Извор близок до парот тврди дека тие имаат изградено заеднички живот и веќе разговарале за бебе.

Бред Пит (60) и неговата девојка Инес де Рамон ги засенија сите, вклучително и неговата поранешна сопруга Анџелина Џоли, на неодамнешното 81-во издание на Венецијанскиот филмски фестивал. За нивното појавување на црвениот тепих не престанува да се зборува. Во Лидо, Пит не ја симнуваше насмевката од лицето додека ја држеше својата девојка за рака, па низ холивудските кулоари почна да се шушка дека тој има повеќе причини да биде среќен.

Разговарале за деца

Како што пишува „In Touch“, повикувајќи се на пријатели на познатиот актер, можно е убавата Инес да е бремена. Таа се појави на премиерата на филмот „Волци“ во елегантен бел фустан кој го истакнуваше секој дел од нејзиното тело. Сепак, тоа не значи дека таа не е во рана фаза од бременоста.

- Бред и Инес станаа многу сериозни - таа се всели во неговиот дом и веќе планираат семејство. Можеби за некого е шокантно, но блиските луѓе од нивното опкружување не би се изненадиле доколку Инес е веќе бремена. Инес многу би сакала уште едно дете, а Бред? Па, погледнете го, тој е во подобра форма од многу помлади мажи и обожава деца, па уште едно дете сигурно би го израдувало - изјавил извор близок до славниот пар.

Како што истакнува овој извор, Бред конечно покрај Инес пронашол мир, кој очајно му бил потребен по турбулентните расправии со Анџелина Џоли.

- Тие се навистина заљубени и не се одвојуваат еден од друг. Тие изградија заеднички живот, а Бред е посреќен од кога било. За прв пат во животот има некој со кого сè е едноставно, без непотребните компликации и драми. Тие сè уште не планираат венчавка, што не значи дека во одреден момент тоа нема да се случи, додава изворот.

Инес и Бред се во врска две години, но прв пат официјално ја претстави како негова девојка на неодамнешните трки во Велика Британија. Со заедничкото појавување во Венеција, познатиот актер на светот му откри колку ја сака Инес.

Меѓутоа, не би можел да се венча додека не го заврши разводот со Анџелина Џоли, кој трае веќе осум години, бидејќи никако не можат да се договорат околу поделбата на заедничкиот имот.

Инес веќе има син од бракот со актерот Пол Весли, кој се прослави со улогата во „Дневниците на вампирот“ („The Vampire Diaries“), додека Пит има шест деца - три посвоени и три биолошки со Анџелина Џоли.

Меѓутоа, по разводот, таа успеа целосно да го одвои од децата, кои едно по друго го отфрлаат дури и неговото презиме, не сакајќи да имаат никаква врска со својот славен татко. Неодамна тоа го направи и неговата миленичка Шајло, а тоа длабоко го повреди актерот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.