88- годишен Босанец стана светска сензација: Јас сум најстариот падобранец во Европа (ВИДЕО)

Ибрахим Калесиќ од Тузла е жив доказ дека годините се само бројка.

На 88 години тој се уште скока со падобран, а целта му е да продолжи со тоа уште десет години.

„Се чувствувам одлично, ментално сум одморен и уживам во одлично друштво“, изјавил Калесиќ за време на Parachuting Challenge во Бихаќ, каде што скокнал од авион по 1487-ми пат. Тој вели дека најголема желба му е да добие свој падобран: „Јас сум пензионер без можност да купам падобран и би сакал да го имам за да можам да ги тренирам моите ученици кои потоа би ме замениле на натпреварите во скокови.“

Најстариот активен падобранец во Европа се занимава со овој екстремен спорт веќе 70 години, а во 1963 година станал југословенски рекордер скокајќи од височина од 5.500 метри. Вториот рекорд во кариерата во скокање со падобран го соборил кога заедно со уште пет колеги скокнал на мета висока само половина метар.

Калесиќ, кој вежба по 15 минути секој ден, својата добра форма ја припишува на добрата исхрана и чистата совест: „Падобранството е екстремен спорт и бара концентрација. За да бидеш добро концентриран, мора добро да спиеш, а за да спиеш добро , мора да имате јасна свест дека никој не сте навредиле или повредиле, а потоа можете да спиете без кошмари и да можете да скокате“.

Овој витален пензионер неодамна започнал со параглајдерство, а не планира наскоро да се откаже од екстремните спортови: „Сакам да го продолжам ова уште 10 години за да влезам во Гинисовата книга на рекорди како падобранец од Босна и Херцеговина. "

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер