Здравје

Директорот на Онкологија, д-р Стојковски : Донесовме седум нови лека, двојно е зголемен условниот буџет за биолошка терапија

-Донесовме седум нови лека, двојно е зголемен условниот буџет за биолошка терапија, инхибитори на ароматазата од аптека!

Директорот на Универзитетската клиника за радиотерапија и онкологија, проф.д-р Игор Стојковски во интервју за МИА истакнува дека двојно зголемен е условниот буџет на Клиниката за радиотерапија и онкологија за иновативни лекови oдносно за биолошка терапија.

Посочува дека со последниот буџет е обезбедена достапност и на седум нови лека за третман на меланом, на дојка, на бели дробови, на мочен меур и на простата. Некои од овие лекови, потенцира, се достапни во Македонија и пред да бидат достапни во земјите од нашето соседство, така што сме сигурни дека пациентите се третираат со најсовремена иновативна терапија според современите светските протоколи за третман.

- При крај е административната постапка за поставување група на лекови, инхибитори на ароматазата (анастрозол и летрозол), на позитивната листа А – така што очекуваме наскоро дека оваа група на лекови ќе може да се издава на рецепт во аптеките во местото на живеење на пациентите, нагласува проф.д-р Стојковски.

Во врска со кадровскиот капацитет, вели дека пред неколку недели на Клиниката се примени четири приватни специјализанти (два специјализанти од областа на радиотерапија и онкологија и два од областа на патологијата) и по подолго време кадровски се зајакнал капацитетот на Клиниката.

- Клиниката има потреба од зголемување на персоналот од сите профили и тоа медицински сестри, радиолошки технолози, медицински физичари, болничари, административен кадар итн. Активно работиме и на реконструкција на одредени делови од Клиниката, со план некои од амбулантите и биохемиската лабораторија да бидат префрлени во пофункционални простории каде нема да се создава голема гужва, нагласува директорот на Клиниката, проф.д-р Стојковски. Во продолжение следи целото интервјуто.

Универзитетската клиника за радиотерапија и онкологија е една од неколкуте клиники, каде секој ден има огромен број пациенти за кои од животно значење е навремената достапност на терапија. Дали е надминат проблемот со недостигот на одредена терапија, како што е таблетарно хормонската („Анастрозол“, „Летрасан“, ЦДК4/6 инхибитори) и цитостатикот „Таксол“, кој пациентите мора да го примаат на секои три недели и сега незнаат што да прават и кога тие ќе бидат достапни за пациентите?

Во моментот, лековите се достапни, но постои можност повремено да се појави недостиг, како резултат на фактори кои се надвор од контрола на клиниката. Такви фактори можат да бидат зголемен број на пациенти што доведува до побрзо трошење на залихите, одредени административни процедури поврзани со јавните набавки, како и доцнење во испораката од страна на производителите или дистрибутерите. Важно е да се истакне дека во такви ситуации постојат и алтернативни лекови со идентична ефикасност. Исто така, лековите кои се на позитивната листа на Фондот за здравствено осигурување (ФЗО) кои во моментот ги нема на Клиниката, а се купуваат приватно, се предмет на рефундација од страна на ФЗО.

Дали има можност лекот „Аромасин“ од најнова генерација, кој е антихормонска терапија за канцер за дојка и повеќето од пациентките го купуваат на приватно од соседните држави и е поефикасен, да биде ставен на позитивната листа на лекови или да се зема со рецепт од онколог?

Поставувањето на нов лек на позитивната листа претставува институционален процес што се спроведува од страна на стручните работни групи во рамките на Фондот за здравствено осигурување и Министерството за здравство. За успешно реализирање на оваа постапка, неопходна е координација со производителот на лекот, како и со дистрибутерите кои се активни на фармацевтскиот пазар во државата.

До каде се активностите за децентрализирање на онколошката терапија во ГОБ „8 Септември“ и во другите градови во државата каде има онколошки одделенија?

Подготовките и екипираноста на одделенијата во другите градови во државата е во надлежност на клиниките и болничките центри каде овие одделенија се лоцирани. Универзитетската клиника за радиотерапија и онкологија, иако има дефицит на кадар од сите медицински профили, се надева дека ќе смогне сили за да помогне со експертиза од областа на онкологијата и радиотерапијата за да можат овие центри да започнат со функционирање.

Кога ќе се реализира ветувањето, дел од лековите кои пациентите ги добиваат на Клиниката да може да ги подигнуваат во аптека во местото на живеење?

Работните групи во рамките на Фондот за здравено осигурување и Министерството за здравство се при крај со административната постапка за поставување на една група на лекови, инхибитори на ароматазата (анастрозол и летрозол), на позитивната листа А – така што очекуваме наскоро дека оваа група на лекови ќе може да се издава на рецепт во аптеките во местото на живеење на пациентите.

За колку проценти е зголемен буџетот на Клиниката, што ќе значи тоа за онколошките пациенти за кои е најважно навременото снабдување со лекови и дали ќе се обезбедат нови лекови и за кои видови канцер?

Условниот буџет за иновативни лекови (биолошка терапија) е двојно зголемен. Овој буџет е целосно наменски и се користи само за лекарства кои ги одобрува Министерството за здравство и Фондот за здравствено осигурување, а кои не се на позитивната листа на ФЗО, така што со последниот буџет обезбедена е достапност на седум нови лека за третман на меланом, канцер на дојка, на бели дробови, на мочниот меур и на простата. Некои од овие лекови во Македонија се достапни и пред да се достапни во земјите од нашето соседство, така што сме сигурни дека пациентите се третираат со најсовремена иновативна терапија според современите светските протоколи за третман.

Од друга страна пак регуларниот буџет на институцијата е минимално зголемен и со овој буџет е потребно да се покријат сите останати трошоци, како на пример сите останати лекови од позитивната листа на ФЗО, одржување на апаратура за радиотерапија, одржување на хигиената, плати на вработени, како и да се планира експанзија и подобрување на просторните услови.

Пациентите реагираат дека доктор на Клиниката дневно прегледува стотици пациенти кои дошле на преглед за потоа да можат да примаат терапија, а откако по неколку часа тој ќе заврши со нив, мора да прими и други пациенти кои дошле само за контролен преглед и да им се препише терапија за да можат да ја подигнат од дневната аптека. Очигледно е дека недостигаат доктори и медицински сестри на Клиниката. Имате ли конкретен план како да се надмине таквата состојба и дали има кај вас вработени приватни специјализанти или други нови вработувања?

Се разбира за да може во рамките на институцијата да се направи реорганизација на работењето, потребно е да се зајакне како кадровскиот, така и просторниот капацитет. Се надеваме дека со префрлање на претходно споменатите лекарства на аптекарската позитивна листа и децентрализација на онколошката грижа во болничките центри надвор од Скопје ќе се намали оптоварувањето на Клиниката за радиотерапија и онкологија. Пред неколку недели на Клиниката се примени четири приватни специјализанти (два специјализанти од областа на радиотерапија и онкологија и два од областа на патологијата) и по подолго време кадровски се зајакна капацитетот на Клиниката. Клиниката има потреба од зголемување на персоналот од сите профили и тоа медицински сестри, радиолошки технолози, медицински физичари, болничари, административен кадар итн.

Голем број пациенти од целата држава доаѓаат на Клиниката, чекаат со часови за преглед или контрола и за подигнување терапија. Чекалните се претесни за толку многу пациенти. Имате ли план за инфраструктурно зајакнување на Клиниката и подобрување на условите за третман на пациенти?

Во насока на подобрување на условите за пациентите, извршивме проширување и климатизација на чекалните во клиниката. Воведовме систем со бројчиња, информативни монитори и разглас, со цел да се овозможи поудобни услови и ред за пациентите додека престојуваат на клиниката.

Паралелно, активно работиме на реконструкција на одредени делови од објектот, со план некои од амбулантите и биохемиската лабораторија да бидат префрлени во пофункционални простории каде нема да се создава голема гужва. Во среднорочен период, посветено работиме и на обезбедување услови за отпочнување со реконструкција на третиот кат, кој се наоѓа во фаза на карабина повеќе од три децении. /МИА.

Тагови: Клиниката за онкологија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Семејството мислело дека бабата е мртва, ја ставиле во ковчег и ја оплакувале- тогаш снаат видела нешто чудно

Приказната за жена во седумдесеттите години од кинеската провинција Хебеј, која страдала од церебрална тромбоза и се лекувала од рак, го привлече вниманието на јавноста.

Според локалните медиуми, лекарите заклучиле дека болеста повеќе не може да се лекува, по што нејзиното семејство ја однело дома.

Шокантно изненадување за семејството

Бабата била пронајдена мртва на 8 септември, па семејството го ставило нејзиното тело во ладилник-ковчег додека чекало да се соберат сите роднини.

Сепак, следната вечер се случило нешто што ги изненадило сите, објавува „Саут Чајна Морнинг Пост“.

Имено, снаата слушнала тивок звук на „зуење“ што доаѓал од внатрешноста на ковчегот. Семејството веднаш го отворило и ја видело старицата жива! Таа била во сериозна состојба, не можела да јаде ниту да пие.

За жал, таа починала подоцна истата вечер и била погребана на 13 септември.

„Никој не би измислил приказна...“

Член на семејството подоцна објавил детали за необичната приказна на интернет, покренувајќи прашања за тоа дали приказната е автентична.

„Никој не би измислил приказна за животот и смртта на член на сопственото семејство“, напиша тој.

Локалните медиуми објавија дека телото на несреќната жена било ставено во ладилник, но дека не било поставено на длабоко замрзнување.

Едно можно објаснување за овој случај, според лекарите, е состојба позната како „очигледна смрт“.

„Се надевам дека пронашла мир“

Ова е ситуација во која виталните знаци се толку слаби што е исклучително тешко да се регистрираат.

Необичниот случај предизвика бројни реакции на социјалните мрежи, а еден корисник напиша: „Овој вид „враќање“ сигурно бил болен за несреќната жена. Се надевам дека пронашла мир во задгробниот живот“.

Друг додаде: „Семејството прво требало да добие официјален смртоносен лист од болницата“.

Трет корисник ги спомена локалните обичаи: „Во минатото, семејствата честопати го држеа починатиот дома три дена. Денес, сè се случува толку брзо што некои луѓе се кремираат веднаш откако ќе бидат прогласени за мртви“.

Тагови: бабата ковчег

Судбина

Тригодишно дете се удавило во базен- за тоа време мајка му спиела „камен“ пијана, уапсена е

Мајка од Индијана е уапсена откако нејзиниот 3-годишен син се удавил во базен додека таа наводно била „камен“ пијана, според полицијата.

Еми Џо Фарбер требало да го чува детето, но заспала откако испил премногу пиво. Сега се соочува со обвинение за занемарување на дете што резултирало со смрт, објави „14Њуз“.

Ентони Аусикер, портпарол на полицијата во Евансвил, изјави дека Фарбер испил шест или повеќе лименки пиво „Бад Ајс“ од 0,7 литри за околу два часа минатата сабота. Таа седела на терасата и требало да го надгледува својот син кој си играл во базенот во дворот. Според портпаролот, наместо да се грижи за детето, таа пиела додека не заспало во својот стол.

Полицијата ја уапсила мајката

Полицијата вели дека еден од гостите во куќата во еден момент забележал дека детето повеќе не е во базенот, па излегол во дворот. Таму го нашол момчето како лебди со лицето надолу покрај превртен душек на воздух. Гостинот веднаш го повикал сопственикот на куќата. Заедно, го извадиле момчето од водата, започнале со кардиопулмонална реанимација и повикале брза помош. Тие исто така се обиделе да ја разбудат мајката, која реагирала дури кога сфатила што се случува со нејзиниот син.

Кога пристигнале полицијата и брзата помош, Фарбер се обидела да ги скрие празните лименки пиво. Медицинскиот тим презел реанимација и го однел момчето во болница, каде што било прогласено за мртов.

Таа била агресивна кон полицајците

Фарбер била уапсена под сомнение дека била под дејство на алкохол додека чувала деца, што е кривично дело во Индијана. Таа била однесена во болница каде, според судска наредба, биле земени примероци од крв за анализа на алкохол и дрога. Резултатите сè уште се чекаат. Во болницата, според полицискиот извештај, таа станала агресивна и плукнала по полициски наредник. Наводно била лута затоа што не сакале да ѝ ги извадат лисиците.

По болницата, Фарбер била однесена во затворот во округот Вандербург. Таа била обвинета за занемарување на дете што резултирало со смрт, а нејзината кауција била одредена на 25.000 долари во готово.

Тагови: базен пијана

Свет

Ердоган: ОН мора да го укинат правото на вето во Советот за безбедност

Турскиот претседател Реџеп Таип Ердоган напиша статија за Блумберг со наслов „ОН мора да го укине правото на вето на Советот за безбедност“.

Во статијата тој наведува дека „трагедиите што светот ги виде во последните години, како што се пандемии, енергетски кризи, прекини во синџирот на снабдување и регионални конфликти, покажаа дека препуштањето на решавањето на кризите со кои се соочува светот на волјата на неколку престолнини повеќе не одговара на денешната реалност“. Нагласувајќи дека прилагодувањето на глобалните механизми за донесување одлуки на денешните услови повеќе не може да се одложува, Ердоган истакна дека Советот за безбедност на Обединетите нации сè уште ја одразува структурата на периодот по Втората светска војна. Нагласувајќи дека поефикасно, пофер и поодговорно разбирање на претставувањето е неопходност и дека патот до тоа води не само преку проширување на претставувањето, туку и преку фер распределба на раководните одговорности, Ердоган нагласи: „Должни сме да го вклучиме искуството, капацитетот и волјата на различни географски области во решавањето на глобалните и регионалните прашања. Нашиот повик „Светот е поголем од 5“ во оваа смисла е повик за пошироко разбирање на одговорноста. Потребата од реформа сега мора да се преведе во конкретен план. Во срцето на тој план мора да биде укинувањето на привилегијата за вето. Бидејќи додавањето нови привилегирани членови во Советот за безбедност не го решава проблемот со концентрацијата на моќта за донесување одлуки во рацете на неколку држави, туку само го проширува опсегот на таа привилегирана структура. Укинувањето на привилегијата за вето мора да биде и почетна точка и фундаментална стратешка цел на секоја значајна реформа. Реформата не може да значи давање на истата привилегија на други држави. Во рамките на Генералното собрание мора да се формира широка коалиција околу принципот дека ниедна држава нема право трајно да ја блокира волјата на мнозинството од меѓународната заедница.“ Нагласувајќи дека „рамнотежата меѓу Советот за безбедност и Генералното собрание мора повторно да се воспостави“, Ердоган изјави:

- Можно е да се зголеми претставничкиот капацитет на Советот за безбедност и неговата одговорност кон Генералното собрание преку зајакнување на овластувањата на Генералното собрание, укинување на постојаното членство и воспоставување структура во која Генералното собрание ги избира членовите на Советот за безбедност на ротирачки начин за одредени периоди, а земјите што сакаат нов мандат мора да ја вратат довербата на мнозинството членови на избори. Не можеме да изградиме иден меѓународен поредок со зачувување на хиерархиите од минатото.

„Настаните од последниот четврт век, кој може да се смета за исклучително краток период од гледна точка на светската историја, покажаа дека ниедна рамнотежа на моќ и ниеден меѓународен поредок не се вечни. „Системот што му ветуваше на човештвото мир, стабилност и заеднички просперитет се покажа како недоволен во спречувањето на нови војни, намалувањето на нееднаквостите и реагирањето на променливите рамнотежи на моќ“, рече Ердоган.

Тој истакна дека додека нови центри на моќ се појавуваат од економијата до безбедноста, од технологијата до дипломатијата, меѓународните институции не можат да се прилагодат на оваа трансформација со иста брзина.

Нагласувајќи дека војните, климатската криза, нерегуларната миграција и економската ранливост уште еднаш ја истакнуваат важноста државите да имаат силни институции, отпорни економии и капацитети за одвраќање во одбраната, Ердоган изјави дека безбедноста и одржливоста на трговските, логистичките, транспортните и енергетските коридори стануваат сè поважни.

Наведувајќи дека додека економското значење на Азија расте, Африка исто така бара посилна застапеност во согласност со нејзиниот потенцијал и дека земјите во развој сè повеќе ги искажуваат своите приоритети, Ердоган ги даде следните проценки:

„Растечкото влијание на одредени регионални актери носи со себе и преземање поголема одговорност во нивните сопствени географски области.“ Не е можно да се решат проблемите на секој регион со методи наметнати однадвор. „Веруваме дека пристапите засновани на волјата на засегнатите земји, локалните услови и заедничките интереси ќе дадат потрајни и постабилни резултати. Неизбежно е земјите со дипломатски капацитет, економски способности и способност за комуникација со различни страни да преземат поефикасна улога во воспоставувањето мир и стабилност“, рече тој.

Очекувањата дека глобализацијата ќе го прошири просперитетот не се целосно исполнети. Додека нееднаквоста во приходите се продлабочи, технолошките и економските зависности се претворија во нови области на конкуренција. Во овие променети околности, со цел да се обезбеди глобална правда, одговорностите мора да се делат праведно, а правото на развој на земјите во развој и нивниот пристап до финансиските ресурси што им се потребни мора да се гарантира.“

Наведувајќи дека таквата промена бара широка меѓународна волја, Ердоган нагласи дека Турција ќе продолжи да ги става своите силни глобални односи и искуство во мултилатералната дипломатија во служба на ова барање реформи.

Нагласувајќи ја нивната поддршка за напорите за укинување на привилегијата за вето, давање поголема тежина на избраните членови во процесите на донесување одлуки и зајакнување на улогата на Генералното собрание, Ердоган истакна: „Зближувањето на земјите од различни региони на оваа заедничка основа ќе го зајакне легитимитетот и капацитетот за претставување на меѓународниот систем. Во денешниот свет, јасно е дека траен мир не може да се воспостави со множење блокови кои се отсечени едни од други и не разговараат едни со други. За „поправеден свет“, мора да ги здружиме искуството, капацитетот и волјата на различните географски области на заедничка основа. Турција, со својата длабока државна традиција, дипломатски капацитет и силни односи што ги воспостави со различни региони, ќе продолжи да ја презема својата одговорност во оваа потрага по реформи“, заклучи Ердоган.

Тагови: Ердоган Советот за безбедност