Еден прилично згоден маж стана планетарно популарен додека бришеше прозорци на еден облакодер. Додека максимално сконцентрирано и посветено ја извршувал својата задача на огромна висина, висејќи на јажиња, бил набљудуван од група девојки кои за време на паузата во една канцеларија го пиеле своето кафе.

Имено, една корисничка на ТикТок, подели снимка откако на прозорецот од нејзината канцеларија се појавил еден маж кој ги бришел прозорците. На снимката, таа се доближува до стаклото со ливче во раката на кое очигледно е напишана порака. Дечкото гледа во друг правец, не сфаќајќи дека младата жена сака да му порача нешто. Меѓутоа, во еден момент застанува и ја гледа пораката и на неговото лице се појавува насмевка од уво до уво.

@bebluerock can you guess what we wrote? 👀 #askyourwindowcleaner #taylorswift #youbelongwithme #worklife ♬ You Belong With Me (Taylor’s Version) - Taylor Swift

Сепак, на изненадување на многумина што ја виделе снимката на ТикТок, тој одмавнува со прстот во знак на негирање. Луѓето се интересираа што ли го прашала младата канцелариска службеничка и дали е можно да ја одбил. Секако, сите алудираа на тоа дека младата жена за моччето имала понуда „што не може да се одбие“.

- Дали си оженет? -

-Дали ти треба помош? –

-Ти се допаѓам? -

-Може ли бесплатно да ми ги исчистиш прозорците? –

И додека се редеа коментари, во кои корисниците на оваа мрежа го погодуваат прашањето, од типот дали младиот човек е сам, дали сака да јаде одредена храна и слично, други на шега прокоментираа дека човекот си го ризикувал животот чистејќи ги прозорците и дека таквата игра од страна на оваа „тиктокерка“ не е во ред.

Сепак, корисниците на оваа социјална мрежа инсистираа да го дознаат вистинското прашање.

На крајот, таа конечно открива дека таа била само загрижена за младиот човек и го прашала дали работи на дождливо време.

Корисниците на оваа мрежа не го криеја разочарувањето, тврдејќи дека мислеле оти девојката е покреативна и прашала нешто поконкретно. Многумина истакнаа дека изгубиле време погодувајќи што всушност е напишано на хартијата. Некои се сомневаа во веродостојноста на нејзиното прашање и истакнаа дека во двата случаи, односно во двете видеа, девојката носи џемпер со различна боја, па тврдат дека таа едноставно не сакала да признае што напишала и ги снимила видеата во два различни дена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.