Заработи милиони на модната писта и стана мајка во шестата деценија - Канал 5

Шоу биз

Заработи милиони на модната писта и стана мајка во шестата деценија

 – Нејзиниот живот го следеа бројни скандали

Заработи милиони на модната писта и стана мајка во шестата деценија

Се проценува дека во текот на нејзината успешна кариера како модел заработила преку 80 милиони долари.

Британскиот супермодел Наоми Кембел (54) е една од најуспешните манекенки на сите времиња. Кариерата ја започна како девојче и на седумгодишна возраст се појави во спотот на Боб Марли за песната „Is This Love“.

Нејзината несекојдневна убавина на улиците во Лондон ја забележала Бет Болт, директорка на една од најголемите италијански модни агенции. Наоми имала само 15 години кога започнал нејзиниот вртоглав успех во светот на модата.

Поради нејзиниот грациозен óд, таа го доби прекарот Црниот Пантер, а во текот на кариерата имаше повеќе од 800 насловни страници на сите најголеми модни списанија и прошета по пистата на 1.500 ревии на најпознатите светски дизајнери. За време на нејзината кариера како модел, таа заработила богатство што се проценува на повеќе од 80 милиони долари.

Деца во шестата деценија

Освен по успешната кариера, Наоми е позната и по својот отворен карактер, па скандалите не ја заобиколуваа. Таа се најде во фокусот на вниманието кога со телефон ја гаѓаше својата поранешна асистентка, а таа, пак, ја тужеше за насилство. Кон крајот на деведесеттите години на минатиот век беше на клиника за одвикнување од дрога и алкохол.

Нејзиниот љубовен живот беше прилично турбулентен, а на списокот со нејзини љубовници беа принцот Алберт од Монако, Адам Клејтон, басистот на групата U2, боксерот Мајк Тајсон, холивудскиот актер Џерард Батлер, контроверзниот бизнисмен Флавио Бриаторе, рускиот тајкун Владислав Доронин и многу други.

Иако никогаш не се омажи, таа во 2021 г., доби ќерка во својата шеста деценија, а минатата година со помош на сурогат мајка доби син.

Во неодамнешно интервју за „Сандеј тајмс“ (Sunday Times), Наоми призна дека нема да дозволи нејзините деца да станат дел од модниот свет, особено не толку млади како кога таа ја започнала својата манекенска кариера.

- Не сум сигурна дека би дозволила ќерка ми да се фотографира за магазин на 15 години. Тоа е безмилосен свет. Мојата мајка се согласи да влезам во тој свет на многу млада возраст за да станам финансиски независна. Одлично е ако децата покажат квалитет, но моите деца не мора да се грижат за пари – рече таа, а пренесе порталот „SheKnows“.

Црниот Пантер, како што ја нарекуваат, го запрепасти светот кога на социјалните мрежи во мај 2021 година објави дека станала мајка за прв пат на 51-годишна возраст, а потоа во јуни 2023 година објави дека има син.

Наоми никогаш не објавува детали во врска со нејзините деца, па дури ни нивните имиња.

- Моите бебиња за мене се сè. Сега, кога сум мајка, се плашам за иднината и се надевам на подобар свет за моите деца. Тие ми се приоритет. Морам секогаш да бидам тука за нив – рече таа.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер