Еве како семејството Ѓоковиќ ги поминува овие есенски денови во Срем

Најдобриот српски тенисер, Новак Ѓоковиќ, направи кратка пауза од професионалните ангажмани и со семејството пристигна во Србија, а деновите ги поминува во природа физички активен. 

Прво уживаа во Белград, а потоа и во Војводина, во домот што го направија во Срем.

Откако се видоа со семејствата во Белград, тие се упатија кон Срем, каде што поседуваат прекрасен имот на брегот на Павловачко језеро.

Како што дознаваме, цело маало со многу љубов го дочекало семејството Ѓоковиќ.

-Соседите се воодушевени од нив, бидејќи се скромни и приземни, се однесуваат како нормално семејство. Локалните жители им носат непрскан зеленчук и овошје за децата, а бабите им нудат зимица. Ноле и Јелена секогаш ги поздравуваат со насмевка и се воодушевени од топлината на луѓето на кои наишле. Секогаш се добро расположени и подготвени за разговор - открива нашиот извор и додава дека, како и нивните родители, Тара и Стефан се вистински авантуристи:

Тие секој ден одат во шумата и ја истражуваат преубавата природа во околината на Срем... Домот што го имаат во Срем е вистински мал рај за нив.

Како што дознаваме, Јелена и Новак имаат заеднички став дека нивните деца треба да се дружат со децата во Белград и Срем за да го подобрат српскиот јазик. Јелена неодамна посочи дека, по повеќе од една деценија живеење во странство, таа често несвесно користи странски зборови и изрази, и укажа на важноста од зачувувањето на српскиот јазик, традиција и култура.

Извор: blic.rs

„Само Вистина" со Петар Атанасов, Бранко Героски и Ненад Јовановиќ

Во вечерашната „Само Вистина“ дебатираа Петар Атанасов, Бранко Героски и Ненад Јовановиќ. 

Погледнете ја вечерашната „Само Вистина“.

Швајцарија: Се зголемува бројот на заразени, се воведуваат построги мерки

Швајцарските власти денес најавија воведување на построги мерки за ограниучување поради зголемениот број на заразени со Ковид-19.

Маските ќе мора да се носат во поголемиот број затворени простори а само оние кои се вакцинирани или прележале Ковид ќе можат да одат на разни настани.

Надлежните ја повторија препораката што поголем број граѓани да работат од дома. Новите мерки стапуваат на сила на 6 декември и ќе траат до 24 јануари, пишува Ројтерс.

Ковид-сертификати за семејни собири?

Во Швајцарија досега се потврдени три случаи на инфекција со новата варијанта омикрон. Заразените се во изолација, а нивните контакти се во карантин.

Земјата која има 8,7 милиони жители се бори со пораст на инфекции, со повеќе од 96.000 нови случаи во последните 14 дена. На 29 ноември е забележан најголем број новозаразени од почетокот на пандемијата – 11.340.

Властите исто така ја проширија употребата на Ковид сертификатите. Тие ќе бидат потребние за сите јавни настани што се одржуваат во затворен простор, како и за сите спортски и културни активности.

Ризик претставуваат и помалите семејни собири, се вели во соопштението.

„За собири со семејството и пријателите во затворен простор со 11 или повеќе учесници, препорачуваме во иднина да се воведе употреба на Ковид сертификат“, се додава.

СЗО: Омикрон може да ја влоши ситуацијата во Европа

 „Новиот сој може да ја влоши ситуацијата“.

Зголемувањето на бројот на заразени со Ковид-19 во Европа во изминатите два месеци се должи на сојот Делта, но Омикрон може да ја влоши ситуацијата, рече Марија Ван Керхове, шефица на техничкиот тим во одделот за итни случаи на Светската здравствена организација.

– Во последните два месеци, видовме раст во Европа. И ова се должи на варијантата Делта, а новиот сој може да ја влоши ситуацијата, рече таа за време на онлајн сесијата за прашања и одговори за ситуацијата со коронавирусот.

Затоа, таа смета дека е исклучително важно да се продолжи со поддршката на епидемиолошките мерки насочени кон ограничување на ширењето на варијантата Делта. Посебно, треба да се засилат кампањите за вакцинација.

притисни ентер