на Првиот Вселенски собор. Месецот септември кај Евреите бил почеток на граѓанската година (Исх. 23, 16), месец на собирање на плодовите и принесување жртви на благодарност кон Бога.

Во времето на ова празнување Господ Исус влезе во синагогата во Назарет и ја отвори книгата на Пророкот Исаија и ги прочита зборовите: „Духот Господов е врз Мене; зашто Господ Ме помаза за да им благовестам на бедните, Ме испрати да лекувам скрушени по срце, да им проповедам на заробените отпуштање и на слепите прогледување; да ја проповедам благопријатната Господова година и денот за одмазда на нашиот Бог“ (Исаија 1 - 2).

Уште овој месец септември е значаен во историјата на христијанството по тоа што во него царот Константин Велики ја однесе победата над Максенциј, непријателот на Христовата вера, а на таа слобода уследи слободата на христијанската вероисповед во целото римско царство.

Долго време во христијанскиот свет и граѓанската година беше сметана од 1 септември; на 1 јануари се премести најпрво во Западна Европа, а потоа во Русија, во времето на Петар Велики.

Индикт

Ако го разгледуваме црковниот календар, кога ќе стигнеме до 1/14 септември ќе видиме дека пишува „Почеток на Индиктот“. Меѓутоа, многумина читајќи го ова, се прашуваат: „Што значи тоа и што е тоа индикт?“

Поимот Индикт е латински збор што означува одредба, објава, која ја издавале ромејските императори, со цел да се одреди висината на данокот од обработката на земјата, кој требало да го платат поданиците на Рим за прехранување на војската. Оваа одредба траела петнаесет години затоа што на секои петнаесет години биле отпуштани старите војници и се регрутирале нови. Висината на даноците се одредувала од новата сила на војската за следните петнаесет години. Со текот на времето поимот „индикт“ престанал да означува само одредба, туку да означува временски период од 15 години. Така почнале да го сметаат времето со индиктиони (прв индикт, втор индикт итн.).

Прв Константин Велики го определил Индиктот како официјална мерка за време (во 312 или 313 година по Христа) кој почнува на 1/14 септември, време кога завршува собирањето на плодовите од земјата. Оваа мерка за време, според името на Константин, е Константинов индикт. Црквата го усвои овој систем за мерење на времето и годините со индиктиони. Па така црковната година почнуваше од 1/14 септември со патријаршиска Божествена Литургија и посебен свештен Молебен, за да ја благослови Бог новата година.

Византискиот император Јустинијан Први во 537 година го вовел мерењето на годините во државните документи и во судските одлуки. Па така пишувале: во првата година од тој и тој индикт, втората година од тој и тој индикт итн. Со текот на времето се формираа два вида на Индикти: Царскиот, т.е. стариот ромејски кој почнува од 1/14 септември и кој продолжува во Византија; и папскиот, кој почнува на 25 декември, а подоцна на 1 јануари.

Покрај тоа што византискиот календар го сметал 1 септември како прв ден од годината, тој ја додал астролошката година со бројот 5508 (кој бил земен како година од создавањето на светот). Значи 5508+2025 и добиваме дека денес е 7533-та година од создавањето на светот и 2025 од раѓањето на Исус Христос.

На Запад, полека-полека, како почеток на новата година завладеа први јануари, додека на Исток се задржа први септември. Тоа е причината поради која први септември до ден денес се задржа како почеток на црковната година (и на учебната година), откако се воспостави за сите како почеток на граѓанската година први јануари. Нашата Црква го одреди овој ден за да се чита во свештените храмови зачалото од Евангелието според Лука, во кое се зборува за првата проповед на Христос во синагогата во Назарет (Лука 4,16-18).

Индиктионите се бројат од Рождеството Христово. Но, бидејќи хронологијата од раѓањето Христово доцни за три години, па за да најдеме во кој индикт сме сега, на тековната година додаваме 3, па збирот го делиме на 15. Почетокот на школската година од први септември е остаток токму од црковниот индикт.

Црковната нова година го означува и почетокот на годишниот богослужбен циклус, кој се состои од празниците што ги славиме во текот на целата година. Првиот во низата од овие празници е Рождеството на Пресвета Богородица – Мала Богородица на 21/8 септември.

Тагови: МПЦ -ОА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јамал и Халанд испишаа историја по СП- вредат над 200 милиони евра

По завршувањето на Светското првенство во 2026 година, Ламин Јамал и Ерлинг Халанд се на врвот на листата на највредни фудбалери во светот.

Пазарот се прилагодува на новите проценки по турнирот каде што пласманот се менуваше од недела во недела. Шпанскиот напаѓач ја освои титулата во лигата, а неговата проценета вредност сега е 220 милиони евра. Норвежанецот достигна идентична сума, со што двајцата се позиционираа како најскапи играчи на денешницата.

Јамал и Халанд се првите фудбалери во историјата чија проценета вредност надмина 200 милиони евра. Цената на двајцата се зголеми за 20 милиони по Светското првенство, што го потврдува континуираниот раст на пазарот. Вредноста од 200 милиони евра ја достигна и Килијан Мбапе, чија цена исто така се зголеми благодарение на неговите одлични настапи на Светското првенство. Напаѓачот на Реал Мадрид постигна десет гола за француската репрезентација.

Зголемувањето на вредноста е илустрирано и со трансферот на Морган Роџерс во Челзи, чија вкупна цена достигна 137 милиони евра. Ова се суми што моментално можат да си ги дозволат речиси исклучиво англиската Премиер лига.

Олисе и Белингам во првите 5

Најголем пораст на вредноста забележа Мајкл Олисе. Крилниот напаѓач на Баерн Минхен постави нов рекорд по бројот на асистенции на едно Светско првенство, со што неговата проценета вредност се искачи на 170 милиони евра. Зголемувањето од 20 милиони го позиционира како четврти најскап играч во светот.

Листата на петте највредни ја заклучува Џуд Белингам. Вредноста на лидерот на англиската репрезентација и еден од клучните играчи за врска на новата генерација се зголеми на 160 милиони евра. Елиот Андерсон, кој сега е проценет на 120 милиони евра, и Хулијан Алварез со 110 милиони, исто така, забележаа зголемување на вредноста. Винисиус е на седмото место, позиција зад Педри, со десет милиони евра помалку вредност.

Петте највредни играчи според Трансфермаркт:

Ламине Јамал (220 милиони евра)

Ерлинг Халанд (220 милиони евра)

Килијан Мбапе (200 милиони евра)

Мајкл Олисе (170 милиони евра)

Џуд Белингем (160 милиони евра)

Тагови: Ламин Јамал Халанд

Црна хроника

Италијанската полиција запленила речиси 800 килограми кокаин- на пакетите е знамето на Србија (ВИДЕО)

Италијанските власти запленија повеќе од 770 килограми кокаин во пристаништето Вадо Лигуре во северозападна Италија.

Дрогата била скриена меѓу палети со банани во ладилник што пристигнал од Еквадор.

Акцијата ја спроведоа членови на Guardia di Finanza од Савона, заедно со колегите од Економската и финансиска полиција во Џенова и службеници од италијанската царинска агенција. Ова е една од најголемите заплени на дрога во тоа пристаниште во последните години.

Кокаинот бил скриен меѓу банани

Според италијанската финансиска полиција, во контејнерот биле пронајдени околу 650 пакети што содржеле повеќе од 770 килограми кокаин. Прелиминарните тестови покажале дека станува збор за кокаин со висока чистота.

Дрогата била вешто скриена меѓу десетици палети со банани во контејнер што пристигнал од едно од главните пристаништа на Еквадор.

Италијанскиот министер за внатрешни работи Матео Пјантедози објави дека се запленети речиси 800 килограми кокаин и им се заблагодари на полицијата за операцијата.

Вредноста е околу 250 милиони евра

Се проценува дека, доколку дрогата завршела на улица, таа би им донела на криминалните групи околу 250 милиони евра.

Италијанските власти велат дека операцијата е дел од зголемените контроли на трговските патишта меѓу Јужна Америка и пристаништето Вадо Лигуре, кое е сè поважен европски трговски центар, но и можна цел за меѓународни шверцери на дрога.

Според италијанските медиуми, ова е уште една голема заплена во истото пристаниште за краток временски период. За помалку од еден месец, таму е запленет повеќе од еден тон кокаин.

На пакетите имало знаме на Србија

Пакетите биле обележани со знамето на Србија, но италијанските власти не објавија дали ова значи поврзаност со криминални групи од Србија. Ниту пак беше објавено дека во акцијата се уапсени српски државјани.

Истрагата за потеклото на дрогата и луѓето што стојат зад пратката продолжува.

Тагови: кокаин

Забава

Секс симболот Памела Андерсон се пофали со својата градина во Канада (ВИДЕО)

Нејзиното име со децении е синоним за холивудски гламур, насловни страници на списанија и сцени во црвен костим за капење на плажите во Малибу.

Денес, Памела Андерсон живее во многу помирна реалност. Познатата актерка го замени гламурот на Лос Анџелес со природата на Канада и најде дом на семејниот имот Аркади на островот Ванкувер.

Поглед во нејзината зелена оаза

Памела Андерсон неодамна сподели редок, интимен поглед во својата градина со милиони следбеници на социјалните мрежи. Со едноставниот опис „Добро утро од градината“, таа ги одведе гледачите низ бујна зелена оаза што покажува дека нејзиното враќање кон природата не е минлив тренд, туку вистински начин на живот. Лавината од позитивни коментари под објавата потврдува дека публиката го цени таков начин на живот.

@sonsieskin good morning from our garden fairy 🧚🏼‍♂️ #pamelaanderson #garden #cleanskincare ♬ original sound - sonsie

Враќање кон семејното наследство

Во 2020 година, актерката се врати на имотот на нејзините баба и дедо за целосно да го реставрира. Местото, кое го носи името Аркади како знак на тивко, рустично повлекување, е распослано на седум хектари покрај брегот на океанот. Нејзиниот дом е опкружен со стари дождовни шуми и дива природа, а градината е комбинација од романтична естетика и практичност.

„Сè започна кога сфатив дека едноставно можам да јадам капини од грмушка или да наберам јаболко од дрво во градината. Тоа беше еден од тие моменти на просветлување, сфаќањето дека храната доаѓа од земјата. Тогаш сфатив дека можам да имам своја градина. Некаде на почетокот на пандемијата, замислував дека ќе имам неверојатна градина, почнав да учам многу за неа и си помислив: „Ова е животот што го сакам“, објасни ѕвездата на „Спасувачка служба“.

Градината како одраз на филозофијата на животот

Оваа „дива, мистична и романтична“ естетика, како што самата ја опиша, се вклопува во нејзината нова животна филозофија. За неа, работата со растенија стана начин за негување на внатрешна рамнотежа. „Кога ќе ги извалкате рацете, кога сте боси во градината - тоа ве поврзува повторно со тоа што сте. Се пронајдов себеси повторно“, вели Памела.

View this post on Instagram

A post shared by Pamela Anderson (@pamelaanderson)

Нејзината градина не е беспрекорно уреден тревник, туку шарен екосистем во кој може да се почувствува љубовта кон земјата. Во градинарството, таа не се придржува до строго пропишани правила, туку им додава доза на сопствена опуштеност.

Од рози до домашен зеленчук

Трансформацијата од секс симбол на деведесеттите години во жена која оди боса до океанот, не носи шминка и јаде она што самата го одгледува привлече големо внимание. Посебно место во нејзината градина им припаѓа на прекрасните рози од сортата Ив Пијаже, како и калинките, кои ги бере за да направи домашни масла за лице.

View this post on Instagram

A post shared by Pamela Anderson (@pamelaanderson)

Покрај козметиката, градината ѝ носи и кулинарско задоволство. Памела одгледува стари сорти домати, кои ги смета за совршена храна. „Сè што расте во оваа градина е инспирација за мојот живот“, вели актерката.

Тагови: Памела Андерсон