Чувствувајте се удобно: со Opel Mokka-e во зимски услови - Канал 5

Автомобилизам

Чувствувајте се удобно: со Opel Mokka-e во зимски услови

Сакате да се упатите кон планинските предели покриени со снег со електричен автомобил?

Чувствувајте се удобно: со Opel Mokka-e во зимски услови

Вклучена топлинска пумпа: Поставете пријатна температура во компактниот е-автомобил преку апликацијата myOpel

Повеќе извори на топлина: Опционални седишта со функција за загревање и управувач со функција за загревање

Совршен за планинските предели: Динамичен, моќен и со регенерирање на енергија

Сакате да се упатите кон планинските предели покриени со снег со електричен автомобил? Дали е тоа добра идеја? Апсолутно: компактниот Opel Mokka-e е динамичен, моќен и нуди многу пријатни патувања, дури и при ладно време. Тоа е вистинскиот електричен автомобил за Вашите снежни авантури. Со возбудливо стилизираниот Mokka-e, сите ќе ги вртат погледите кон вас каде и да одите, а Вие секогаш ќе бидете забележани на патот, без емисија на штетни гасови. Додека надвор беснее снежна бура, внатре е секогаш пријатно и топло за сите патници. Бидејќи Mokka-e има бројни системи за греење на патничката кабина.

Лесно (пред)загревање: преку апликација и топлинска пумпа

Започнува уште пред патувањето: ако сакате да се качите директно во комфорно загреан автомобил во зима и веднаш да тргнете на пат, електричната Mokka-e е вистинскиот избор. Сопствениците на е-автомобилот можат да ја користат апликацијата myOpel за да го програмираат од претходно греењето во внатрешноста, уште пред да излезат од својот дом. Во рок од неколку минути, кабината на автомобилот не само што достигнува удобна температура, туку и прозорците се без мраз.

Во исто време, неопходно е ефикасно управување со енергијата, особено во зима, за да се задржи ниска потрошувачката на енергија на Mokka-e, а опсегот висок. За да го направите ова, едноставно поставете ја однапред температурата додека Opel e-автомобилот е поврзан на надворешното напојување преку приклучок за домаќинство, ѕиден полнач или брз полнач. На овој начин, потребната енергија за греење доаѓа од надворешното напојување и целосниот електричен опсег до 338 km (според WLTP ) е достапен oд почеток. Благодарение на стандардно вградената топлинска пумпа, генерираната отпадна и изгубена топлина може да се користи за загревање на внатрешноста без да мора да се вклучи конвенционално греење, што би го загрозило опсегот.

Удобност и безбедност на пат: Технологии за греење во Mokka-e

Можете едноставно да седнете и да уживате во возењето. Удобните седишта кои можат да се прилагодат на повеќе начини и со функција за загревање се одлика за добро чувство при возење, здравје и безбедност, сè во едно. Благодарение на опционалното греење на седиштата за возачот и совозачот, зимската јакна може да се соблече уште пред да започне патувањето. Ова значи дека ниту една зимска облека не ја ограничува слободата на движење и дека безбедносниот појас може да се намести цврсто на телото без никакво олабавување - само така може да го добиете целосниот заштитен ефект во случај на судир. Безбедноста ја подобрува и функцијата за загревање на управувачот, кој ги загрева прстите за само неколку секунди. Ова значи дека возачот повеќе не треба да носи досадни ракавици и секогаш има сè под контрола. И стандардното загревање на просторот за нозе во задниот дел гарантира дека стапалата на патниците остануваат топли за време на патувањето.

Користете го кочењето: генерирате енергија со системот за регенеративно сопирање

Покрај аргументите за добро чувство при возење, што ги нуди Opel Mokka-e, има и одговорно уживање во возењето со компактниот електричен модел – особено во планининските предели. Агилноста и држењето на патот на Opel Mokka-e се дополнителни придобивки на ридски терен. Батеријата е инсталирана во долниот дел на каросеријата за особено низок центар на гравитација. Така, автомобилот се чини дека врти како на шини. Добитникот на „Златен управувач 2021“ се придвижува од електричен мотор од 100 kW (136 КС). Додека моделите со мотори со внатрешно согорување прво треба да ја вратат брзината од тесните свиоци, електричниот SUV има 260 Nm вртежен момент на располагање дури и од место - гарантирајќи одлична забава при возење на патишта со свиоци.

Mokka-e исто така се одликува со своите таленти за обновување на енергијата и забавување. Електричниот мотор станува генератор и ја претвора кинетичката енергија во електрична енергија. Ако возачот се префрли во режим на возење B, регенерацијата и забавувањето се зголемуваат. Батеријата од 50 kWh се полни без никакви тошоци – и се заштедува енергија за следното искачување.

Со сите овие технологии, возачите и патниците на Opel Mokka-e можат удобно, ефикасно и без издувни гасови да тргнат по планинските патишта покриени со снег, со многу забава во текот на патувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер