Бразил во шок: Одличниот голгетер на СП отиде на операција

Во последното коло од групата на СП, Бразил не само што загуби неважна партија (0:1 од Камерун), туку и двајца важни играчи до крајот на првенството.

Левото крило Алекс Телес и напаѓачот Габриел Жесус беа повредени во споменатиот натпревар. Тренерот Тите на тој меч им даде шанса на резервите, но тоа заврши со тешки последици. Вака продолжија проблемите на Бразил со повредите бидејќи Нејмар се повреди против Србија и не се знае кога ќе се врати на теренот. Под знак прашалник е дали ќе биде утре против Јужна Кореја во осминафиналето.

Ден откако беше објавено дека СП заврши за Хесус (25), нова шокантна вест. Неговото колено е во таква состојба што мора да оди на операција, поради што ќе биде надвор од теренот до три месеци. Тоа е огромен удар за неговиот клуб и репрезентација. Бразил беше осакатен со заминувањето на Хесус од Светското првенство. Имено, тој е првата замена за Ричарлисон во бековската деветка, а на 59 настапи за репрезентацијата постигна 19 и асистира за 13 гола.

Жесус сезонава брилјира и во Арсенал кој летово го донесе од Манчестер Сити за 52 милиони евра. Тој е еден од најдобрите напаѓачи во Премиер лигата, а со пет гола и шест асистенции е еден од најзаслужните лидери на Арсенал. Сепак, неговиот клуб ќе мора да биде без ѕвездата дури 12 првенствени натпревари, вклучувајќи го и дербито на сезоната против Манчестер Сити.

Милков: Скопје има одговорност да ја осигура безбедноста на сите присутни на 4-ти февруари

Освен министерот за внатрешни Демерџиев, во Скопје ќе дојде и првиот бугарски разузнавач, Пламен Тончев, најави вечерва шефот на бугарската дипломатија Милков.

Во интервју за БТВ, тој ја повика Македонија да обезбеди мирно чествување на 4-ти февруари.

-Во Скопје заминуваат министерот за внатрешни Иван Демерџиев и директорот на ДАНС, Пламен Тончев, кои ќе зборуваат за практичните чекори кои треба да се преземат, пред се, за чествувањето на 4-ти февруари. Македонија има одговорност да ги организира тие чествувања, на начин, да бидат зачувани мирот и безбедноста на сите учесници, вели Милков.

- Ние би биле задоволни доколку тие ни дадат информации, кои ние ги немаме, а се однесуваат на поврзаност на бугарски политичари со тајни служби, додава тој.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

притисни ентер