Македонија

ДЗР: Констатирани недостатоци и системски слабости во работата на Општина Росоман

Повеќе недостатоци и системски слабости констатирал Државниот завод за ревизија во Општина Росоман.

ДРЗ укажува дека не била утврдена старосна структура за побарувањата по основ на данок на имот од физички и правни лица и комунална такса за назив на деловна просторија, законската можност за нивна наплата, како и дека не се преземаат активности за присилна наплата и не се пресметува и наплатува камата за данокот кој не е платен во пропишаниот рок.

-Не е извршено ажурирање на пазарната вредност на недвижниот имот, одлуката за критериумите за утврдување на пазарната вредност на недвижен имот (земјоделско и градежно земјиште) не е усогласена со Методологијата за процена на пазарна вредност на недвижен имот во однос на начинот на пресметување на пазарната вредност земјиштето, констатира Заводот во Извештајот од извршената ревизија.

Во извештајот се додава дека Општината не остварува приходи од надоместокот за одржување на јавната чистота, а Советот на Општината нема донесено годишна програма за одржување на јавната чистота, дека нематеријалните средства и дел од недвижниот имот не се сметководствено евидентирани, а констатирани се и неправилности при донесувањето и реализацијата на Програмата за изградба, реконструкција, одржување и заштита на локалните патишта и Програма за уредување на градежно земјиште за 2022 година.

При ревизијата на Општината утврдени се и недостатоци во однос на роковите за реализација и обезбедување на документација за отпочнување со градба, отсуство на извештај за технички прием и примопредавање на градбите помеѓу инвеститорот и изведувачот.

Државниот завод за ревизија констатира и системски слабости, меѓу кои дека не е пропишано во кои рокови правните лица овластени за регистрација на возилата треба да ја уплатат комуналната такса за користење на патишта со моторни возила на сметка на општината, како и оти не е пропишана обврска на трговското друштво надлежно за дистрибуција на електрична енергија кое врши наплата на таксата за користење и одржување јавно осветлување од имателите на броила да ги известува општините за бројот на обврзници по категории (број на броила) согласно тарифниот број, како и за наплатените приходи и ненаплатени побарувања по овој основ. ДЗР утврдил и дека состојбата на регистарот на недвижности не е усогласена со регистарот кој го води Агенцијата за катастар на недвижности на Република Македонија.

Свет

Четворица Палестинци загинаа во израелски напад врз бегалскиот камп Нур Шамс, на Западниот Брег

Најмалку четири лица загинаа вчера во израелски напад врз бегалскиот камп Нур Шамс, на Западниот Брег, соопшти синоќа палестинското Министерство за здравство.

Израелската армија во своето соопштение објави дека „е извршен воздушен напад врз терористичка ќелија во Нур Шамс додека тие поставувале експлозивна направа“. /МИА

Култура

Концерти на „Танец“ во Охрид и Прилеп

На сцената „Долни Сарај“ во Охрид вечерва ќе концерт ќе одржи ансамблот „Танец“, со што свечено ќе биде отворен 63. Балкански фестивал на народни песни и игри.

Два дена потоа, на 5 јули, на летната сцена на Заводот и музеј во Прилеп, „Танец“ ќе има целовечерен концерт со изворен вокално-инструментален репертоар, по повод свеченото отворање на јубилејниот 50. Фестивал на народни инструменти и песни „Пеце Атанасовски - Долнени.

- Секако, и овогодинешната културно-сценската манифестација „Галичка свадба“ нема да да помине без Танец, каде ансамблот на 13 и 14 јули ексклузивно ќе ги изведе ората „Тешкото“, „Невестинско“ и „Манукот“, а на 2 август, како и досега, Танец и оваа полусезона ќе ја заврши со традиционалните концертни настапи во Крушево и Пелинце, по повод големиот македонски празник Илинден, најавуваат од „Танец“.

На 25 јули традиционално „Танец“ ќе има голем концерт спроти Меѓународниот фолклорен фестивал „Илинденски денови“ каде ќе настапи целиот ансамбл со богата кореографска и вокално-инструментална програма.

- Јубилејната концертна сезона на Танец продолжува веќе во септември, со балканската турнеја на проектот „Фолклорно-класична симбиоза„ (грандиозниот заеднички концерт на Танец со оркестарот и хорот на Националната опера и балет), после која ќе следува ноемврискиот гала концерт по повод централно одбележување на 75-годишнината на НУ Танец и секако, традиционалниот новогодишен концерт кон крајот на декември. Во меѓувреме Танец нема да ги запостави и настапите низ татковината и ќе одржи уште неколку концерти во Велес, Струмица и Свети Николе, соопштија од ансамблот. /МИА

Свет

Вознемирувачко видео: Во стампедо на верскиот фестивал во Индија загинаа 121 лице

Во стампедо на хинду верски настан во северна Индија загинаа 121 лице, а 28 се повредени, јавија индиски медиуми, а според полицискиот извештај, на настанот присуствувале неколку пати повеќе луѓе од дозволеното.

„Меѓу жртвите има 108 жени и седум деца“, изјави за новинарите Маној Кумар Синг, главен секретар на државата Утар Прадеш.

Стампедото се случило во село во областа Хатрас, на околу 200 километри југоисточно од главниот град Њу Делхи.

Полицијата дозволи да се соберат 80.000 луѓе, а околу 250.000 луѓе присуствуваа на настанот, според полициски извештај.

ВИДЕОТО ВО ПРОДОЛЖЕНИЕ Е СО ВОЗНЕМИРУВАЧКА СОДРЖИНА:

притисни ентер