Апокалиптични сцени од Атина, градот е под огнена опсада (ВИДЕО) - Канал 5

Балкан

Апокалиптични сцени од Атина, градот е под огнена опсада (ВИДЕО)

Никој од патниците на летот за Атина не бил подготвен за глетката на големи облаци чад предизвикани од пожарот што се крева од двете страни на авионот што се спуштал кон атинскиот аеродром, пишува Гардијан.

Апокалиптични сцени од Атина, градот е под огнена опсада (ВИДЕО)

Веста за екстремните температури што ја зафатија Грција се прошири надвор од нејзините граници. Температурите соборија рекорди што малкумина можеле да ги замислат. Ако понеделникот беше лош, вторникот беше уште полош. Во некои делови на земјата, живата достигнала 47 Целзиусови степени, а термичките камери на дроновите во центарот на Атина снимиле температура на земјата од 55 степени, пишува Гардијан.

YouTube video

До среда можело да се слушне дека цели делови од приградските шуми на северниот раб на грчката престолнина биле изгорени. Пеколот достоен за поемата на Данте изгоре се` на својот пат; луѓето ги загубија своите домови; илјадници граѓани и туристи се евакуирани додека се обидувале да избегаат од погодените области. Терасите на кои Атињаните се одмораат од големата жештина се претворени во забранети зони полни со пепел.

"Тука владее лудило. Поради екстремната жештина и пожарите, се` изгледа апокалиптично. Пепел паѓа врз нас во Атина", напиша Елени Миривили, која неодамна била назначена за прв главен службеник за пожари во Атина. Во меѓувреме, армијата морала да им помогне на пожарникарите.

Гледано од височина, градот е под опсада, фатен во циклус на неподнослива топлина што ги пали пожарите на теренот толку суви, што се подготвени да се запалат во секој момент.

Пожарите, некои големи, некои мали, некои изгаснати, а потоа повторно запалени, беснеат низ целата земја, изјави за новинарите шефот на грчката цивилна заштита Никос Хардалијас. Условите не само што се крајно опасни, туку и без преседан, рече Хардалиас, проценувајќи дека пожарникарите кои се обидуваат да ги заштитат населените области, електрични инсталации и историски локалитети изгаснале 154 пожари во текот на неделата. Во саботата се` уште беснееа повеќе од 60 пожари.

YouTube video

"Во последните неколку дена се соочивме со невидена ситуација во нашата земја, во интензитет и распространетост на шумските пожари и новите избувнувања низ цела Грција. Ве уверувам дека сите расположливи сили учествуваат во борбата", рече Хардалијас.

Поради облакот од чад толку густ што властите ги повикаа граѓаните да носат маски на отворено и да ги затворат прозорците во своите домови, земјите, вклучително и Велика Британија, викендов дојдоа на помош, испраќајќи авиони, пожарникари и возила во Атина.

Иако температурите се намалија по 11 дена над 40 Целзиусови степени, ветровите се засилија во петокот, разнесувајќи нови жаришта во и околу градот. До саботата, голем пожар што беснееше низ шумите и куќите кон езерото Маратон, главниот резервоар за вода во градот, напредувал по падините на планината Парнита, околу националниот парк, кој се смета за последно значајно зелено белодробно крило на Атина и испраќа уште погуст чад низ Атика.

Досега се идентификувани два смртни случаи поврзани со пожарите. Едната жртва е доброволен пожарникар, а другата Константинос Михалос, шеф на Стопанската и индустриска комора на Атина, кој бил пронајден мртов откако брзал кон својата фабрика додека разорниот пожар напредувал кон Крионера, предградие во североисточна Атина.

Грчкиот премиер Кирјакос Мицотакис рече дека климатските промени се виновни за температурите што „ја претворија земјата во буре барут“ и предизвикаа пеколни моменти опишани како најлоши во последните децении.

Атина е најтоплата метропола во континентална Европа, а метеоролозите предвидуваат дека просечните годишни температури низ Медитеранот ќе се зголемат за два Целзиусови степени во следните 30 години. Но, среде страшните природни катастрофи, минатата недела се појавија извонредни приказни за храброст.

Соочен со можноста неговиот дом во Тракомакедон во подножјето на планината Парнит да биде уништен од пожар ноќеска во 3 часот наутро, Александрос Ризос одлучил да остане и да го брани својот имот. Неговата сопруга и детето биле евакуирани на безбедно место, а 55-годишниот деловен советник застанал на покривот на двокатната зграда, наводнувајќи ја градината во пресрет на пожарот.

"Многу сум приврзан за оваа куќа. Се криев кога пристигна наредбата за евакуација и кога избувна пожарот. Пристигна како тајфун. Стоев многу исплашено, но исто така ги презедов сите мерки. Ја исчистив градината. Тајфунот траеше околу четири минути, но тревата и врвовите на дрвјата беа доволно влажни што огнот не можеше да ги зафати “, вели Ризос, страстен маратонец, раскажувајќи ја драмата што се случила по четири непроспиени ноќи.

Пристигнувањето на пожарникарите неколку минути подоцна и неговите херојски напори го спасиле целиот кварт да не стане пепел.

Како и многу други, Ризос верува дека климатската опасност само ќе се влоши: „Ние сме еколози, ја сакаме природата во моето семејство и сакаме да ја заштитиме животната средина, а не да инсталираме климатизери што ќе ја уништат. Но, со температури од 45 степени, тоа ќе биде тешко. Мораме да се прилагодиме. Сигурно ќе ги заменам боровите со други дрвја, кои не горат така лесно ".

Миривили се плаши од последиците од уништувањето на толку многу шуми околу Атина. Парнита е центар на биодиверзитетот и дом на некои од најбогатите флора и фауна во Европа.

"Овие планини околу Атина се нашиот столб на животот. Направивме голем чекор назад. Исчезна витален дел од нашата зелена инфраструктура. Бидејќи сите овие дрвја ги нема, во годините што доаѓаат ќе се соочиме со нови климатски услови и ќе имаме повисоки температури и најверојатно поплави во Атина.“, заклучи Миривили за Гардијан.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер