Џил Бајден ја декорира Белата куќа, на социјалните мрежи со коментари за нејзиниот вкус (ФОТО) - Канал 5

Живот

Џил Бајден ја декорира Белата куќа, на социјалните мрежи со коментари за нејзиниот вкус (ФОТО)

Првата дама на САД Џил Бајден ги откри овогодинешните божиќни украси во Белата куќа.

Џил Бајден ја декорира Белата куќа, на социјалните мрежи со коментари за нејзиниот вкус (ФОТО)

Овогодинешните украси се наречени We the People, а по повод отворањето, претседателот Џо Бајден и неговата сопруга испратија порака до граѓаните на САД.

„Оваа година се надеваме дека ќе го претставиме празничниот дух отелотворен во самата идеја на Америка: „Ние луѓето“. За време на вашата посета на просториите исполнети со историја и празнични украси, се надеваме дека ќе се чувствувате како дома и ќе се најдете во големата приказна за Америка. “, порачаа Бајденови.

Украсувањето на Белата куќа е резултат на повеќемесечно планирање и координација меѓу првата дама, персоналот на резиденцијата и тимот од повеќе од 150 волонтери.

Во Белата куќа можете да се видат 77 новогодишни елки, куќа од џинџер, макета на Белата куќа и посебен украс во секоја од собите, а највпечатливо е што во украсувањето биле употребени ни помалку ни повеќе туку 83.615 светилки.

Реакциите на корисниците на социјалните мрежи за овогодинешното украсување се донекаде поделени. Некои луѓе сметаат дека декорацијата е убава, додека други мислат дека е обична и не многу впечатлива.

Имало многу повеќе негативни коментари. „Меланија Трамп подобро украсуваше“, „Одев покрај куќата на мојот сосед и изгледа одлично во споредба со оваа“, „Џил Бајден воопшто нема вкус“, „Ова изгледа како да е нафрлено во последен момент“, „Неимагинативна и некреативна. Здодевно“, „Требаше да се погледне што направи Меланија“, „Ме потсетува на некои нејзини фустани“...

А имало и позитивни. „Ги гледам овие коментари и не ми се верува, зошто не го чекате Божиќ и овие прекрасни украси“, „Спектакуларно“, „Многу убаво украсено, подобро од минатиот пат“, ова се само дел од коментарите на Инстаграм.

Кога толку многу луѓе ќе го спомнат украсувањето на Меланија Трамп, да се потсетиме како таа го направи тоа во 2020 година.

Таа ги украси сите сали, од Источната соба до Црвената соба, а во украсувањето учествувале 125 волонтери. Украсите биле рачно изработени, а биле поставени 106 венци, 62 елки, повеќе од 3.200 светилки, 17.000 лакови и повеќе од 150 видови лисја и цвеќиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно објави мапа: „Нова територија на САД“

Претседателот на САД, Доналд Трамп, објави мапа на Ормутскиот теснец на својата социјална мрежа „Truth social“ и го прогласи за територија на САД.

Трамп повторно објави мапа: „Нова територија на САД“

Објавената слика покажува мапа на која е заокружен делот што го вклучува ормутскиот теснец, иранскиот остров Кешм, делови од територијата на Оман, па дури и градот Дубаи. Над тоа е коментарот: „нова територија на САД“.

Само еден ден претходно, Трамп изјави дека САД имаат „целосна контрола“ врз целиот регион што има врска со Ормутскиот теснец.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

16 загинати во нападот на трговскиот центар во Украина, се проверува дали продавницата требало да биде евакуирана

Украинската полиција отвори кривична постапка против директорот на супермаркет во трговскиот центар во Криви Рих, кој беше погоден во руски напад со дронови.

16 загинати во нападот на трговскиот центар во Украина, се проверува дали продавницата требало да биде евакуирана

Во рускиот напад загинаа најмалку 16 лица, а повредени беа уште 130, меѓу кои и 23 деца. спасувачките екипи и натаму трагаат по исчезнати лица.

Директорот се истражува поради сомнение за немар, бидејќи продавницата наводно останала отворена и за време на воздушната тревога. Според украинските власти, од моментот кога била вклучена воздушната тревога до првиот удар со дрон поминале околу 20 минути.

Истрагата треба да утврди дали вработените и посетителите биле навреме предупредени за опасноста, дали била издадена наредба за евакуација и дали биле почитувани безбедносните протоколи за објект во регион близу до фронтот. Ќе се проверуваат и наводите дека вратите на засолништето биле блокирани.

YouTube video

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Србија е уапсен „платен убиец“ од Македонија, се истражува кој наводно требало да биде жртва

Српската полиција уапсила државјанин на Македонија кај градот Прибој, под сомнение дека влегол во Србија како ангажиран извршител на нарачано убиство, објави српски Телеграф повикувајќи се на полициски извори.

Во Србија е уапсен „платен убиец“ од Македонија, се истражува кој наводно требало да биде жртва

Според медиумот, осомничениот во полициските евиденции наводно се водел како платен убиец кој работел за Кавачкиот клан, а се доведувал во врска и со претходен обид за убиство на Марко Љубиша Кан.

По добиените оперативни информации, српската полиција распоредила засилени сили и го блокирала теренот во Прибој, а истрагата сега е насочена кон утврдување на идентитетот на лицето кое требало да биде мета, како и кон откривање на локациите и лицата што евентуално му обезбедувале логистичка поддршка по влегувањето во Србија.

На осомничениот му е определено задржување до 48 часа, по што со кривична пријава треба да биде изведен пред надлежното обвинителство.

Фото: ВИ

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер