Александра ја доживеала најтешката судбина – ја пронашла ќерката мртва: „Бев среќна мајка и жена. Никогаш не очекував такво нешто да ми се случи“ - Канал 5

Македонија

Александра ја доживеала најтешката судбина – ја пронашла ќерката мртва: „Бев среќна мајка и жена. Никогаш не очекував такво нешто да ми се случи“

Вчера во емисијата „Беткаст“ со Елизабета Дамјаноска Спасеновска гостуваше Александра Карафиловска, а се работеше за приказна што ја потресе цела Македонија.

Александра Каранфиловска

Aлександра ја отвори душата во нашиот подкаст и низ солзи раскажа каква трагедија ја снајде нејзината фамилија и објасни како се носи со тоа низ животот — може да се каже, со најтешката болка — загубата на дете.

Александра Кранфиловска важи за успешна жена во бизнисот, но и за храбра, бидејќи и ден денес го пребродува најтешкиот удар во животот. Во 2016 година се соочила со незамислива трагедија кога нејзината ќерка, Стефанија Брзанова, починала на само 20 години.

„ Како што те гледаат наставничките, така те гледаат и децата“

– Булингот е огромен проблем во Македонија, а родителите се плашат да зборуваат за тоа јавно. Јас сум човек што не се плаши од ништо, затоа зборувам отворено, и затоа ја напишав и книгата – почна таа, па продолжи да зборува за својата ќерка.

Раскажа дека нејзината ќерка Стефи била многу талентирана и повлечена, но уште на шест години знаела да свири гитара и пијано „по слух“. Кога тргнала во прво одделение, Александра сфатила во какво опкружување ја праќа, откако чула што ѝ кажале наставничките.

– Имав 24 години кога Стефи тргна во прво. Како родител, не можев да се справам со тие „аждаи“ од наставнички. Наставничките од Пулевски ми рекоа дека моето дете не е доволно интелигентно за во училиште. Таму започнува целата приказна – започна својата исповед.

Додава дека и нејзиниот сопруг интервенирал и им рекол на наставничките дека не смееле да дадат таква проценка, бидејќи не се стручни. Иако девојчето сликало и имала уметничка страна, ја ставиле во последна клупа, што психички ја повредило, никој не сакал со неа да јаде.

– Како што те гледаат наставничките, така те гледаат и децата. Тоа секогаш сум го велела – додаде Карафиловска.

Секој ден одела во училиште и гледала што ѝ се случува на детето. Тврди дека вознемирувањето траело од прво до четврто одделение. Била многу млада мајка во споредба со другите родители, а кога се присети на тие моменти од училиштето – се расплака.

– Крвнички ја малтретираа децата, доаѓаше боса дома. Ѝ ги кинеле книгите, а колку што јас повеќе одев таму, толку повеќе се зголемуваше насилството. Дури во шесто одделение решив да ја префрлам во друго училиште, но децата од старата школа ѝ ја скршија раката. Наставникот ми кажа дека едвај ја извлекол – раскажа таа.

Во новото училиште било прекрасно, како Стефани да „запеала“ таму, се видело дека ужива. Но, по извесно време, повторно започнало вознемирување.

– Сакав да ја запишам во едно средното училиште, слушнав дека директорот е прекрасен и се бори за децата. Не знаев дали ќе ја примат, но таа сакаше да оди таму во музичното. Немав никакви врски, ја проценија и рекоа дека ќе стигне далеку. Кога го видов списокот, видов дека е примена – раскажа таа.

Мислела дека во музичко учат деца од уметнички семејства, но сфатила дека најмногу има деца на професорите. Се трудела да ја следи ќерката, но со промена на професори настанала нестабилност.

– Го теравме до трета година, а потоа татко ми се разболе од рак и не можевме да интервенцираме. Тогаш се разведов. Знаете како е – кога дома имате проблеми, а и со детето се мачите… – продолжи таа, додавајќи дека имало луѓе кои ѝ барале мито за да ја „погураат“ ќерка ѝ.

„Кога излегов надвор, ја видов како лежи на земја“

Ја префрлала ќерката во повеќе училишта додека не успеала да го намали вознемирувањето. Сè детално опишала и во својата книга. Тврди дека во музичкото немало булинг од наставници, туку од соло пејачи кои ја гледале како конкуренција.

– Три години се борев со тоа. Татко ми почина, се разведов од мажот што го сакав и со кого поминав 24 години. Никогаш не ја удри нашата деца, заедно се боревме за нив, имаме заедничка винарија, а јас имам и свој салон – продолжи таа, па почна да зборува за кобната вечер.

– Ја водев кај тројца психијатри, не знам веќе колку пари дадов. Стефи почна да пие алкохол, состојбата се влоши. После неколку месеци аплицираше за работа на брод, и ја доби – тоа беше прекрасно за неа, ја подигна. Не земаше лекови ниту алкохол, но депресијата е лавиринт од кој тешко се излегува – раскажува Карафиловска и тврди дека последните шест месеци била одлична.

– Беше 8 Март кога излезе со другарки. Тоа беше кобната вечер. Многу се опи, влезе во такси и не се врати. Не сакам детално да зборувам, но ќе кажам дека она што го направи Стефи беше без дрога и без алкохол – сето тоа ѝ се наталожило од претходната вечер. Не го очекував тоа од неа, а кога излегов надвор, ја видов како лежи на земја. Бев свесна, сите портали беа таму. Отиде по запалка – и не се врати. Бев среќна мајка и жена. Никогаш не очекував такво нешто да ми се случи – изјави таа.

Понатаму во разговорот призна дека и самата била жртва на булинг по самоубиството на ќерка ѝ, бидејќи пишувале сите медиуми, а добивала и навредливи коментари на социјалните мрежи.

– На погребот дојдоа луѓе што не беа ни поканети, коментираа дека сум имала црвен лак на ноктите тој ден. Немав време да мислам за тоа, ниту да го тргнам. После тоа шест месеци не излегов од дома, пропаднав финансиски, никој не ми подаде рака. Дваесет портали дневно пишуваа за мојата приказна – заврши таа.

Тврди дека не била депресивна, туку само тажна. Вели и дека поради лековите добила многу килограми, но ѝ помогнало тоа што пишувала книги – и тие книги сè уште се читаат, иако по објавувањето нејзината книга имала 40 пријави. Успеала да се издигне од сè и решила да го продолжи својот живот, а целиот подкаст со Александра Кранфиловска можете да го погледнете на нашиот Јутјуб канал.

YouTube video

Тагови: Александра Карафиловска Беткаст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ѕвездата од „Baywatch“ ужива на хрватскиот брег, се пофали со фотографии

Американската манекенка и актерка Брукс Надер ја искористи паузата од снимањето на новиот „Baywatch“ за да се одмори на хрватскиот брег, а моментално ужива во Дубровник.

Ѕвездата од „Baywatch“ ужива на хрватскиот брег, се пофали со фотографии

Иако не ја откри директно локацијата на Инстаграм, од објавените фотографии е јасно дека е во градот, каде што посвети посебно внимание на улиците на Дубровник.

Фотографиите што ги сподели го покажуваат нејзиното разгледување на историскиот центар на градот, а дополнително внимание привлече и снимката од луксузното патување што го направи во Хрватска.

Надер пристигна во Дубровник со јахта, а на социјалните мрежи ја покажа внатрешноста на бродот и погледот на морето со утринското будење.

Засега не е познато каде ќе го продолжи своето патување.

Која е Брукс Надер?

Брукс Надер е американска манекенка, ријалити ѕвезда и телевизиска личност родена во Луизијана. Таа стана позната на пошироката јавност откако победи на натпреварот „Sports Illustrated Swimsuit Search“, а набргу потоа почна редовно да се појавува во едно од најпознатите светски спортски модни публикации.

Со текот на годините, таа го изгради статусот на еден од најпрепознатливите американски модели од новата генерација, а покрај нејзината манекенска кариера, се појавува и во телевизиски проекти и ријалити формати кои го следат нејзиниот приватен и професионален живот.

Главната улога во новиот „Baywatch“

Брукс Надер ја доби една од главните улоги во новото продолжение на серијата „Baywatch“ што ја подготвува Фокс, чија премиера се очекува во сезоната 2026/2027.

Во серијата, таа го игра ликот на Селена, командантката на спасувачката екипа на плажата Зума, а проектот е замислен како модерно оживување на култната телевизиска серија што ги карактеризираше деведесеттите години.

Извор: Индекс.хр

Тагови: Baywatch Брукс Надер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Парагвајската навивачка Марисол Олмедо случајно ги покажа градите додека славеше победа (ВИДЕО)

Откако Парагвај сензационално ја елиминираше Германија од Светското првенство во осминафиналето, една од нивните навивачки се најде во центарот на вниманието.

Парагвајската навивачка Марисол Олмедо случајно ги покажа градите додека славеше победа (ВИДЕО)

Додека четирикратните светски шампиони ги пакуваа куферите, огнената Парагвајка Марисол Олмедо доживеа мал моден испад кој брзо стана вирален.

Јужноамериканскиот тим го шокираше тимот на Јулијан Нагелсман по подобро изведување на пенали. Решавачкиот момент дојде кога Хозе Канале ја погоди мрежата, што предизвика експлозија од ентузијазам на трибините. Меѓу најгласните беше Марисол, која веќе привлече внимание со својот атрактивен изглед.

Прослава што привлече внимание

Марисол го гледаше натпреварот во тесно боди што ја истакнуваше нејзината фигура. Во возбудата од славењето по победничкиот пенал, таа скокна во воздух, а во момент на еуфорија, се случи мала несреќа со нејзината облека.

Иако брзо се обиде да реагира и да ја прикрие ситуацијата, камерите и мобилните телефони на навивачите го забележаа моментот. Тоа не ја спречи да продолжи да ја слави големата победа на нејзиниот тим.

Реакции на социјалните мрежи

@marisololmedo_oficial Esto es históricoooooo😭😭😍😍🇵🇾🇵🇾🇵🇾 #lamadrina #paraguay #mundial #paraguayvsalemania #albirroja ♬ sonido original - La Madrina🖤💛

Видеото од нејзината прослава брзо стана вирално на интернет, со коментари од обожаватели. „Не мрдај ги рацете, дозволи радоста да тече“, се пошегува еден корисник. Друг напиша: „Честитки за тебе, убавице, и на целиот Парагвај!“ Трет додаде: „Нека девојките слават“, додека четврти рече: „Пушти ги!“ Нејзината прослава продолжи на улиците на главниот град Асунсион, каде што го развеа парагвајското знаме.

Лојален обожавател и нова интернет ѕвезда

Се чини дека откако гледаше неколку натпревари во Соединетите Американски Држави, Марисол се врати во својата татковина за нокаут фазите од натпреварувањето. Овој инцидент сигурно нема да ја поколеба нејзината самодоверба, бидејќи претходно беше позната по своите впечатливи облеки на трибините. На еден од натпреварите, таа носеше топ и многу кратки шорцеви кои го привлекоа вниманието на гледачите.

@marisololmedo_oficial

Ya estamos viviendo la previa 🇵🇾

♬ sonido original - La Madrina🖤💛

„Не можам да преболам колку си убава, секогаш изгледаш неверојатно“, ја пофали еден следбеник. Друг шегувајќи се забележа: „Победивме благодарение на тебе!“ Марисол стекна армија нови обожаватели следејќи ја својата репрезентација. „Те следам насекаде, мој Парагвај... Навивањето за Ла Албироха на Светското првенство е најдоброто искуство во мојот живот“, рече таа. „Многу сум среќна што луѓето надвор од Парагвај знаат за мене. Обожавам да бидам тоа што сум. Работев напорно за да стигнам до таму каде што сум денес!“

Тагови: градите Парагвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху: Израел нема да се повлече од јужен Либан сè додека Хезболах е закана

Нетанјаху во понеделник ја посети либанската територија окупирана од израелската армија, велејќи им на војниците дека Израел нема да се повлече од југот на земјата сè додека Хезболах претставува закана.

Нетанјаху: Израел нема да се повлече од јужен Либан сè додека Хезболах е закана

Израелскиот премиер Бенјамин Нетанјаху во понеделник ја посети либанската територија окупирана од израелската армија, велејќи им на војниците дека Израел нема да се повлече од југот на земјата сè додека Хезболах, групата поддржана од Иран, претставува закана.

Ова беше прва посета на Нетанјаху на окупираната либанска територија откако израелската и либанската влада постигнаа договор за безбедност со посредство на САД минатиот петок, со кој Израел ќе ги предаде двете окупирани области на либанската армија.

„Инсистираме дека нема да го напуштиме јужен Либан сè додека заканата не се отстрани“, им рече Нетанјаху на војниците, осврнувајќи се на Хезболах, според соопштението објавено од неговата канцеларија. „И сè додека Хезболах продолжува да дејствува тука, да биде вооружен и да ни се заканува, ние ќе останеме тука“, рече тој.

На Нетанјаху, кој последен пат јавно ја посети окупираната либанска територија во април, му се придружија министерот за одбрана Израел Кац и високи воени функционери. Според договорот за безбедност поддржан од САД, израелските сили треба да се повлечат од двете „пилот зони“ и да им дозволат на либанските вооружени сили да ја преземат контролата врз тие области.

Израелската армија создаде „тампон зона“

Не се објавени дополнителни детали за тоа како проектот ќе функционира во пракса. Израел го нападна Либан откако Хезболах започна напади врз својот јужен сосед на 2 март како одговор на американско-израелскиот напад врз Иран на 28 февруари. Така, војната се прошири во регионот во кој загинаа илјадници луѓе, главно во Иран и Либан, но и во Заливот и Израел.

Израелската армија создаде „тампон зона“ широка околу 10 км по целата израелска граница. Израелските власти велат дека зоната е потребна за да се заштитат израелските заедници на северот од земјата од нападите на Хезболах.

Армијата ги принудува локалните либански жители да ги напуштат своите домови и врши напади врз села, уништувајќи многу згради. Армијата вели дека уништува инфраструктура што ја користи Хезболах, вклучително и подземни тунели.

Повеќе од еден милион Либанци се раселени

Повеќе од 4.000 Либанци се убиени, а повеќе од еден милион се раселени во израелската кампања во Либан од март. Хезболах уби најмалку 32 израелски војници и четворица израелски цивили, повеќето од нив во јужен Либан.

Нетанјаху им кажа на израелските трупи во понеделник дека Хезболах сè уште има околу 12.000 ракети и проектили во својот арсенал и дека израелската војска убила 9.000 милитанти во Либан. Тој не кажа во кој период, но се чини дека се осврнува на бројот убиени од 2 март, објави Ројтерс.

Израел се спротивставува на поврзувањето на војната во Либан со војната со Иран

Хезболах не објавува бројки за своите воени жртви. Ројтерс објави на 4 мај дека неколку илјади борци на Хезболах се убиени во војната. Иран постојано бараше прекин на огнот во Либан како дел од разговорите со САД за прекин на војната што започна во февруари.

Израел, кој не е директно вклучен во разговорите, се спротивставува на поврзувањето на војната во Либан со војната со Иран. Под притисок од САД, Израел се согласи на прекин на огнот со Хезболах на 19 јуни, иако насилството продолжува. Хезболах постојано се спротивставуваше на преговорите меѓу Израел и Либан, во кои не е дел.

Извор: Индекс.хр

Тагови: Бенјамин Нетанјаху

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер