Аврамопулус моли Обама да го прими Самарас

И за прашањето за името, меѓу другото разговарале Аврамопулос и Кери, на првата официјална средба на грчки функционер со колега од новата американска администрација во Брисел на маргините на министерскиот состанок на НАТО.
Детали околу средбата не се соопштуваат. Но, според најавите и според информациите на Канал 5, кусата средба ги опфатила сите прашања поврзани со грчката надворешна политика. Грчките медиуми, претходно споменуваа дека Аврамопулос, преку Кери ќе се обиде да му договори средба на Самарас со Обама.

Грчкиот премиер на почетокот на јуни ќе замине за Вашингтон на годишната конференција на Американскиот еврејски комитет, па токму затоа, сака да го искористи патувањето во САД и да обезбеди покана за посета на Белата куќа од американскиот претседател. Присуството на Самарас на конференцијата е веќе објавено на сајтот на комитетот. Но, не е исклучена можноста грчкиот премиер  да го посети и седиштето на ООН за да се сретне со генералниот секретар Бан Ки Мун. Но сега за сега, официјална потврда ниту најава нема.

На грчката страна не и се допаѓа фактот што американскиот државен секретар ја посети 2 пати Анкара, а не дојде во Атина, нешто што е спротивно на досегашната традиција. Токму затоа, според медиумите, денешната средба на Аврамопулос со Кери иако куса е сепак важна за Грција.

И синоќешниот немил настан во Сирија, киднапирањето на двајцата христијански митрополити во Алепо, најверојатно бил на агендата разговори. Аврамопулос кратко пред почетокот на самитот на министри за надворешни работи на НАТО во Брисел, рече дека  ситуацијата во Сирија се влошува, а меѓународната заедница ќе направи се што е потребно да стави крај на драмата што ја живее сирискиот народ.

Пенс: Судбината на Либија е суровата реалност која го чека Пјонгјанг

Американскиот потпретседател Мајк Пенс ја предупреди Северна Кореја дека би можела да ја искуси судбината на Либија, доколку не биде постигнат договор за севернокорејската нуклеарна програма.

„Овие денови имаше многу разговори за кризата во Либија. Во тој контекст, како што и американскиот претседател Доналд Трамп јасно изјави, Северна Кореја би можела да заврши исто како Либија, доколку Ким Јонг Ун не се согласи на договор“ – изјави Пенс во интервју за „Фокс њуз“.

На прашањето дали е тоа закана кон севернокорејскиот режим, Пенс изјавил дека тоа е и “многу повеќе од суровата реалност која го очекува Пјонгјанг“.

Советникот за национална безбедност во Белата куќа, Џон Болтон минатата недела изјави дека Вашингтон не сака да го повтори сценариото од Либија, кога поранешниот американски претседател Џорџ Буш потпиша договор за нуклеарната програма на Либија во 2003 година, а подоцна со интервенција беше срушен режимот на Муамер Гадафи.

Актуелниот претседател на САД, Трамп изјави дека не сака либискиот модел да го примени во Северна Кореја, но дека за тоа би можело да се расправа доколку не биде постигнат договор.

Властите на Северна Кореја негодувале после изјавите на Болтон и Трамп, а последните изјави на Пенс би можеле додатно да предизвикаат реакции од Пјонгјанг.

Трамп би требало на 12 јуни да се состане со севернокорејскиот лидер Ким Јонг Ун во Сенегал.

Се продлабочуваат недоразбирањата меѓу Техеран и Вашингтон

Иранскиот претседател Хасан Рохани  потврди дека Техеран не прифаќа соединетите американски држави да носат одлуки за него.

Неговата реакција следи  откако американскиот државен секретар Мајк Помпео постави услови до Иран и објави построги санкции врз таа земја. „светот денес не прифаќа сад да решаваат за него.

Земјите имаат своја независност“, рече Рохани, прашувајќи: „кои сте вие да решавате за Иран и за светот?“.

Помпео претходно информира  дека Вашингтон ќе воведе најстроги санкции во историјата и оти тие ќе стануваат се потешки се додека иранскиот режим не го „смени курсот“. Пред две недели американскиот претседател Доналд Трамп изјави дека Вашингтон се повлекува од нуклеарната спогодба со Иран.

Во Марсеј вооружена група пукала на минувачи

Неколку маскирани напаѓачи  синоќа започнале да пукаат  со „калашников“ во Марсеј, на југот од Франција. Засега со сигурност се знае дека  едно лице е повредено.

Напаѓачите отвориле оган од три возила врз група млади луѓе што се наоѓале во близина на култниот центар „Лабусеран“, јавија локалните медиуми.

Дошло и до размена на оган со припадниците на полицијата, која го блокирала тој дел од градот.

Нема информации за уапсени, а на местото на пукањето се наоѓаат пожарникари и екипи на брзата помош.

Се верува дека нападот не бил од терористички карактер.

притисни ентер