Кои се точките на судир меѓу СДСМ и ВМРО-ДПМНЕ?

Дали е можен комрпомис и договор меѓу власта и опозицијата за отворените политички прашања, од кои делумно зависи и европската перспектива на земјава?

Во оваа анлиза ќе се обидем да ги претсатвиме точки на судитр меѓу СДСМ и ВМРо-ДПМНЕ за темите кои премиерто Заев ги стави на маса: Изборниот законик, пописот којшто треба да се спроведе во април догодина и надминување на разликите околу предлог законот за јавно обвинителство преку кој треба да се реши и идниот статус на Специјалното јавно обвинителство.

Власта во однос на подготовка на нов изборен модел вели во Изборниот законик треба да биде инкорпорирани препораките на ОБСЕ/ОДИХР  и другите меѓународни институции. Премиерот Заев изјави дека за него е прифатливо решение да се премине на отворени листи, предлог којшто заедно со една изборна единица веќе подолго го заговараат малите политички партии.

ВМРО ДПМНЕ засега е без конкретни предлози за тоа како во иднина треба да се бираат народните претставници. Велат се разгледуваат повеќе можни решенија. За Мицкоски лично, како што изјави неодамна, интересен е предлогот државата да биде поделена во 120 изборни единици наместо како досега во шест. Според досегашните изјави од опозициската партија , мнозинскиот модел е оној којшто го преферираат.

Предлог законот за пописот беше испратен во Собранието, но за кратко беше повлечен. Власта предвидува пописот да се спроведува комбинирано преку теренски проверки, но и користење на бази на податоци од државните институции. Ќе се попишуваат и иселените, за кои податоци ќе може да даваат нивни блиски, но од Заводот за статистика објаснуваат дека тие нема да се водат како жители на земјава.

Опозицијата силно се противи на предложениот модел нарекувајќи го штетен по мнозинското население – Македонците. Предлагаат само теренски проверки и без попишување на населението кое во моментот на попис живее во земјава. Мицкоски најавува и бојкот на пописот доколку не се постигне заемно прифатливо решение.

Преговарачките тимови на власта и опозицијата месеци наназад се обидуваат да најдат законско решение кое ќе биде прифатливо за двете страни. Со законот треба да се реши идниот статус и начин на функционирање на Специјалното јавно обвинителство. Власта предлага СЈО кое ќе биде дел од Јавното обвинителство, но со висока автономија во спроведувањето на истрагите, финансиска независност и продолжување на сите досега отворени истраги. Наспротив тоа, опозицијата смета дека СЈО во иднина треба да биде само одделение во рамки на редовното обвинителството, бараат да се прекинат сите истраги отворени по 30 јуни 2017 бидејќи се отворени по истекот на рокот од 18 месеци предвидени за отворање на истраги и обвиненија.

Опозицијата излез од состогната гледаат само преку предвремени избори, а не дијалог за отворените прашања. Лидерот на ВМРО ДПМНЕ вели доколку годинава избори не се можни,  според него, април звучи симпатично за одржување на избори.  Избори напролет догодина прифатливи се и за владиниот коалиционер ДУИ.

СДСМ и Заев, пак, се дека избори годинава би го загрозиле евроинтеграцискиот процес и сметаат дека освен очекуваното членснтво во НАТО во декмеври и датумот за преговори во октомври, треба да се остави простор и за да се почувствуваат ефектите од владините економски мерки.

Мицкоски разликите меѓу власта и опозицијата ги оцени како дијамттлано спотивствани и покрај обидите на работните групи да ги доближат.. Дали ова може да се надмине во скоро време или ќе биде вовед во нови политички турбуленции, останува да видиме во следниот период..

САД го ратификуваше Протоколот за членство на Македонија во НАТО (ВИДЕО)

Сенатот на САД вечерва со 91 глас за и 2 против ,го изгласа протоколот за членство на Македонија во НАТО.

Претседателот Стево Пендаровски им се заблагодари на САД и напиша дека стратешкото партнерство продолжува.

-Благодарност до САД за ратификацијата на Протоколот за нашето членство во #НАТО во Сенатот. Стратешкото партнерство САД-Северна Македонија продолжува во Алијансата придонесувајќи за глобалната стабилност и безбедност. #WEARENATO, напиша Пендаровски.

Уште четири земји остануваат да го ратификуваат Протоколот за земајва  и официјално да стане членка на НАТО.

Тодор Петров и Мухамед Халили во „Само вистина“

Вечерва во „Само вистина“ гости беа Тодор Петров и Мухамед Халили.

Тезата дека со недобивањето на датумот за преговори може да се дестабилизира Балканот не држи вели потпретседателот на „Европското движење“  Мухамед Халили во вечерашното издание на „Само вистина“. Неговиот соговорник Тодор Петров претседател на Светскиот Македонски Конгрес пак, верува дека постојат сили кои може да предизвикаат контролирана нестабилност за да покажат дека одлуката на Европската Унија е погрешна

- После сите случувања во Македонија недовербата на јавноста во политичарите е голема. Гласачите веќе нема да им веруваат ништо во пресрет на предвремените избори, оцени потпретседателот на „Европското движење“  Мухамед Халили во вечерашното издание на „Само вистина“. Неговиот соговорник Тодор Петров претседател на Светскиот Македонски Конгрес пак смета дека политичарите ќе манипулираат со јавноста дека Европската Унија стои позади актуелната Влада за да заврши процесот на евроинтеграции

- Ние се залажуваме ако мислиме дека земјата само треба да ги исполни реформите затоа што почетокот на преговори со ЕУ е и политичка одлука, рече потпретседателот на „Европското движење“  Мухамед Халили во вечерашното издание на „Само вистина“. Неговиот соговорник Тодор Петров претседател на Светскиот Македонски Конгрес пак, не ја разбира еуфоријата во јавноста дека недобивањето на датум за преговори е прашање да се биде или не  

Погледнете ја целосно вечерашната емисија „Само вистина“ овде.

Брнс: Ратификацијата е резултат на напорна работа и посветеност кон вложување во иднината

Американската амбасадорка Кејт Брнс ја поздрави ратификацијата на пристапниот протоколот на Северна Македонија во НАТО од страна на Сенатот на САД, оценувајќи ја како резултат на напорна работа и посветеност кон вложување во иднината.

– Многу задоволна поради огромната поддршка на Сенатот во ратификацијата на пристапниот протоколот на Северна Македонија во НАТО од страна на САД. Тоа е резултат на напорна работа и посветеност кон вложување во иднината. Со нетрпение очекувам продолжување на развојот и зајакнување на партнерството меѓу нашите две земји, порача на Твитер американската амбасадорка Брнс.

Сенатот на Соединетите американски држави денеска со 91 глас „за" и два „не" го изгласа  пристапниот протокол за влез на Северна Македонија во НАТО.

притисни ентер