Дворот на клинички центар и понатаму е депонија

Клинички не се дави само во ѓубре, туку и во големи долгови.

 Дури 33 милиони денари изнесува долгот кон јавното претпријатие „Комунална хигиена“ по основ на празнење на контејнерите и собирање на отпадот.

Но и покрај ова, претпријатието излегувало и понатаму ќе излегува во пресрет за чистење на внатрешниот простор - иако тоа не е нивна надлежност, вели директорот Шабани.

Сепак, своеволните акции не се доволни. Вели, ова е системски проблем кој треба да го реши само Клинички.

.„Таму треба да се чисти секој ден. Ние можеме да имаме акции еднаш неделно или месечно, меѓутоа не е наша обврска.Имаме и еден друг проблем, односно спор во кој што Клинички центар на нас како претпријатие ни должи над 30 милиони денари, меѓутоа ние пак ако е потребно ќе излеземе во пресрет, вели Абдусамед Шабани, директор на ЈП „Комунална хигиена“ “

„Клинички центар е надлежен за решавање на овој проблем, мора да се преземат одредени мерки Клиничкиот центар да го реши проблемот. Ние како Град Скопје и Комунална хигиена секогаш ќе помагаме, но тоа нема да го реши проблемот.“ изјави Мирослав Богдановски, раководител на Инспекторат на Град Скопје.

Министерот за здравство Венко Филипче денеска изјави дека причина за проблемот со ѓубрето во дворот на Клинички е тоа што изминатите години од едно на друго место биле префрлани ингеренциите од Службата за заеднички работи на Министерството.

„Ние сме во преговори да изнајдеме начин со кој што ингеренциите ќе ги преземе службата за Комунална хигиена. Не сакаме да распишуваме тендери и повторно тоа да го прават приватни компании, кога можат парите да одат во јавните претпријатија.“ - изјави министерот изјави министерот за здравство, Венко Филипче.

И додека се бара начин за справување со нехигиената во овој здравствен комплекс, пациентите страдаат бидејќи буквално се шета и седи меѓу ѓубре. Кантите за отпадоци се полни до врв, миризбата е неподнослива.

„Канал 5 и денеска во обиколка на Клиничкиот центар, но ја затекнавме токму истата слика. Расфрлана хартија, пластични шишиња и остатоци од храна буквално оставени на сите страни.“

Пред неколку дена од Министерството за здравство за Канал 5 потврдија дека е предвидено секоја клиника од своите сметки да плаќа за одржување на хигиената на Клинички. Сепак, неизвесно е како ќе се изведе ова бидејќи директорите на клиниките сметаат дека овој трошок би бил само дополнителен товар.

Силјановска: Ќе се залагам за намалување на претседателските ингеренции

Викендов е избран првиот учесник во шестата по ред претседателска трка.

Тоа е универзитетската професорка Гордана Силјановска Давкова која со 408 гласови од делегатите  на саботната конвенција беше избрана за кандидат за претседател од ВМРО ДПМНЕ, оставајќи го далеку зад себе Владимир Ѓорчев кој освои само 80 гласа.

Силјановска порача дека ќе бара широка општествена поддршка вклучително и од СДСМ бидејќи е надпартиски кандидат.

Меѓу другото рече дека ќе се залага за намалување на претседателските ингеренции.

Дескоска :Министерство за правда се уште е без одговор за екстрадицијата на Грујевски и Бошковски

Министерството за правда на Грција се уште е без одговор на барањата за екстрадиција на Горан Грујевски и Никола Бошковски.

Министерството за правда на Грција се уште е без одговор на барањата за екстрадиција на Горан Грујевски и Никола Бошковски, што се клуч во судскиот процес, вели за порталот Етнос.гр, министерката за правда, рената Дескоска од Солун, по учеството на првиот „Thessaloniki Regional Forum“.

-Неколку пати, официјално го испративме нашето барање до министерството за правда на Грција, но не добивме никаков одговор од грчкиот министер. Последен пат кога испративме документ беше минатиот ноември, а се очекува одново да го поставиме прашањето до грчките власти. Двајцата се клуч за судскиот процес на Груевски, вели Дескоска за грчкиот медиум

Во мај минатата година, врховниот суд на Грција, повикувајќи се на амнестијата од претседателот Иванов, го одби барањето на македонските власти за екстрадиција на Горан Грујевски и Никола Бошковски.

Патнички воз излета од пруга кај Лакавица, нема повредени

Патничкиот воз кој сообраќа на линијата Кичево-Скопје изутринава удрил во карпа која најверојатно паднала на шините во близина на селата Лакавица и Падалишта гостиварско.

Повредени нема, но има материјална штета и во прекин е сообраќајот на тој дел од пругата.

Во полициската станица Гостивар утрово, во 6,45 било пријавено дека патничкиот воз кој тргнал од кичево удрил во карпа на потегот помеѓу селата Лакавица и Падалишта. Од ударот композицијата излетала од шините.

По пријавувањето на местото на настанот е упатена екипа за увид, кој треба да започне наскоро.

Согласно со стандардната процедура, со помошен воз треба да се врати гарнитурата на шините по што ќе се утврди оштетувањето на пругата.

притисни ентер