Американскиот милијардер ги критикуваше припадниците на генерацијата „Зед“ (Z) - Канал 5

Живот

Американскиот милијардер ги критикуваше припадниците на генерацијата „Зед“ (Z)

Американски милијардер за новите генерации: „Презафатени се со Тикток за да би изградиле своја кариера“!

Американскиот милијардер ги критикуваше припадниците на генерацијата „Зед“ (Z)

Американскиот милијардер Џон Кациматидис во интервју за Дејли Меил ги критикуваше припадниците на генерацијата „Зед“ (Z), кои, како што вели, се „премногу зафатени со Tикток за да би започнале своја кариера“.

YouTube video

Кој е Џон Кациматидис?

74-годишниот милијардер е извршен директор и сопственик на њујоршкиот синџир маркети „Гристедес Фудс“ (Gristedes Foods), поседува компанија за недвижнини и авиокомпанија. Магазинот Форбс неговото богатство го процени на 4,1 милијарда долари, а првиот милион го заработил на само 24 години.

Милијардерот во едно интервју откри дека кога бил помлад, работел и до 70 часа неделно откако мајка му го „избркала“ од каучот и покрај тоа што цело лето сакал „само да спие и да гледа телевизија“.

Почнал да работи во локалната продавница, каде што стекнал чувство на одговорност и склоност кон перфекционизам, што го смета за основа на неговиот успех. Тој продолжил да студира на универзитет во Њујорк, но се откажал и покрај тоа што бил на чекор до дипломата бидејќи сакал да биде косопственик во неговиот прв супермаркет и да почне да го гради своето богатство.

За т.н. „Зед“ генерација

„Еден од проблемите што ги имаме во нашата земја деновиве е тоа што децата се зафатени со Tикток“, изјави тој, опишувајќи ги оние што работат три дена во неделата како „неуспешни“.

Интервјуто поттикна дискусија за генерациските разлики на социјалните мрежи.

Некои коментираа дека оваа генерација е мрзлива и дека „сака сè на тацна“, додека други возвратија дека нивните приоритети едноставно се разликуваат од оние на претходните генерации и дека живеат во сосема различни економски услови од оние во кои израснале припадниците на постарите генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер