Британскиот коментатор на Скај Спортс Дејвид Крофт се најде на удар на критики на јавноста поради непримерната шега на сметка на светската музичка ѕвезда Џенифер Лопез.

„Жешката“ латиноамериканка со својот изглед ги засени сите присутни на трката за Големата награда на Саудиска Арабија во Формула 1 во Џеда.

55-годишната Џеј Ло во тесен, розов комбинезон во стилот на Барби предизвикуваше воздишки додека се шеташе низ боксовите и разговараше со шефот на Ф1, Стефано Доменикали и застана до гаражата на Ферари. Додека Џеј Ло позираше пред фотографите, Крофт коментираше:

„Изненаден сум што сега е тука – мислев дека ја чека вечерва“.

Потоа додаде:

Фановите на Џенифер Лопез ќе разберат“.

Крофт алудираше на нејзиниот хит од 1999 година „Waiting for Tonight“. Сепак, многумина ја оценија оваа шега како сексистичка и непримерна.

Реакциите на социјалните мрежи беа различни. Некои корисници изразија незадоволство, сметајќи дека коментарот е несоодветен, додека други го бранеа Крофт, посочувајќи дека тоа е безопасно повикување на популарна песна.

И покрај контроверзите, Џенифер Лопез продолжи со својот настап на концертот по трката, воодушевувајќи ја публиката со својот настап.

Од партијата велат извинувањето на Љутков не е доволно, Владата намерно ги понижува културните работници, па наместо со зголемени велат за празниците останаа без плата.

„ Од мартовската плата требаше да започне корекција на примањата во согласност со потпишаниот колективен договор. Наместо тоа, културните работници беа игнорирани и дискредитирани со манипулативни изјави од самото Министерство – дека не работеле доволно, дека не ја заслужуваат платата, дека платите биле „високи“.“- СДСМ.

На обвинувањата експресно одговорија од владејачката ВМРО ДПМНЕ. Велат партијата која ја претвори културата во партиска каса и платформа за криминал денес глуми загриженост, обвинуваат дека СДСМ нема кредибилитет за зборува за достоинството на културните работници. Извинувањето според ВМРО ДПМНЕ кое го направил Љутков било коректен гест кој јасно ја покажувал разликата во пристапот.

-За разлика од времето на СДС, кога грубите навреди и дисквалификации врз уметници и институции беа секојдневие, денес имаме отчетност, одговорност и сериозен однос.-ВМРО ДПМНЕ.

Вчера министерот Љутков преку социјалните мрежи им се извини на сите вработени во културата, а причина за доценњето на платите рече дека бил доглогодишен нерешен проблем со усголасувањето на платите што според него секоја година создавало огромни проблеми.

-Ве уверувам дека оваа постпка која се одвиваше деновиве има за цел да создаде основа за подобро, поправедно и достоинствено вреднување на нашата работа во идинина – напиша Љутков и најави дека по празниците вработените ќе ги добијат своите плати.

И покрај сите очекувања, Арсенал оваа сезона стигна до полуфиналето на Лигата на шампионите, а во четврт-финалето го исфрли Реал Мадрид - и тоа со убедлив триумф во двомечот од 5:1.

Еден од хероите на тимот од Лондон, Деклан Рајс изјави дека целта на Арсенал е да ја освои Лигата на шампионите оваа сезона. „Ова беше исклучителна ноќ за нашиот клуб, историска ноќ. Имаме цел во ова натпреварување, а тоа е да ја освоиме Лигата на шампионите“, рече Рајс.

Англичанецот потоа ги пофали соиграчите. „Бевме навистина полни со самодоверба и верба дека можеме да дојдеме овде и да победиме. Тоа што го имавме во нашите глави го спроведеме во пракса“, изјави Рајс и додаде: „Имав чувство дека напредуваме, ова е навистина неверојатно. Завршивме неверојатна работа досега во ЛШ. Имаме верба во себе, му веруваме на тренерот без резерва, тој е неверојатен. Полуфиналето е голема работа за нас и сакаме само да уживаме во се“.