Македонија

Деспотовски најави приговори за изборите за претседател на СДСМ

Кандидатот за претседател на СДСМ Јован Деспотовски по затворањето на избирачките места на вонредните внатрепартиски избори упати благодарност до партиските членови кои гласаа на изборите, но искажа и забелешки за одвивањето на изборите.

-Денеска, дел од членовите на СДСМ гласаа. СДСМ е единствената партија и во земјава, и во регионот, која има широк модел за избор на претседател. Со тоа треба да ја покаже својата големина и демократски капацитет. Но, тој демократски капацитет денес, но и во деновите што следат треба да биде докажан и потврден. Од срце им благодарам на сите членови на партијата кои излегоа да гласаат, како и на сите оние кои излегоа, дојдоа на избирачките места но од различни причини не им беше овозможено да гласаат. Искрено им благодарам на сите оние кои во изминатите неколку недели беа со нас и дадоа своја енергија во градење на еден нов СДСМ, наведува во пишаната изјава Деспостовски.

Тој пред да даде оценка за изборите, побара од Централната изборна комисија на партијата да даде одговор на прашањето зошто над десет илјади членовите кои се регистрирале не излегле да гласаат и зошто на членови кои биле уредно регистрирани, не им било овозможено да гласаат на гласачите места. Деспотовски воедно најави дека неговиот тим утре ќе поднесе приговори за констатираните забелешки.

-На овие две клучни прашања, но и на останатите забелешки кои дојдоа од мрежата контролори низ цела држава, нашиот тим веќе утре ќе поднесе приговори. СДСМ мора многу сериозно да се позанимава и да одговори на овие прашања пред воопшто да се дефинира став во врска со овие избори. Ова, без разлика на исходот од денешното гласање и резултатите кои ги очекуваме во следните два часа, наведува Деспотовски.

Македонија

Полицајците во Скопје им делеа летоци на мотоциклистите

Превентивна активност на СВР Скопје за побезбеден сообраќај.

Денеска (02.07.2024) Одделението за превенција при СВР Скопје во соработка со РСБСП спроведе превентивна активност наменета за возачи на мотоцикли.

Превентивната активност беше спроведена на подрачјето на општина Чаир во Скопје, со цел зголемување на сообраќајната култура во насока на почитување на сообраќајните правила и прописи, особено за почитување на законската обврска за возачите на мотори да носат заштитен шлем (кацига), со што се зголемува, пред се, личната безбедност.

На возачите им беше поделен и едукативен материјал односно летоци, соопштуваат од МВР.

Регион

Евакуирани гостите од хотелите на грчкиот остров Кос, пожарот беснее втор ден (ВИДЕО)

Грчките пожарникари веќе втор ден се борат со пожарот на островот Кос, а стотици туристи и локални жители кои беа принудени да се евакуираат во текот на ноќта се вратија во своите хотели и домови.

Додека пожарот стигна до крајбрежното село Кардамаин, луѓето се засолниле во спортскиот центар и други објекти во текот на ноќта, изјави заменик-гувернерот на Додеканезите, Христос Ефстрацио, пренесува Ројтерс.

Со оглед на тоа што пожарот донекаде изгасна утринава, граѓаните можеа да се вратат во своите домови, а нема оштетувања на зградите, додаде тој. Повеќе од 100 пожарникари со помош на хеликоптери се уште се борат со пожарот на Кос за да спречат повторно избувнување, соопштија од противпожарната бригада.

На блискиот остров Хиос, повеќе од 170 пожарникари со помош на 36 возила и 10 авиони се обидуваат да стават под контрола уште еден пожар што избувна вчера попладне.

„Се чини дека ситуацијата е подобрена на двата фронта“, изјави претставник на противпожарната бригада.

Противпожарните напори се во тек и на островот Крит. Премиерот Киријакос Мицотакис оваа недела предупреди на опасност од шумски пожари по долготрајната суша и невообичаено силните ветрови за оваа сезона.

Минатата година во шумските пожари на северот на земјата загинаа 20 луѓе, а 19.000 луѓе беа принудени да го напуштат островот Родос.

Оттогаш, Грција сè повеќе користи беспилотни летала за рано откривање пожари, со планови за зголемување на флотата на беспилотни авиони на 35 системи и бројот на обучени оператори со беспилотни летала од 104 на 139.

Технологија

Застрелан дрон за испорака на „Walmart“

Еден човек од Флорида се соочува со повеќе обвиненија откако застрела беспилотно летало за испорака на „Walmart“.

Според извештаите, канцеларијата на шерифот на округот Флорида добила дојава за пукање, а според извештајот, била пронајдена дупка од куршум во товарот што го превезувал дронот.

Сведоците им го посочиле на властите 72-годишниот Денис Вин, кој разговарал со официјални лица и подоцна признал дека пукал во дронот со пиштол калибар 9 мм, соопшти канцеларијата на шерифот.

Во видеото од полициската камера, Вин ѝ кажал на полицијата дека се обидел да го избрка дронот „Walmart“, па потоа го застрелал.

„Walmart“ првпат најави испорака со беспилотни летала во 2021 година, а до следната година, трговецот на мало овозможи испорака со дронови на одредени пазари во Тексас, Аризона и Флорида.

„Во текот на последните две години на пробни испораки со беспилотни летала, направивме над 20.000 безбедни испораки“, рече „Walmart“. Во овој потфат, „Walmart“ соработува со „DroneUp“.

Извор: Б92