Абас: Газа, Западниот Брег и Источен Ерусалим се палестинска територија - Канал 5

Свет

Абас: Газа, Западниот Брег и Источен Ерусалим се палестинска територија

Претседателот на Палестинската управа Махмуд Абас категорично ги отфрли повиците на САД за преземање контрола врз Појасот Газа и раселување на неговите жители во соседните земји.

Абас: Газа, Западниот Брег и Источен Ерусалим се палестинска територија

- Нема да дозволиме никакво нарушување на правата на нашиот народ, за кои се бориме со децении и за кои сме платиле огромна цена, изјави Абас.

Тој нагласи дека палестинските права не се предмет на преговори и повтори дека единственото решение кое може да донесе стабилност во регионот е решението за две држави, со границите од 1967 година.

- Овие повици претставуваат сериозно кршење на меѓународното право. Мир и стабилност во регионот нема да има без формирање независна палестинска држава со Ерусалим како главен град, во границите од 4 јуни 1967 година, истакна Абас, додавајќи дека палестинскиот народ нема да се откаже од својата земја, права и „свети места“.

Абас потенцираше дека Појасот Газа е составен дел на „Палестинската држава, заедно со Западниот Брег и Источен Ерусалим, кои се под окупација од 1967 година“.

- Палестинската ослободителна организација е единствениот легитимен претставник на палестинскиот народ и независен носител на одлуки. Никој нема право да одлучува за иднината на нашиот народ во наше име, предупреди Абас.

Тој изрази благодарност за „цврстите и непоколебливи позиции“ на арапските земји против раселувањето и анексијата, како и за нивната поддршка за независна палестинска држава со Ерусалим како главен град – што, според него, е основен предуслов за постигнување мир во регионот во согласност со меѓународните резолуции и Арапската мировна иницијатива.

Абас повика генералниот секретар на ОН, Антонио Гутереш, и Советот за безбедност да преземат одговорност и да усвојат итни мерки за заштита на договорените меѓународни резолуции, како и за заштита на палестинскиот народ и неговите неотуѓиви права, вклучително и правото на самоопределување и останување во својата татковина.

- Палестинскиот народ и неговото раководство остануваат посветени на меѓународниот легитимитет и Арапската мировна иницијатива, која предвидува создавање на независна и суверена палестинска држава на територијата на Појасот Газа и Западниот Брег, вклучително и Источен Ерусалим како нејзина вечна престолнина, заклучи Абас.

Претходно, американскиот претседател Доналд Трамп, на заедничка прес-конференција со израелскиот премиер Бенјамин Нетанјаху, изјави дека САД ќе ја „преземат“ контролата врз Појасот Газа и ја претстави својата визија за оваа територија како „Ривиера на Блискиот Исток“.

Трамп најави дека САД ќе бидат одговорни за отстранување на неексплодирани бомби и оружје, како и за обнова на уништените објекти. Тој не ја исклучи можноста за распоредување американски трупи за обезбедување безбедност, нагласувајќи дека Вашингтон ќе преземе сè што е потребно за стабилизација на регионот.

Американскиот претседател уште еднаш го повтори својот предлог за трајно раселување на палестинското население, посочувајќи дека тие би можеле да се преселат во арапски земји како Јордан и Египет, бидејќи, според него, Газа во моментов е „само урнатина“. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 7. ноември 2026 година

Дневен хороскоп за сабота, 7. ноември 2026 година. 

Дневен хороскоп за 7. ноември 2026 година

Шкорпија 24.10-22.11.

Љубов

Откако се ви стана јасно , повторно запаѓате во преодна фаза на депресија и размислувања за смисолот на љубовта.

Кариера

Или вие ќе бидете премногу попустливи кон надредените или тие така ќе се постават кон вас.

Здравје и совет

Неизбалансираност на крвната слика.

Стрелец 23.11.-21.12.

Љубов

Она што можеби ве измачуваше, денеска ќе знаете да го искажете со многу чувства и искреност.

Кариера

Создадени се условите за една нова деловна соработка со соработници кои не се од истото место каде што работите.

Здравје и совет

Ќе бидете поспани.

Јарец 22.12.-20.1.

Љубов

Вашето семејстов како да ве окупира за себе , па денеска немате многу време за партнерот. Организирајте се.

Кариера

На дневен ред ќе се најде мала анализа за една заостаната работа . Се друго што се однесува на работата , се одвива во ред.

Здравје и совет

Контролирајте го количеството храна што го внесувате.

Водолија 21.1.-19.2.

Љубов

Со саканата личност ќе се обидете да изведете нешто ново во сексот. И на двајцата ќе ви биде мило за тоа.

Кариера

Ќе се уверите сдека вложувачите се сосема подготвени за да ги прифатат вашите идеи. Внимавајте само во целиот процес да не бидете насилни.

Здравје и совет

Бидете тактични.

Риби 20.2.- 20.3.

Љубов

Веројатно е дека вашата сакана личност ќе бара многу внимание. Прифатете го тоа како реалност.Посветете и се.

Кариера

Сега конечно се ви е јасно во врска со една деловна соработка и работите се подготвени за дас е склучи договор.

Здравје и совет

Остварете се што ќе замислите .

Овен 21.3-20.4.

Љубов

Ќе ги дефинирате своите љубовни очекувања.Ќе се обидете да бидете доследни и покрај искушенијата.

Кариера

Конечно ќе сфатите како да заработите повеќе пари , а се појавува и добра можност за тоа да го остварите.

Здравје и совет

Можна е преодна несоница.

Бик 21.4- 20.5.

Љубов

Денеска лесно ќе воспоставувате контакти , а и денот е добар за тоа. Ако сте сами , излезете на кафе.

Кариера

Ќе размислувате дали да смените еден метод во работењето или пак да го смените целиот процес. И тука ги ширите контактите.

Здравје и совет

Излезете меѓу луѓе.

Близнаци 21.5.-21.6.

Љубов

Некои ќе го фаќаат последниот воз за да се додворувата на една личност која исклучително им е драга.

Кариера

По мало надмудрување со спонзорите , ќе успеете да постигнете каков- таков договор.

Здравје и совет

Некои работи веќе ја губат смислата.

Рак 22.6-22.7.

Љубов

Добро ќе ја разберетње саканата личност и сега се обидувате да играте според правилата што сте ги поставиле. Добро е.

Кариера

Работите си одат по својот тек и добро е. Денеска занимавајте се со мали поттици со кои ќе ја пофобрите работата.

Здравје и совет

Посилни сте од повеќето.

Лав 23.7-22.8.

Љубов

Вашата врска добро функционира , а денеска ќе мора да изреагирате на една работа , што ќе ви одземе дел од времето што сте планирале да го минете со саканата личност.

Кариера

Состојбата е зрела за вашето напредување на работното место , па оваа шанса ќе ја искористите на најдобар можен начин.

Здравје и совет

Мала главоболка или тага.

Девица 23.8.-23.9.

Љубов

Денешниот ден најверојатно многу ќе ве насочи кон домот и семејството. Нешто тука би можело да созрее.

Кариера

Ќе се чувствувате распнати меѓу две опции , а ниту една нема да ви изгледа добро. Поминете преку тоа и имајте трпение.

Здравје и совет

Наскоро се ќе биде појасно.

Вага 24.9.-23.10

Љубов

Ќе имате силна фантазија , така што без проблем ќа ја надвладеете секоја празнина во личните односи.

Кариера

Ќе ви се јават соработници од странство со интересен предлог за кој ќе треба да размислите сериозно.

Здравје и совет

Она што го немате, ќе го измислите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер