„Се уште патуваат“ кривичните пријави што ги најави и лично Министерот за внатрешни работи Панче Тошковски за насилството за кои има и снимки, а се случи пред неколку дена во парк во скопски Аеродром врз девојче на кое му се удираат шлаканици, додека набјудувачи навиваат. Досега, се извршени разговори со инволвираните малолетници и родителите во полициска станица.

Дали се само декларативни изјавите на надлежните дека „вакви грозоморни насилства нема да се толерираат“ како прашање го наметнува уште еден случај со грозоморно насилство врз 14-годишното момче кое се случи пред десетина дена. Детето било седум пати избодено со нож во Ченто.

Од МВР не кажаа зошто и за овој случај не е поднесена кривична, а мајката на жртвата Џељана Селими, во изјава за Канал 5 вели дека бара правда откако нејзиното дете, полицијата го води случајот како да е насилство, а не како обид за убиство, иако напаѓачите биле возрасни, а според кажувањата, со себе имале и калашников.

Од Обвинителството од каде потврдија дека и за овој случај немаат пријава од МВР, сепак појаснуваат дека јавен обвинител е оној кој на крајот ќе ја дефинира квалификацијата за делото без разлика што е наведено од МВР.

Во меѓувреме, се уште нема пресуда за еден од најпознатите случаите со врсничко насилство кој предизвика силна реакција и во јавноста што се случи пред околу три месеци во Ѓорче кога насилнички малтретираа девојче, гасеа цигара од нејзе и ја понишуваа терајќи ја да јаде измет. Од Кривичниот суд, каде се води истражната постапка за Канал 5 велат дека процедурата се уште не е завршена и е во тек. Во меѓувреме има мерки за претпазливост за малолетничките за кои јавноста не смее да знае кои се, бидејќи од судот велат оти според Законот за правда на деца не се дозволува споделување на детални информации.

За пријавите против родителите на децата кои тепале, а се сомничат за запуштање и малтретирање на дете, од Обвинителството велат дека се уште се прибираат докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.