Денеска почнува 75. Меѓународен филмски фестивал во Берлин - Канал 5

Забава

Денеска почнува 75. Меѓународен филмски фестивал во Берлин

Во Берлин денеска почнува 75. издание на Меѓународниот филмски фестивал „Берлинале“. За главната награда „Златна мечка“ за најдобар филм ќе се натпреваруваат 19 остварувања од целиот свет.

Денеска почнува 75. Меѓународен филмски фестивал во Берлин

Инаку, десетдневната свеченост во германскиот главен град ќе биде отворена со домашниот воннатпреварувачки филм „Светлина“ (Das Licht), на германскиот режисер Том Твикер, којшто ќе биде претставен со специјална гала-вечер. Американскиот режисер Тод Хејнс ќе претседава со годинешното жири, додека за првпат фестивалската програма ќе ја води Триша Татл, која ќе ги претстави новите филмови во натпреварувачкиот дел. Фестивалот ќе трае до 23 февруари, се наведува на официјалната интернет-страница.

Лусил Хаџихалиловиќ ќе се претстави со драмата „Ледена кула“ (La Tour de glace), каде што главната улога ја толкува француската актерка Марион Котијар.

Во филмот „Сина Месечина“ (Blue Moon) на американскиот режисер Ричард Линклејтер глумат Итан Хоук и Ендрју Скот.

Романскиот режисер Раду Жуде се враќа на фестивалот со „Континентал '25“ - мрачна комедија за станбената криза и подемот на ксенофобијата и шовинизмот.

Инаку, исто така, во натпреварувачкиот дел, „Жешко млеко“ (Hot milk) е дебитантски филм на британската режисерка Ребека Ленкиjевич - како адаптација на романот на Дебора Леви којшто го истражува мајчинството. Во овој дел, годинава има само еден документарен филм - „Времеплов“ (Стрічка часу) на украинската режисерка Катерина Горностај. Овој засега последен нејзин филм е хроника за воспитувачите и наставниците во време на војна.

Јужнокорејскиот режисер Хонг Санг-су ќе го претстави својот осми филм - „Што ти вели таа природа“. Овој филмаџија веќе има освоено четири „Сребрени мечки“ последниве пет години.

Од 19 филмови во натпреварувањето, осум се режирани или со-режирани од жени, наспроти шесте лани. Берлинскиот фестивал се одликува со посветеноста на различностите и еднаквоста. Во 2019 година, организаторите ја потпишаа Повелбата за еднаквост и различност, обврзувајќи се на поголема транспарентност во изборот на филмови и на состав на нивните управни тела.

Во воннатпреварувачкиот дел ќе биде прикажана и научно-фантастичната црна комедија на Бонг Џун-хо „Мики 17“. Ова е негов прв филм на „Берлинале“ по „Паразит“ којшто му го донесе и престижниот „Оскар“.

Фестивалот ја доделува „Златната мечка“ за најдобар филм, „Големата награда“ на жирито, како и „Сребрени мечки“ за најдобар режисер, глумец, глумица, сценарио и филмска музика. Основан е во 1951 година и, од 1978., се одржува редовно секоја година во февруари. Секоја година, фестивалот е домаќин на околу 20.000 претставници на филмската индустрија од 120 земји и продава околу 330.000 влезници, што го прави најпосетениот ваков настан во светот.

„Златната мечка“ лани отиде кај филмот „Дахомеј“ на француско-сенегалскиот режисер Мати Диоп.

Од 1992 година, „Берлиналето“ ја доделува и наградата „Теди“ за филм којшто обработува теми за ЛГБТ-заедницата. Во 2020 година, организаторите ја повлекоа наградата „Алфред Бауер“ - именувана по поранешниот директор на Фестивалот, по откривањето дека тој имал врски со нацизмот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Го лекувале од мозочен удар, па му откриле рекорден камен во мочниот меур од 3,1 килограми

Лекарите во Шри Ланка отстранија камен од 3,1 кг од мочниот меур на неименуван 55-годишен маж, за кој веруваат дека е најголемиот досега забележан.

Го лекувале од мозочен удар, па му откриле рекорден камен во мочниот меур од 3,1 килограми

Операцијата е извршена во болница во Тринкомале, на истокот од земјата, објави Би-Би-Си.

Пациентот бил примен откако доживеал мозочен удар, а лекарите го откриле каменот за време на третманот откако забележале дека има тешкотии со мокрењето.

Каменот бил долг 17 см и, според лекарот кој ја водеше операцијата, со големина на јајце од ној!

Пациентот е во добра здравствена состојба по процедурата, но е задржан во болница за лекување на други проблеми.

Лекарите веруваат дека каменот во неговиот мочен меур можеби се развивал помеѓу пет и 10 години.

Според Гинисовата книга на рекорди, најголемиот документиран камен во мочниот меур е отстранет во Бразил во 2003 година. Тежел 1,9 кг и бил долг 17,9 см.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција воведува ред на плажите: На Халкидики отстранија стотина лежалки и чадори (ВИДЕО)

Општината Полигирос на Халкидики рано утрово спроведе акција за отстранување на фиксните чадори и лежалки кои зафаќаа делови од брегот и го ограничија слободниот пристап за капачите.

Грција воведува ред на плажите: На Халкидики отстранија стотина лежалки и чадори (ВИДЕО)

Општинските работници, во присуство на заменик-градоначалникот на Полигирос Василис Фардогијанис, со помош на камион, две земјоделски возила и багер, отстранија 100 чадори и лежалки кои беа поставени, фиксирани и трајно заклучени на плажата во Геракини, објавува грчката Прототема.

Општината претходно издаде соопштение во кое ги повикува граѓаните и туристите да ги отстранат чадорите, лежалките и секоја друга опрема што беше трајно оставена на брегот и плажата.

Сепак, многумина не постапија по апелот, па општинските екипи пристапија кон нивно отстранување.

„Ова не е потег насочен против никого. Тоа е целосно оправдана интервенција за заштита на јавниот простор и спроведување правила што важат за сите. Општината ќе продолжи со контроли и интервенции каде што е потребно, со цел бреговите да бидат чисти, слободни и достапни за жителите и посетителите“, рече Фардогијанис.

Според надлежната служба за земјиште, отстранетите чадори и лежалки се третираат како отпад и затоа се транспортирани во објект за рециклирање.

Тагови: плажите Халкидики

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Холандски производител на луксузни автомобили за два дена ги распродал сите модели од 1,5 милиони евра (ВИДЕО)

Холандскиот производител на луксузни автомобили Spyker се врати на пазарот пет години откако банкротираше благодарение на финансиска инјекција од украински крипто милијардер.

Холандски производител на луксузни автомобили за два дена ги распродал сите модели од 1,5 милиони евра (ВИДЕО)

Компанијата претстави нов модел вреден еден и пол милион евра во Соединетите Американски Држави, а богатите колекционери веќе го зграпчија речиси целиот производствен тираж.

Сопственикот на компанијата, Виктор Милер, го претстави моделот C8 Preliator XXV на јавноста. Од 25-те планирани примероци, клиентите веќе резервирале 19 автомобили. Милер очекува целото ограничено издание да биде продадено до крајот на оваа недела.

Менаџментот намерно избегна дигитална премиера и се одлучи за ексклузивна демонстрација во живо на возилото. Милер нагласува дека потенцијалните купувачи мора физички да ја почувствуваат премиум кожата и да го видат секој детал од рачно изработениот производ пред да издвојат толку пари. Екранот едноставно не може да го пренесе вистинскиот квалитет на луксузните материјали.

Крипто капиталот ги започна застојаните патеки

Зад ова нереално враќање стои Володимир Носов, украински инвеститор и страствен колекционер. Неговиот капитал му овозможи на брендот да надмине тешки правни и финансиски проблеми. Компанијата претходно доживеа целосен колапс во 2021 година, а потоа се чинеше дека приказната за холандските супер автомобили е засекогаш завршена.

Пазарот претходно покажа глад за овие ексклузивни возила, но производството не можеше да преживее без стабилно финансирање. Носов ја препозна вредноста на уникатниот дизајн и инвестираше пари потребни за рестартирање на фабриката.

Историја долга еден и пол век полна со подеми и падови

Корените на овој бренд датираат од пред 146 години, кога браќата Спајкер граделе луксузни вагони. Производството подоцна успешно се проширило на тркачки автомобили и авиони, но оригиналната компанија била затворена во 1926 година.

Модерниот Спајкер се појавил дури кон крајот на 1990-тите. Иако немаат правен континуитет со оригиналната фабрика, новите сопственици го презедоа познатото име и препознатливиот дизајнерски знак инспириран од авијацијата. Сега тие имаат нова можност да докажат дека овој историски бренд припаѓа на самиот врв на автомобилската индустрија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер