Иванов инаугуриран по втор пат за претседател на Македонија

Новоизбраниот претседател на Република Македонија Ѓорге Иванов денеска даде свечена изјава во Собранието, со што и официјално го стартуваше вториот 5 - годишен мандат. Иванов повика да се надминат тесно - партиските и личните интереси и опозицијата да остане доследна на демократските принципи и вредности. Тој им се заблагодари на граѓаните кои придонеле, да се одржат мирни, фер и демократски избори. Иванов повика на единство и вети дека ќе биде претседател на сите граѓани. Веднаш по свечената инаугурација во претседателската вила на Водно, Иванов организираше прием на кои беа поканети и граѓани.

Ѓорге Иванов се заколна дека ќе ги почитува Уставот и законите и од денеска го започна својот втор претседателски мандат . Иванов рече - бев и ќе останам претседател на сите граѓани независно од тоа за кого гласале, ќе бидам гласот на граѓаните.

„Од избраните сега се бара посветеност и одговорна работа, сериозност и промисленост за интересите на граѓаните за повисок животен стандард, подобра иднина“, рече Иванов.

На инаугурацијата не дојде опозициската коалиција на СДСМ. Иванов рече дека е загрижен што некои опозициски партии го доведуваат во прашање мандатот на избраните. Шефот на државата повика да се надминат тесно - партиските интереси и опозицијата да остане доследна на демократските принципи и вредности.

„Уставот врз кој се заколнав ме обврзува да ја гарантирам унитарноста на државата. Да бидам претседател на една единствена неделива, суверена, самостојна, демократска Македонија“, рече Иванов.

Во собраниската сала инаку на инаугурацијата не присуствуваше ниту Демократската унија за интеграција .

„Остануваме доследни на нашиот европски и евроатлански пат. Но очекуваме и НАТО и Европската унија да останат доследни на своите принципи, мир демократија, човекови права и правото на самоидентификација“, рече Иванов.

Иванов најави дека секоја негова надворешнополитичка активност ќе имала и економска димензија.

Десетици повредени во Кан во паника поради лажна пукотница (ВИДЕО)

Најмалку 43 лица се повредени поради паника по лажните гласини за пукотници во Кан на Азурниот брег во Франција, а дел од повредените завршија во болницата.

Видеото што се појави на социјалните мрежи покажува дека луѓето бегаат и се кријат низ градот во паника и полицијата патролира, објави порталот „Еуроњуз“.

Ниеден од повредените не е во критична состојба.

Српска водителка не се збуни и покрај големата бубачка на вратот (ВИДЕО)

На социјалните мрежи се шири видео од водителката на српската Прва ТВ, Роксанда Бабиќ, на кое се гледа дека таа остана потполно мирна, иако огромна бубачка и шеташе по вратот и маицата.

Роксанда на објавите е пофалена од многумина за нејзиниот професионализам за време на програмата во живо, во ситуација кога многумина би изгубиле концентрација и можеби дури и би станале хистерични.

Иако бубачката не се смири ниту за момент и одеше од вратот до нејзината маица, презентерката не трепна.

Некои се убедени дека таа не знаела што се случува, додека други тврдат дека е професионалец.

Германските власти : Се сомневаме во руската вакцина

Германското Министерство за здравство изрази сомнеж во „квалитетот, ефикасноста и безбедноста“ на вакцината против ковид - 19, што ја објави рускиот претседател Владимир Путин.

„Нема познати податоци за квалитетотот, ефикасноста и безбедноста на руската вакцина“, изјави неименуван портпарол на германското министерство, додавајќи дека „безбедноста на пациентите е еден од приоритетите“ во Европската Унија (ЕУ).

Рускиот претседател Владимир Путин објави дека првата вакцина во светот против ковид 19 е регистрирана денес во Русија.

Сепак, Русија сè уште не објавила детали за резултатите од тестот за вакцинирање за да ја потврди нејзината ефикасност.

Светската здравствена организација (СЗО) денеска претпазливо реагираше на вестите од Русија дека е произведена вакцина против коронавирус, потсетувајќи дека се неопходни строги процедури за одобрување на каква било вакцина.

„Ние сме во близок контакт со Русите и разговорите продолжуваат. Предквалификацијата на секоја вакцина мора да помине низ строги процедури“, изјави портпаролот на СЗО, Тарик Јашаревиќ, пред новинарите кога го прашаа за вестите од Русија за „првата вакцина“ против коронавирусот.

Портпаролот изјави дека претквалификацијата вклучува преглед и проценка на сите потребни податоци за безбедноста и ефикасноста на вакцината, собрани во клиничките испитувања. Јашаревиќ додаде дека постапката е иста за „секој кандидат за вакцина“.

притисни ентер