Шоу биз

Фото: Девојките на Кристијано Роналдо

Еден од најдобрите светски фудбалер, Португалецот Кристијано Роналдо со години го поврзуваат со бројни убавици од светот на модата и филмот.

Сепак, во последните пет години во неговото срце има место само за убавата Аргентинка Георгина Родригез.

Првата сериозна врска Роналдо ја има во 2003 година кога е „фатен“ во друштво со бразилската манекенка Џордана Јардел.Кристијано и убавата Џордан ги запознал братот на манекенката Марио кој бил соиграч со Роналдо во Спортинг Лисабон.

Големиот заводник потоа повеќе од една година бил во врска со португалската водителка и манекенка Мерче Ромеро. Нивната романса започнала во 2005 година кога Роналдо веќе го носеше дресот на Манчестер Јунајтед.

Популарниот фудбалер во 2006 веќе започнува романса со реалити ѕвезда од „ Big Brothera“ Имоџен Томас. Според медиумите Кристијано и Имоџен минале заедно само една ноќ.

Истата година Кристијано излегува и со познатата португалска актерка Сорија Чавез.

Цели 4 месеци во 2007 година медиумите пишуваат за љубовта меѓу Кристијано Роналдо и актерката Џема Аткинсон. Роналдо тогаш живее во Манлестер, а Џема во 2016 година во интервју открила дека биле на „најбританската врска“ во историјата.

-Бевме кај мене, пиеве чај и гладевме „Мучки“ Не знам дали тоа го интересираше но изгледаше како да ужива, изјавила Џема, која потоа дополнила дека Кристијано секаде го следеле папараци.

Во 2007 Роналдо е виден и како се бакнува со убавицата од Индија Бипоса Башу.

Пред да стане член на Реал мадрид, Кристијано имал и кратка врска со шпанската манекенка Нереида Гиљардо.

Во 2009 година Роналдо е виден на неколку забави во Калифорнија во друштво на богатата наследничка Парис Хилтон.

Една година подоцна медиумите шпекулираат и за наводната кратка романса меѓу Кристијано и Ким Кардашијан.

Потоа Кристијано запловува во долга врска со руската убавица манекенката Ирина Шајк. Ирина и Роналдо се во врска од 2010 до 2015 година.

Во 2016 година сите светски медиуми пишуваат за љубовта меѓу Роналдо и атрактивната Десире Кордеро. Но, потоа славниот заводник е „фатен“ во мрежата на убавата Георгина Родригез. Со бујната аргетинка Роналдо е сеуште во врска .

Кристијано и Георгина се започнале во бутик на Гучи во кој убавата манекенка работела како асистентка. Се вљубиле на прв поглед и набрзо ја добиле ќерката Мартина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.