Доживотен затвор за германски педофил: Викнал 6- годишно девојче дoма, па го убил и го силувал

Доживотен затвор е педофилот кој уби шестгодишно девојче во сон и сексуално го злоставувал нејзиното мртво тело пред да ја крене во воздух својата куќа во обид да го скрие своето дело.

Свен Меснер (34) го поканил девојчето да се дружи со неговиот син во неговиот дом во Баден-Баден, откако се спријателиле во локалниот парк, пишува Дејли Мејл.

Мајката на шестгодишната Шакија неволно се согласила да ја испрати да се дружи, кога за последен пат ја видела жива. Меснер е осуден на доживотен затвор, тој е прогласен за виновен за убиство и нарушување на мирот на починатите.

- Тој официјално не даде изјава, па зависиме од други докази, изјави за медиумите државниот обвинител Мајкл Клос.

Спиење не било планирано, но двете деца ги молеле родителите да ја поминат ноќта заедно. Мајката на Шакија била убедена да ја остави да преноќи, таа ја бакнала и прегрнала и ѝ рекла да се видиме утре. Убиството се случило на 19 декември минатата година во куќата на Меснер.

Судот слушнал дека Меснер ѝ го пресекол грлото на шестгодишното девојче и ја прободел во стомакот помеѓу полноќ и 3 часот наутро. Меснер потоа сексуално го злоставувал телото на девојчето, а злосторството се обидел да го сокрие со палење на елката и пуштање гас во рерната. Пожарникарите влегле во запалената куќа, а педофилот бил пронајден без свест во градината. Пожарот го преживеал и неговиот син.

Мајката на Шакија утрото се појавила пред куќата бидејќи Меснер не го донел девојчето дома како што планирале. Кога соседот ѝ рекол дека имало пожар и дека видел локва крв, таа се онесвестила. Дури подоцна дознала за страшното злосторство и за начинот на кој починала нејзината ќерка. Додека го чекал судењето во затвор, Меснер одбил да оди кај психијатар и неколку пати се обидел да се самоубие.

- Не поминува ден да не мислам на тоа мало девојче. Го сакав брат ми, но сега го мразам. Сигурно ѓаволот влегол во него, рекол братот на насилникот, Мајк Меснер.

Таткото на Шакија, Сулејман К (26) за локалните медиуми изјавил дека живее во пекол. Тој веќе тринаесет години живее во Германија и работи како обезбедување, а присуствувал и на судењето. Мајката на Шакија била поврзана со видео, бидејќи не сакала да седи спроти убиецот на нејзиното дете.

- Морам да бидам тука бидејќи сакам да го видам убиецот на ќерка ми, се обидувам да го разберам. Не го познавам човекот, но сакам да слушнам зошто го направил тоа. Тоа ми е важно, но во исто време и многу тешко, изјавил Сулејман.

Обвинетиот немал коментар за време на судењето.

Ковачевски: Ги реализираме и инфраструктурните проекти кои беа заглавени десетина години

Ги реализираме и инфраструктурните проекти кои поради лошо проектирање беа заглавени десетина години.

Повторно зголемување на платите и пензиите, амбициозен план за инвестиции, почеток на градежните работи на Коридорот 8, автопатско решение до Албанија и меѓу Прилеп и Битола, завршување на најголемите инфраструктурни проекти, браната Коњско, автопатот Кичево – Охрид.., се само дел од активностите за оваа година, најави денеска премиерот Димитар Ковачевски.

Во изјава за медиумите по завршувањето на првиот панел од конференцијата „Година на нови можности“, Ковачевски истакна дека оваа Влада веќе ги реализира проектите кои долго време беа заглавени, а интензивно се работи и на патиштата кои не беа направени.

Премиерот рече дека ако се има посветеност, фокус и волја, инвестициите може да се реализираат.

Ковачевски е согласен со стопанските комори дека инфраструктурата е врвен приоритет за успешно развивање на економијата и бизнисите во кој било регион.

– Бизнисот има право да го каже тоа. Јас сум поминал 22 години во приватниот сектор, сум бил дел од Стопанската комора и сум личен пријател со претседателите на сите комори. Во државата беа почнати неколку клучни инфраструктурни проекти пред десетина години кои не се реализираа зашто беа лошо проектирани. Патот Кичево – Охрид почна со интензивна реализација во 2022 година, зашто 25 отсто од трасата мораше одново да се проектира. Сега има над 75 отсто реализација на овој патен правец. Интензивно се работи и на патишта кои не беа направени. Комплетно е рехабилитиран патниот правец кај Плетвар, веќе е завршен едниот тунел во Фаришка Клисура, се пробива и вториот тунел со што ќе може да се поврзе патниот правец од Дреново до Плетвар, веќе се сменети изведувачите на магистралниот пат кон Бугарија што гарантира дека ќе бидат завршени инвестициите, го пуштивме патот Штип – Кочани, истакна Ковачевски во врска со прашањето „дали во оваа држава постои поим одговорност за доцнењето на инфраструктурните проекти“ што преку колумна го упати претседателот на Стопанската комора, Бранко Азески до Владата.

Тој повтори дека минатата година, иако беше најкризна, има највисоко ниво на капитални инвестиции во историјата на државата, 465 милиони евра.

– Овој тим што сега работи докажа дека може да ги одглави проектите поради лошите претходни проектирања и да ги спроведе. Владата има одговорност пред граѓаните да ги спроведе овие проекти, подвлече премиерот. – Комплетно се согласувам со Стопанската комора дека инфраструктура на врвно ниво е еден од предусловите за успешно развивање на економијата и бизнисите во кој било регион, потенцира премиерот.

Стоилковски: Власта да каже кои странски агентури влијаат на односите со Бугарија

Власта да не ги крие и да ги посочи со име кои се тие странски агентури кои влијаат на односите со Бугарија, да каже и кој ги финансира бугарските здруженија во Македонија.

Ако власта излегува со тврдење дека агентурни мрежи и странски пари се вклучени во креирањето тензии со Бугарија, бараме да не ги кријат и да ги посочат со име и презиме кои се тие агентурни мрежи и какво влијание прават. Бараме да се знаат и јавно да се идентификуваат за да граѓаните не подлегнуваат под нивно влијание, изјави Наум Стоилковски, портпарол на ВМРО-ДПМНЕ одговарајќи на новинарско прашање на денешната прес конференција.

Како второ, Стоилковски посочи дека се бара финансиските институции да го следат текот на парите и да објават како се финансираат бугарските здруженија во Македонија.

- Трето и многу важно за владата во Македонија е да побара од Бугарија доследно почитување на одлуките на Судот за човекови права во Стразбур. Четврто, власта да реагира на омаловажувачките и негаторски политики и изјави од бугарска страна, истакна Стоилковски.

Стоилковски потенцира дека наместо измеќар и поданички однос, владата да има достоинствени позиции и однесување.

Стоилковски: СДС и ДУИ ја втурнаа државата во енергетска, економско-инфлаторна криза, па се фалат со невидливи автопати и железници

Нема да бидеме злобни како СДС и нема да кажеме дека власта организира Панаѓур, како што тоа власта го оценуваше првиот дводневниот политички Саем на промените што носат иднина, вели портпаролот на ВМРО-ДПМНЕ, Наум Стоилковски запрашан за став за тоа што Владата одржува дводневна конференција, на која премиерот Димитар Ковачевски на отворањето посочи дека главна тема била континуитетот кон подобар стандард и услови за живеење на граѓаните.

За разлика од владата, посочи Стоилковски, ВМРО-ДПМНЕ и градоначалниците имаа со што да се пофалат реализирајќи крупни капитални и инфраструктурни проекти во сите полиња на општественото живеење, кои го олеснуваат и го подобруваат животниот стандард на македонските граѓани.

„Со таа разлика што ВМРО-ДПМНЕ и нејзините градоначалниците имаа со што да се пофалат во само една година, со 120 милиони евра реализирани проекти, 36 милиони евра за нови булевари и улици; 20 милиони евра во водоводна и одводна инфраструктура; проекти во градинки, училишта, спортот, културата“, истакна Стоилковски.

Потенцираше дека од друга страна владата на СДСМ и ДУИ немаат со што да се пофалат, се фалат со невидливи и непостоечки автопати и железнички, а единствено ако за нив за фалење тоа што Македонија ја втурнаа во енергетска, економска и инфлаторна криза.

„За разлика, СДС и ДУИ нема со што да се пофалат, освен ако е за фалење дека ја втурнаа државата во енергетска, економска, инфлаторна криза како и со невидливи автопати и железници и дека би продолжиле во стилот "како и до сега"“, рече Стоилковски.

Центар за комуникации на ВМРО-ДПМНЕ

Град Скопје: ВМРО-ДПМНЕ и СДСМ во коалиција против Данела Арсовска

Уште еднаш на дело се покажа коалицијата помеѓу СДСМ и ВМРО-ДПМНЕ при денешното гласање во Заедница на единиците на локална самоуправа на Република Македонија.

Со здружени гласови на градоначалниците на СДСМ и ВМРО-ДПМНЕ, претставници во ЗЕЛС, беше разрешена од позицијата претседател на ЗЕЛС, градоначалничката на Град Скопје, Данела Арсовска.

Ова е само последниот пример за соработката помеѓу две партии на штета на граѓаните за нивните лични и теснопартиски интереси.

На постојниот политички естаблишмент очигледно му пречат луѓе со визија, вредни и чесни, луѓе кои се независни и делуваат исклучително во интерес на граѓаните. На СДСМ и ВМРО-ДПМНЕ очигледно му пречат луѓе кои знаат да кажат не на корупцијата и криминалот, луѓе кои јавниот го ставаат пред бизнис интересот на врхушката во партиите.

Истите луѓе кои се најзаслужни за ерозија на македонското општество во сите сфери од денес ја превземаат контролата врз единствената национална асоцијација и непрофитна организација, во која на доброволна основа членуваат сите 80 општини и Градот Скопје.

Град Скопје

притисни ентер