Жителите на Неапол од балконите спуштаат кошници со храна

Жителите на Неапол смислиле начин за да им помогнат на своите сиромашни сограѓани а да не го загрозат своето или нивното здравје - со спуштање на корпи со храна од балконите.

Анџело Пиконе ја спушта плетената корпа со јаже, потпирајќи се на оградата на балконот полн со растенија.

„Ако можете, додадете нешто. Ако не можете, набавете нешто“, им извикува Пиконе, неаполски уличен уметник, на случајните минувачи.

Неговата едноставна порака е почитувана  во време кога земјата се обидува да ги нахрани најсиромашните среде страшната пандемија.

Во Неапол, Ковид-19 однесе повеќе од 200 животи, додека во Италија бројката надмина 16.000 за само еден месец.

Вирусот ја погоди економијата на медитеранската земја и милиони луѓе ги загубија своите работни места.

Ова е причината зошто спуштањето „корпи за солидарност“ во кои што има од леб и банани до млеко, лименки и топли оброци - се чини уште поважно.

„Ова е посебен знак на солидарност“, објаснува Пиконе, додавајќи дека корпите „гарантираат анонимност“.

Пикон на шега раскажува како бил инспириран од градскиот лекар, кој им помагал на сиромашните во првата половина на минатиот век.

Според локалната легенда, д-р Џузепе Москати на пациентите им подарувал кошница на крајот на прегледот. Тие не морале да му платат, туку да дадат колку што можеле.

Тој остана познат како доктор на сиромашните и бил канонизиран од Католичката црква во 1987 година.

„Среќни сме што има чувство да си помагаме едни на други во Неапол“, истакнува Џенаро, уличен уметник како Пиконе.

„Неапол е град многу погоден со страдања“, вели градоначалникот Луиџи де Магстрисо.

Статистиката на Европската унија од 2018 година покажува дека градот со население од 2,2 милиони е 40 проценти под ризик од сиромаштија.

Една студија на Обединетите нации открила дека третина од Наполитанците на возраст меѓу 15 и 29 години се невработени.

Досега, околу 35,000 Наполитанци побарале помош од храна преку програмата за помош на коронавирус, започната во март.

притисни ентер