Германците во рекордно мал број го следат Светското првенство во Катар

Бројот на гледачи на Светското првенство во Катар во Германија е помал од било кога.

Турнирот во Катар стигна до четвртфиналето во услови на бројни контроверзи: од скандалот околу доделувањето на натпреварите и неговото време среде зима, за правата и смртта на работниците и третманот на членовите на ЛГБТК+ заедницата.

Der Spiegel објави дека 50 отсто помалку германски гледачи го гледале осминафиналето на овогодинешното СП во споредба со турнирот во 2018 година. Германските медиуми посочуваат дека „незаинтересираност и бојкот“ веќе биле видени во групната фаза. „Само 4,8 милиони луѓе во просек ги гледале директните преноси од натпреварите во групата на АРД и ЗДФ во споредба со 9,3 милиони пред четири години“, пишува Der Spiegel.

Со оглед на тоа што Германија беше елиминирана, во осминафиналето оваа бројка падна на 4,8 милиони, додека во Русија во 2018 година истата фаза ја следеа во просек речиси десет милиони гледачи. Посочуваат дека сè уште гледаат милиони, со многу млади гледачи, но помалку од порано.

„Шпигел“ додава дека натпреварите на германската репрезентација во таа земја на Светското првенство во 2018 година имале во просек по 25 милиони телевизиски гледачи, додека трите натпревари од групната фаза годинава помалку од 15 милиони ги гледале.

„Нема одлична фудбалска атмосфера во напорниот предбожиќен период, кој вообичаено се развива во лето преку бројни понуди на отворено“, изјави медиумскиот експерт Јана Виске за Der Spiegel. Германските медиуми посочуваат дека АРД и ЗДФ имаат онлајн понуда за следење на Мундијалот, но тоа не може да ја надомести традиционалната телевизија. Нема ниту групно гледање, што не е вклучено во анкетата за телевизиски бројки.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

притисни ентер