Уставниот суд мора да прави баланс и да ја враќа хармонијата на правниот систем - Канал 5

Македонија

Уставниот суд мора да прави баланс и да ја враќа хармонијата на правниот систем

 Уставниот суд е една од најнереформираните институции во Република Макеоднија.

Уставниот суд мора да прави баланс и да ја враќа хармонијата на правниот систем

Тој мора да се постави како орган, што ќе обезбедува заштита и ќе ги промовира човековите права и уставните вредности, односно ќе прави баланс и ќе ја враќа хармонијата на правниот систем преку усогласување во рамките на уставниот систем.

Тоа беше порачано на денешната работна сесија за „Реформите во Уставниот суд поврзани со Поглавјето 23" на третата работна група од Националната конвенција за Европската унија во Република Македонија.

Според министерката за правда Рената Дескоска, секогаш дури и лошата правна рамка може да биде пренабрегната со добра практика и со добра волја, односно доколку во Уставниот суд имаме луѓе со интегритет и професионален капацитет да ја исполнат несовршената правна рамка со одреден дух на почитување на Уставот.

– Уставната рамка со која се поставени основите на уставното судство или со која е главно регулирана, бидејќи ние немаме Закон за Уставен суд не е идеална и често пати се покажа како непрецизна и ограничувачка. Свеж ни е примерот од 2016 година кога Уставниот суд во период од три месеци донесе две сосема спротивни одлуки што се однесуваа на идентично прашање, изјави Десковска.

Посочи дека предизвик пред Уставниот суд во Република Македонија е тој да се постави како орган што со своето практикување ќе биде баланс на она што значи политичка власт, извршна или законодавна. Посочи дека имаме еден тип на квази уставна тужба, каде Уставниот суд штити само неколку човекови права.

– Во другите земји за разлика од Македонија се штитат основните човекови права, значи поголем корпус на човекови права, додека се лимитираат предлагачите и иницијаторите на постапка за проценка на уставност и законитост. Во Република Македонија имате спротивен парадокс. Имате ситуација кога секој може да покрене постапка за оценка на уставност и законитост, но поединецот има многу мал круг на права што може да ги заштити пред Уставниот суд, изјави Десковска.

За улогата на Уставниот суд на Република Македонија во судските реформи спроведени како дел од процесот на интеграцијата во Европската унија, во рамки на денешната четвртата сесија на третата работна група на НКЕУ-МК учествуваа повеќе експерти од земјата, меѓу кои директорката на Академијата на судии и обвинители Наташа Габер-Дамјановска и професорката по уставно право Гордана Силјановска и кандидатот за уставен судија на Република Словачка, Радослав Прохаска, кој го сподели своето искуство од овој процес и укажа на виталните преговарачки прашања од Поглавјето 23.

Според професорката по уставно право, Гордана Силјановска, Уставниот суд е една од најнереформираните институции во Република Македонија и она што е најпознато е неговото хронично прогласување за ненадлежност.

– Општ заклучок е дека тој потонал во конфорт, изолација, во апстиненција од покренување иницијативи во однос на нужните реформи за статусот, надлежноста, актите, имунитетот и така натаму. Ако на ова го додадеме и отсуството на јавни расправи, тогаш се работи за еден затворен, нетранспарентен орган, што повеќе е уставен декор, па дури понекогаш со чинење и нечинење соучесник во прекршувањето на Уставот и законите, а требало да биде чуварот, а со тоа фактор на демократијата, изјави Силјановска.

Според директорката на Академијата на судии и обвинители Наташа Габер-Дамјановска, реформата на Уставниот суд мора да предвидува проширување на корпусот на слободи и права заштитени преку Уставот, односно да се изврши проширување на уставната тужба.

– Компарирано со наши колеги од сите бивши републики на Југославија единстевно Република Македонија има ваква ограничена уставна тужба. Сите други имаат проширена уставна тужба. Според практичниот исход досега не може да се третира како ефикасен правен лек постапувањето на Уставниот суд. Тоа го гледаме во овој опсег на предмети кои минале од Уставниот суд, каде имаме предмети во кои Европскиот суд за човекови права констатирал дека нашиот суд не постапил правилно и тоа се прашања во слободата на изразување и некои прашања на дискриминација, изјави Габер-Дамјановска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Тејлор Свифт не беше на доделувањето на „Еми“, се дружеше со Том Круз во ВИП ложата (ФОТО)

Тејлор Свифт се врати на трибините на Канзас Сити Чифс. 

Тејлор Свифт не беше на доделувањето на „Еми“, се дружеше со Том Круз во ВИП ложата (ФОТО)

Пејачката ги прескокна Еми наградите во понеделникот вечерта (14 септември) за да го бодри сопругот Тревис Келче во неговиот прв натпревар од сезоната и прв по нивната јулска венчавка, а беше видена како разговара со Том Круз во ВИП-ложата.

36-годишната Свифт и ѕвездата на „Невозможна мисија“ (64) присуствуваа на натпреварот на „Шајфс“ против Денвер Бронкос на стадионот „Ароухед“ во Канзас Сити, пренесува „Пејџ Сикс“.

Наместо на Еми, таа беше на натпревар

Иако таа не присуствуваше на Еми, Свифт се појави во претходно снимен скеч со Мариска Харгитај таа вечер. Во скечот, екипата на серијата Law and Order: Victims Unit се пошегува на прашањето дали пејачката ќе се појави на наградите.

На стадионот Свифт носеше црвено-бела поло маица, косата ѝ беше пуштена и брановидна, а присутен беше и нејзиниот препознатлив црвен кармин. Круз се појави во црна јакна.

Пејачката стана редовна на игрите на Чифс откако почна да се забавува со Келце во летото 2023 година. Таа присуствуваше на многу од нивните игри, а во февруари 2024 година во Лас Вегас ја прослави победата на Чифс над Сан Франциско 49ерс на Супер Боул.

Минатата сезона, сепак, таа се појавуваше многу поретко на стадионот. Сезоната започна веднаш откако таа и Келце се верија во август 2025 година.

Се венчаа пред илјада гости

Свифт и Келче се венчаа на 3 јули во Медисон Сквер Гарден во Њујорк пред илјада гости. Меѓу гостите беа Селена Гомез, Карли Клос, Џиџи Хадид, Бредли Купер, Ема Стоун, Мариска Харгитај, Пол Руд, Ед Ширан и Сабрина Карпентер, како и соиграчите на Келче и тренерот Енди Рид.

Свифт прошета по патеката во венчаница од високата мода на Диор, а церемонијата ја водеше актерот Адам Сендлер. Нејзиниот брат Остин Свифт ја играше улогата на нејзиниот кум, додека кум на Тревис беше неговиот постар брат Џејсон Келче.

Свадбата личеше на филмски сет

Извор изјави за Page Six дека церемонијата се одржала во еден вид замок изграден во Медисон Сквер Гарден. Гостите беа пречекани од станици за храна, карневалски игри и барови со три специјални коктели наречени „The Gym Teacher“, „The English Teacher“ и „The T&T“.

Истиот извор потврди дека венчавката ја снимиле неколку камери. „Имаше видеографи насекаде, па замислувам дека ќе објават дел од тоа во одреден момент“, рече изворот. „Се надевам дека ќе направат специјален Netflix или нешто слично бидејќи искуството е едноставно неописливо. Се чувствувавте како да сте на филмски сет“.

По венчавката, Свифт и Келче продолжија да ги балансираат многуте работни обврски и да се прилагодуваат на брачниот живот. Извор минатиот месец изјави дека и двајцата уживаат во својот нов статус. „Двајцата сè уште светат кога се нарекуваат маж и жена и има нешто навистина возбудливо и посебно во тоа“, рече тој.

Во меѓувреме, парот доби куче по име Венди, а тие се уште одлучуваа каде ќе биде нивниот постојан дом. Изворот додаде дека тие се „неверојатно среќни што влегуваат во ова ново поглавје од нивниот заеднички живот“.

Тагови: Тејлор Свифт Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Протест во Истанбул- уапсени се над 150 луѓе поради поддршка на ЛГБТ заедницата (ВИДЕО)

Турската полиција приведе најмалку 150 лица откако интервенираше во протестот пред судот во Чаглајан во Истанбул. 

Протест во Истанбул- уапсени се над 150 луѓе поради поддршка на ЛГБТ заедницата (ВИДЕО)

Собраните сакаа да го изразат своето незадоволство од неодамнешните апсења насочени против ЛГБТ+ активисти. Апсењата се најновиот чекор во она што организациите за човекови права и опозициските политичари го нарекуваат сè поширока кампања против ЛГБТ+ заедницата, како дел од која властите спроведоа рации, блокираа веб-страници и затворија осомничени во неколку провинции во изминатата недела, пишува Ројтерс.

Групата се собра за да даде изјава за медиумите, но полицијата ги спречи да го сторат тоа пред судот. Додека траеше полициската интервенција, демонстрантите скандираа: „Живеев живот и покрај омразата“. Протестот следеше по обемните рации против ЛГБТ+ здруженијата во неколку турски провинции. Владата ја оправдува операцијата, наречена „Моето семејство е безбедно“, со заштита на децата и семејните вредности.

Во текот на викендот, властите приведоа најмалку 26 лица во Истанбул и 21 во Анкара и ги претресоа канцелариите на неколку ЛГБТ+ здруженија. Вчера, турскиот суд одреди притвор за 16 лица во западната провинција Измир, објави локалното обвинителство.

Министерот за правда Акин Гурлек во неделата изјави дека истрагите, координирани од обвинителствата во Истанбул, Анкара, Измир, Ајдин и Мерсин, вклучуваат 162 осомничени, девет здруженија и 13 компании во 15 провинции.

Властите, исто така, го блокираа пристапот до веб-страниците и профилите на социјалните медиуми на разни ЛГБТК+ здруженија, поединци и независни медиуми, вклучувајќи го и профилот X на турското поглавје на Амнести Интернешнл.

Реакција на Советот на Европа

Комесарот за човекови права на Советот на Европа, Мајкл О'Флаерти, изрази загриженост за апсењата, рациите и ограничувањата на интернет насочени против ЛГБТК+ граѓанското општество и активистите.

Тој рече дека самото повикување на семејните вредности или заштитата на децата не може да се користи како оправдување за ограничување на човековите права. О'Флаерти повика на ослободување на сите оние кои се притворени поради нивната работа во граѓанското општество или човековите права.

Тагови: Истанбул ЛГБТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Кавга пред стадион прерасна во пукотница пред деца- застрелан е маж, жена е удрена со пиштол

37-годишен маж е уапсен по пукањето на стадионот Понтијак во кое беа повредени две лица. Инцидентот се случил во недела за време на младински спортски настан.

Кавга пред стадион прерасна во пукотница пред деца- застрелан е маж, жена е удрена со пиштол

Полицијата била повикана на стадионот Виснер околу 13 часот и пронашла 19-годишен маж со прострелна рана во задникот. Тој бил однесен во болница, но повредите не биле опасни по живот и бил пуштен набргу потоа.

Другото повредено лице е 27-годишна жена која им кажала на полицајците дека била погодена со пиштол по главата за време на расправијата.

Според полицијата, пукотницата започнала по вербална расправија меѓу двајцата мажи која ескалирала во физичка пресметка, а потоа и во пукање. Сè уште не е познато што ја предизвикало пресметката. Сведоците го идентификувале осомничениот, а полицијата брзо го пронашла и го уапсила.

Кај него бил пронајден наполнет пиштол од 9 мм, за кој имал важечка дозвола за носење и бил регистриран. На местото на настанот била пронајдена и чаура од куршум.

Градоначалникот на Понтијак, Мајк Мекгинис, потврдил дека нема повредени деца, но натпреварите на стадионот се откажани.

„Младите спортисти и нивните семејства не направија ништо за да го заслужат ова ново трауматско сеќавање“, рече градоначалникот.

Тагови: пукотница стадион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер