Македонија

Жерновски: Три силни потврди од ЕУ, Кошта и Вајц, разобличена е секоја лага на Мицкоски-реформи нема!

Македонската јавност имаше можност од највисоко европско ниво да добие три важни и целосни потврди за она што го зборувавме како партија со месеци наназад, а кое беше демантирано од страна на владејачката ВМРО.

Прво, претседателот на Европскиот совет, Антонио Кошта, јасно порача дека уставните измени се единствениот услов за формално отворање на преговорите со Европската Унија. Сакам ова да биде сосема јасно. Тука веќе треба да престане секоја дилема, дебата и манипулација околу ова прашање.

Второ, вчера Комитетот за надворешни работи на Европскиот парламент го усвои извештајот на Томас Вајц за Македонија. За жал, повторно добивме потврда за она што го зборувавме со месеци наназад. Во извештајот се констатира, цитирам, дека нема напредок од последниот извештај. Тоа значи дека една година, односно 365 дена, се изгубени без да бидат спроведени суштински реформи во нашата држава. Се констатира недоволен напредок во реформите, особено во областа на владеењето на правото, реформите во правосудството и борбата против корупцијата.

Трето, Комитетот во извештајот ги посочува манипулациите и дезинформациите преку, цитирам, „странско непријателско мешање и кампањи за дезинформации“. Тоа е токму она што СДСМ го зборуваше со месеци наназад – дека постои поврзаност меѓу ВМРО и СНС на Вучиќ и нивните заеднички кампањи. Сега, она што го зборувавме како опозиција добива потврда од Брисел.

Почитувани,

Со Христијан Мицкоски и со ВМРО нема иднина за Македонија, нема перспектива за Македонија и нема подобар животен стандард за нашите граѓани. Тоа веќе е сосема јасно.

Мицкоски и неговата влада воопшто немаат намера да спроведат реформи во правосудството. Напротив, сведоци сме како тој преку медиумски настапи и преку собраниската говорница најавува истраги, најавува политички прогон и лично се меша во работата на обвинителството и судството. Сами можевме да го слушнеме како потврдува дека разговара со јавниот обвинител и му дава насоки како да постапува. Ете, тоа е состојбата во која денес живееме сите ние.

Сосема е јасно дека никогаш нема да ја видиме Европа со оваа криминална власт и со овие криминалци на власт.

Многу е важно да се споменат и дезинформациите и странското влијание како дел од овој антиевропски наратив што го води ВМРО-ДПМНЕ на чело со Мицкоски, а кој е преземен по рецепт на Вучиќ и СНС, сестринската партија на ВМРО.

Сето она што го зборувавме со месеци наназад за странското мешање и за дезинформациите што ја поткопуваат демократијата во нашата држава, веќе и официјално е потврдено од Брисел и од институциите на Европската Унија. Крајната цел е сосема јасна – да се води антиевропска кампања за да се спречи внесувањето на малцинствата во Уставот и со тоа да се спречи влезот на Македонија во Европската Унија.

Вицепремиерот Стоилковиќ, човек кој има директни врски со БИА и со „Ноќните волци“, јавно ја турка агендата и на Србија и на Русија. Во Куманово се организира поддршка за Вучиќ, без да слушнеме каков било коментар од власта или од Мицкоски. Тоа значи дека ова се прави со нивно премолчено одобрување и дека со молчењето всушност се поддржува ваквиот собир.

Сето тоа е дел од истата слика, а тоа е одржување на изолацијата и спречување на европскиот пат на нашата земја.

Дел од ова сценарио е и лажниот патриотизам на премиерот Мицкоски. Тој со својата пропаганда со месеци наназад шири лаги и нè убедува дека, ако треба, ќе јадеме корења, доколку се внесат малцинствата во Уставот, бидејќи наводно ќе биле загрозени македонскиот јазик, македонската култура и нашиот национален идентитет.

Чиста лага. Чиста манипулација.

Она што сакам денес јасно да го кажам е дека сите овие манипулации излегуваат на виделина. Веќе не може да се крие таа антидржавна и антимакедонска стратегија.

Тие, заедно со своите семејства, со бугарски пасоши и со деца со бугарски пасоши, патуваат со авиони кон летните дестинации, додека обичниот граѓанин чека по десет часа на граница, а потоа владата го убедува дека треба да јаде корења.

Почитувани,

Овде не станува збор за никаква заштита на македонскиот национален идентитет од страна на Мицкоски. Овде станува збор за заштита на неговата криминална моќ, односно на криминалната моќ на неговата група.

Впрочем, тоа е и целта на целата оваа кампања – да се спречи Македонија да влезе во Европската Унија, за да може без контрола и без одговорност да продолжат кражбите.

Затоа е и овој лажен патриотизам. Затоа служи оваа наводна борба против Бугарите. Се преправаат дека се борат против Бугарите, а имаат бугарски пасоши. Всушност, тие се борат против Европа и против европската иднина на нашата држава.

Антиевропската кампања на нивните медиумски поддржувачи и евроскептицизмот што го шират се спротивни на волјата на дури 77 проценти од граѓаните кои ја поддржуваат Европската Унија и кои јасно се изјаснуваат дека сакаат да живеат во европска Македонија.

Затоа, доста е со оваа пропаганда.

Пред Македонија се наоѓа историска шанса која или ќе ја искористиме или повторно ќе чекаме децении за да се вратиме на европскиот колосек.

Цената, за жал, ќе ја плати државата. Ќе ја платат граѓаните. Ќе ја платиме сите ние.

А токму тоа е она што го сака Мицкоски и неговата криминална група.

Затоа уште еднаш повикуваме: распишете референдум веднаш. Граѓаните нека одлучат дали сакаат изолација или сакаат да живеат во европска Македонија.

Реформи сега. Европа сега.

Благодарам, рече Андреј Жерновски – Секретар за меѓународна соработка на СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Астон Мартин го претстави првиот мотор за на патишта- цената му е астрономска (ФОТО)

Aston Martin е познат по своите луксузни спортски автомобили, но Британците сега сакаат да привлечат внимание кон две тркала.

Во соработка со производителот Brough Superior, тие го претставија моделот AMB 002 Roadster, нивниот прв мотор наменет за возење по јавни патишта. Изгледа точно како што би се очекувало од мотоцикл што го носи името Астон Мартин.

Претходните модели AMB 001 и AMB 001 Pro беа наменети исклучиво за патеката, додека новиот модел ја носи оваа соработка на патот за прв пат. Ќе бидат произведени само 300, а секој ќе биде рачно изработен.

Изгледа како Aston Martin на две тркала

Врска со автомобилите на британскиот бренд не е тешко да се забележи. Дизајнерското студио на Aston Martin не се задоволи само со поставување лого на туѓ мотоцикл, туку активно учествуваше во неговиот дизајн.

Резервоарот за гориво и страничните панели се направени од карбон, а голем дел од механиката е намерно оставена видлива.

На предната страна, има интерпретација на препознатливиот страничен детаљ на Aston Martin што се протега кон светлата, додека држачите за ретровизори се толку тенки што изгледаат како жица. Отворите на страните имаат двојна улога: тие се дизајнерски елемент, но во исто време внесуваат воздух во моторот.

На задната страна има уште повеќе автомобилски детали. Тесните фарови се инспирирани од моделите Vulcan, Valkyrie и Valhalla, а двата овални издувни цевки потсетуваат на оние од моделите Vanquish, DB12 S и DBX S. Дури и осветленото копче за стартување и рачно изработеното кожно седиште се наменети како врска со луксузните автомобили на брендот.

Титаниумската рамка тежи само пет килограми

AMB 002 не е само дизајнерски експеримент. Brough Superior разви за него сосема нов, водено ладен V2 мотор со волумен од 1083 cm³, кој произведува 130 КС и 110 Nm вртежен момент.

Целиот мотоцикл тежи само 190 килограми, а рамката е особено интересна. Изработен е од титаниум, изрендан од едно парче материјал и тежи само пет килограми.

За резервоарот за гориво и деловите од каросеријата е користен јаглерод, а распределбата на масата е точно 50:50.

Предната суспензија е исто така необична. Наместо класична телескопска вилушка, користи конструкција со двојни попречни краци според принципот на Фиор. Таквото решение ги одделува силите на управување и сопирање и го намалува спуштањето на предниот дел при силно сопирање.

Направен за патишта

И покрај егзотичните материјали и конструкција, AMB 002 не е тркачки мотоцикл со резервни светла и регистарски таблички.

Развиен е од самиот почеток за пат, така што положбата на возачот е релативно исправена, а производителите ветуваат комбинација од прецизност, агилност и стабилност при поголеми брзини. Но, малку е веројатно дека ќе го гледаме често на патиштата.

Производството е ограничено на само 300 примероци, а првите испораки се најавени за третиот квартал од 2027 година. Според порталот Motor1, почетната цена е 120.000 евра, без даноци и трошоци за испорака.

Не е тешко да се претпостави дека добар број примероци ќе завршат во климатизирани гаражи и приватни колекции. Штета, бидејќи AMB 002 изгледа како мотоцикл направен само за да ги натера луѓето да го бркаат по улицата.

Тагови: Астон Мартин мотор

Европа

Романија ниту од вториот обид не доби премиер

Политичката криза во Романија продолжува откако парламентот одби да му даде доверба на Зигфрид Муресан за формирање нова влада.

Муресан, член на Европскиот парламент, беше предложен од независниот претседател Никусор Дан како премиер. Отфрлањето на кандидатурата на Муресан ја продлабочува кризата на моќ што трае од распадот на владејачката коалиција во мај, пишува Политико.

Можноста за предвремени избори

Бидејќи ова е втор пат пратениците да го отфрлат кандидатот на претседателот, романскиот устав сега дозволува распишување предвремени избори. Претседателот Дан, сепак, сака да го избегне тоа сценарио. Тој се спротивставува на распуштањето на парламентот и на новите избори бидејќи, според анкетите, тие би можеле да ја зајакнат крајнодесничарската Алијанса за обединување на Романија (AUR). Наместо тоа, ги повикува политичките лидери да ги надминат своите разлики и да постигнат договор за формирање нова коалициска влада.

Повик за закажување состанок

Дан го изјави ова во пресрет на денешното гласање, за време на официјалната посета на Чешка. „Политичарите мора да се свртат кон луѓето што им го дадоа мандатот“, рече тој. „Со оглед на тоа што огромното мнозинство Романци велат дека оваа криза мора да заврши, се чини веројатно дека политичарите сепак ќе можат да постигнат договор.“

Тагови: Премиер Романија

Живот

Хари и Меган бесни на папараците: Ова е неприфатлив упад во приватноста на децата

Принцот Хари и Меган Маркл ги критикуваа меѓународните агенциски фотографи откако двајцата мажи наводно биле видени како го следат училиштето што го посетуваат нивните деца, принцот Арчи и принцезата Лилибет.

Војводата и војвотката од Сасекс го нарекоа дејствието „крајно неодговорно“.

Двајца мажи со ранци, за кои се верува дека се фотографи за европска новинска агенција, биле забележани од обезбедувањето и училишниот персонал. Тие се приближиле до објектот одделно, а подоцна биле видени заедно во бело комбе. Полицијата утврдила дека станува збор за изнајмено возило што го користат странски фотографи.

„Неприфатливо нарушување на приватноста на децата“

Портпаролот на Хари и Меган го осуди однесувањето на фотографот и го опиша како неприфатливо нарушување на приватноста на децата.

„Одлуката на фотографите да се однесуваат така во близина на училиштето е крајно неодговорно. Постои огромна разлика помеѓу легитимна медиумска работа и ситуација во која фотографите ја заобиколуваат оградата на училиштето, ѕиркаат внатре и ги следат децата во текот на денот“, се вели во официјалното соопштение.

View this post on Instagram

A post shared by Meghan, Duchess of Sussex (@meghan)

„Самото тоа што одредени европски папараци очигледно не ја почитуваат приватноста на децата во училиште е веќе загрижувачко. Сепак, таквото однесување во овие околности, и не долго по инцидентот во базата на RAF Ферфорд, покажува целосен недостаток на здрава проценка. Без оглед на тоа каков вид снимка се обиделе да направат, ова не беше само неприфатливо нарушување на приватноста на децата, туку и неодговорно и неодговорно дејство во близина на училиште.“

Проблем со осигурувањето и преместување во училиште

Инцидентот се случи кратко откако двојката се врати во Велика Британија. Поради безбедносни проблеми и густ сообраќај, Лилибет и Арчи беа преместени во ново, тајно училиште по само два дена настава. Беше објаснето дека продолженото патување до претходното училиште претставува премногу оптоварување за нивниот тим за обезбедување.

Во меѓувреме, Хари и Меган го чекаат исходот од прегледот на Министерството за внатрешни работи за нивната официјална безбедност. Прегледот беше започнат откако Лорд Чемберлен испрати писмо до владини и воени претставници во кое наведува дека Сасексите се „приватни граѓани“ и утврдува правила на однесување. Двојката одговори на писмото велејќи дека се „изненадени“ и дека би претпочитале да бидат третирани како „јавни личности“.

Нивната вооружена полициска заштита беше официјално повлечена во 2020 година, кога се повлекоа од кралските должности. Оттогаш, тие се потпираат на сопствено самостојно финансирано приватно обезбедување, за кое постојано се жалеа.

View this post on Instagram

A post shared by Meghan, Duchess of Sussex (@meghan)

Ултиматум до британската влада

Според новите извештаи, Сасексите издале ултиматум и најавиле дека повторно ќе го напуштат Обединетото Кралство ако владата одбие да им додели автоматска државно финансирана заштита. Овој потег предизвика широки критики, а коментаторот Ричард Еден изјави во подкастот „Палас Конфиденшл“ дека „се чувствува како уцена“. Тој предупреди дека враќањето на автоматската заштита би имало сериозни финансиски последици за даночните обврзници.

Тагови: Меган Маркл принц Хари