Автомобилизам

Го видовме ,,ѕверот” на Путин – Како изгледа на Трамп? (ВИДЕО)

Автомобилите на претседателите од секогаш се интересни , а сега најхит се новите ,,ѕверови” на Путин и на Трамп.

Откако пред неколку месеци беше презентиран новиот автомобил на Владимир Путин , и Доналд Трамп има нова ,,машина”. Вчера Трамп стигна во Њујорк , каде на улиците на Менхетн за прв пат беше виден енговиот нов автомобил , Кадилак , базиран на моделот CT6.

Љубителите на автомобили не видоа еден туку два исти моќни автомобили. Според правилата , во едниот се вози претседателот Трамп , а во другиот неговото обезбедување со цел да се збунат можните напаѓачи.

Автомобилот на Трамп ги има сите заштитини системи и се проценува дека тежи од 7 до 9 тони. Тајната служба , од безбедносни причини , го чува автомобилот подалеку од јавноста .

Затоа , се шпекулира дека во автомобилот има вграден систем против пожар , ноќни камери , лансер за солзавец, запечатена вентилација на кабината и посебен систем за одбрана од ракетен напад.

Во најлошо сценарио , автомобилот е опремен дури и со крв од крвна група на претседателот , за веднаш да му се даде прва помош.

Свет

Си денеска на средби со Макрон и Фон дер Лајен

Кинескиот претседател Си Џинпинг во рамките на државната посета на Франција денеска ќе се сретне со неговиот француски колега Емануел Макрон, како и со претседателката на Европската комисија, Урсула фон дер Лајен.

Си вчера пристигна во Париз, а од Пекинг претходно беше најавено дека за време на петдневната турнеја низ Европа, покрај Франција, ќе ги посети и Србија и Унгарија.

Ова е прва посета на кинески лидер на Европа во последните пет години.

Свет

Во руски напад во Сумската област оштетен високонапонски објект на Укренерго

Високонапонскиот објект на Националната енергетска компанија „Укренерго“ е оштетен во руски напад со беспилотни летала и ракети врз Сумската област во Украина.

- Меѓу оштетената цивилна инфраструктура е и високонапонски објект на „Укренерго“ … Екипите за поправка на „Укренерго“ работат на постепено враќање на снабдувањето со енергија на потрошувачите, соопшти операторот.

Како што пренесува Укринформ, во соопштението се додава дека руските напади врз енергетските капацитети во регионот Харков не престануваат и оти вчера од безбедносни причини била исклучена опремата на локалната регионална енергетска компанија.

- Поголемиот дел од неа веќе е вратена во функција, но целосното обновување на снабдувањето со енергија е попречено од непријателствата во близина на објектите на енергетската инфраструктура, се вели во соопштението.

Свет

Израел почна евакуација на Рафа пред планираната воена операција

Израелските одбранбени сили (ИДФ) денеска почнаа да го евакуираат Рафа во јужниот дел на Појасот Газа пред планираната воена операција во градот.

- Почнуваме операција со ограничен опсег за привремено евакуирање на жителите на источен Рафа, изјави портпаролот на ИДФ.

ИДФ ги повикаа жителите на источниот дел на градот на границата со Египет да се преселат во кампот Ал-Маваси на Медитеранот неколку километри северно. Според портпаролот на ИДФ, се проценува дека се погодени околу 100.000 луѓе. Тие биле информирани преку СМС порака, телефон, летоци и преку медиуми на арапски јазик.

Луѓето треба да одат во „проширена хуманитарна област“ во областа Ал-Маваси. Таму има храна, вода и лекови, рече портпаролот на ИДФ. Армијата исто така постави теренски болници. Портпаролот не можеше да каже колку време имаат луѓето да се евакуираат.

Тој нагласи дека доставувањето хуманитарна помош за населението ќе продолжи непречено за време на операцијата за евакуација. Таа може да се донесе до крајбрежниот појас преку различни рути, на пример преку пристаништето во Ашдод.

притисни ентер