Вучиќ: Во договорот со Косово има нешто што го сметам за успех на српската страна - Канал 5

Балкан

Вучиќ: Во договорот со Косово има нешто што го сметам за успех на српската страна

Српскиот претседател Александар Вучиќ денеска потврди дека е постигнат „некаков вид компромисно решение“ меѓу Белград и Приштина под покровителство на Европската унија, а САД го нарекле договорот важен успех за односите меѓу двете страни.

Вучиќ: Во договорот со Косово има нешто што го сметам за успех на српската страна

Според договорот и со согласност на двете страни, припадниците на специјалната единица на косовската полиција РОСУ треба да се повлечат од премините Јариње и Брњак, а Србите треба да ги отстранат барикадите до 2 октомври до 16 часот. Во исто време, силите на КФОР ќе бидат распоредени на премините.

Американскиот заменик -помошник државен секретар Габриел Ескобар рече дека „важен успех“ е постигнат денеска во односите меѓу Србија и Косово и оцени дека дијалогот меѓу Белград и Приштина, со посредство на Европската унија, се покажа како „добар начин да се дојде до решение “.

„Тој дијалог го води ЕУ и ќе продолжи да биде таков и во иднина, рекол Ескобар, додавајќи дека улогата на САД е „да бидат присутни во регионот“.

Вучиќ на прес -конференција во Ниш рече дека, според договореното решение предложено од Европската унија, КФОР потоа ќе ги остави своите сили во Јариње и Брњак уште две недели, додека режимот на налепници ќе биде воведен на 4 октомври како привремена мерка до конечното решение за регистарските таблички, по што ќе следат понатамошни дискусии во Брисел.

За да се најде тоа решение, рече тој, ќе се формира работна група од претставници на Белград, Приштина и Унијата, која ќе се обиде да го реши проблемот во согласност со европската практика, а првиот состанок е закажан за 21 октомври.

„Има нешто во компромисното решение на ЕУ што е од клучно значење за нас и го сметам за голем успех на српската страна - тие ги повикаа сите страни да ги спроведат сите потпишани аранжмани“, рече Вучиќ, објаснувајќи дека тоа се однесува на формирањето на Сојузот на српски општини.

„Ова полека може да започне да ја враќа довербата и во европските институции и во договорите што ги постигнавме“, рече српскиот претседател, додавајќи дека Европската унија „недвосмислено стави до знаење дека следната тема на преговорите во Брисел е Унијата на српски општини „, но не исклучи дека косовската страна одбива да го стори тоа“.

Коментирајќи за одредени одредби од договорот од Брисел, Вучиќ рече дека е „исклучително важно за Србија што заминаа до заби вооружените членови на РОСУ“ од северот на Косово и дека тоа „ќе биде добар показател“ дека таквите дејствија, доколку ги има во иднина, ќе „наидат на уште посилен отпор“ од мнозинското српско население на северот на Косово.

Налепниците на српскиот грб на регистарските таблички на возилата од Србија ќе бидат ставени во преодниот период додека не се договори решението, а Вучиќ наведува дека режимот за регистарски таблички издадени на Косово бил инициран од Србија уште порано.

„Мислам дека реагиравме како држава на сериозен, одговорен и паметен начин. На претставниците на НАТО им ставивме до знаење дека ако се загрози безбедноста на луѓето и не реагираат, ќе можеме самите да го заштитиме сопствениот народ“, рече Вучиќ.

Патиштата на премините Јариње и Брњак беа блокирани во северно Косово втора недела по ред поради одлуката на косовската влада да воведе таблички со ознака РКС за возилата со српски регистарски таблички.

Белград го смета декретот како прекршување на Бриселскиот договор од 2013 година, инсистирајќи специјалните единици на косовската полиција РОСУ да се повлечат од север, како предуслов за продолжување на дијалогот за спроведување на Бриселскиот договор од 2013 година постигнат под покровителство на Европската унија со владата во Приштина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Коперник: Речиси е сигурно дека оваа година ќе биде втората најтопла во историјата

Според европската служба за следење на климата „Коперник“ (Copernicus), глобалните температури оваа година речиси сигурно ќе надминат 1,5 степени Целзиусови над прединдустриските нивоа.

Коперник: Речиси е сигурно дека оваа година ќе биде втората најтопла во историјата

Со тоа, 2026 година би станала втората година во историјата на мерењата што го надминува овој праг, по рекордната 2024 година.

Според најновите податоци од „Коперник“, постои голема веројатност 2026 година да биде втората најтопла година откако се вршат мерења. Исто така, постои веројатност од околу 20 отсто таа да го израмни или надмине моменталниот температурен рекорд поставен во 2024 година.

Се очекува затоплувањето да биде меѓу 1,56 и 1,61 степен

„Коперник“ проценува дека просечната глобална температура во 2026 година ќе биде за 1,56 до 1,61 степен повисока отколку во прединдустрискиот период (1850–1900 г.).

Нивниот статистички модел покажува веројатност поголема од 99 отсто дека температурата оваа година ќе го надмине прагот од 1,5 степени.

Особено загрижувачка е проценката дека четиригодишниот просек за периодот 2023–2026 година, исто така, ќе надмине 1,5 степени над прединдустриските нивоа.

Сепак, една година – па дури и неколку години – со температури над овој праг не значи автоматски дека долгорочната цел на Парискиот договор е официјално надмината.

Октомври беше најтопол досега

„Коперник“ објави дека октомври 2023 година бил најтоплиот октомври некогаш забележан на глобално ниво.

Просечната глобална температура изнесувала 15,35 степени Целзиусови, што е за 1,75 степени над прединдустрискиот просек. Во споредба со периодот 1991–2020 година, октомври бил за 0,90 степени потопол.

Ова беше трет месец по ред во кој глобалната температура го надмина прагот од 1,5 степени во однос на прединдустрискиот период.

Температурите на површината на морето, надвор од поларните региони, исто така достигнаа рекордни вредности. Просечната температура на морето во октомври достигна 20,95 степени – највисоката вредност некогаш забележана за тој месец.

„Ел Нињо“ дополнително ги зголемува температурите

Покрај долгорочното затоплување предизвикано од човечката активност, за овогодинешниот пораст на глобалните температури придонесува и исклучително силниот „Ел Нињо“.

Станува збор за природен климатски феномен поврзан со затоплувањето на површинските води во тропскиот дел на Тихиот Океан, што може привремено да предизвика дополнителен пораст на глобалните температури.

„Октомври го продолжи трендот на исклучителна глобална топлина, со рекордно високи глобални температури и температури на површината на океаните. Исклучително силниот ’Ел Нињо‘ додава дополнителна топлина на климата која е веќе загреана од човечките активности, а 2026 година е на пат да стане втората календарска година што ќе го надмине прагот од 1,5 степени“, изјави Саманта Бурџес од Европскиот центар за среднорочни временски прогнози.

„Особено е значајно тоа што се очекува и четиригодишниот просек да надмине 1,5 степени, што покажува колку долготраен станал овој период на глобална топлина“, додаде таа.

Што значи надминување на границата од 1,5 степени?

Според Парискиот договор за климатски промени од 2015 година, државите се обврзаа да го задржат глобалното затоплување значително под два степена во однос на прединдустриските нивоа, истовремено настојувајќи да го ограничат порастот на температурата на 1,5 степени.

Границата од 1,5 степени се однесува на долгорочното глобално затоплување, а не на температурата во која било поединечна година. Следствено, надминувањето на овој праг се проценува врз основа на повеќегодишни – односно долгорочни – просеци.

ОН веќе предупредија дека е многу веројатно светот да се соочи со привремено надминување на оваа цел. Колку е поголемо затоплувањето и колку подолго трае, толку е поголем ризикот од екстремни временски настани и неповратни промени во климатскиот систем. Според податоците на „Коперник“ (Copernicus), температурите во првите десет месеци од 2026 година се веќе доволно високи, така што надминувањето на прагот од 1,5 степени за целата година е речиси сигурно.

Извор: Индекс.хр

Тагови: клима Коперник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија крена борбени авиони

Унгарија денеска трипати крена борбени авиони за да придружуваат патнички летала во својот воздушен простор, откако биле упатени закани за поставени бомби.

Унгарија крена борбени авиони

Според официјални лица, два од загрозените авиони, кои летале кон Софија, безбедно слетале.

Унгарскиот министер за одбрана, Ромулус Русин-Сенди, изјави дека борбените авиони првично биле испратени по закана упатена кон лет на „Виз ер“ од Брисел кон Софија. Подоцна, тие биле кренати уште двапати како одговор на летови што полетале од Прага, а се упатиле кон Кипар и Букурешт, пренесува „Гардијан“.

Бугарското Министерство за транспорт соопшти дека биле примени закани за бомби и за два лета кон Софија – кои доаѓале од Лондон и Брисел – при што и двата авиона безбедно слетале.

Меѓу леталата подложени на безбедносни проверки бил и авион на романскиот превозник „Таром“, кој летал од Прага кон Букурешт.

За време на летот, екипажот го активирал кодот „7700“, што означува општа вонредна состојба. Авионот безбедно слетал во Букурешт.

Подоцна било утврдено дека заканата била неоснована.

Денеска, најмалку 17 патнички авиони ширум Европа биле опфатени со серија закани за поставени бомби. Со тоа, вкупниот број на патнички авиони кои биле цел на вакви закани во Европа од почетокот на неделата, достигна најмалку 27.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Капитенот на Србија, Богдан Богдановиќ гради луксузен хотел во Црна Гора

НБА ѕвездата, капитенот на Србија, кошаркарот на Хјусотн Богдан Богдановиќ е инвеститор на нов хотел во Плужине, Црна Гора.

Капитенот на Србија, Богдан Богдановиќ гради луксузен хотел во Црна Гора

Српскиот репрезентативец Богдан Богдановиќ гради угостителски објект во општина Плужине во Црна Гора, во близина на Пива.

Како што изјави Слободан Делиќ, претседателот на таа општина, култниот хотел „Пива“ е урнат за на истата локација да се изгради нов објект, пренесува Радио-телевизија Никшиќ.

Кошаркарот на „Хјустон Рокетс“ го минал детсвото во ова место, па не е изненадувачки што одлучил да инвестира во овој проект.

Се наведува дека неговото семејство станало сопственик на туристички објект со богата традиција уште во 2019 година, но дека сега ќе започнат со нова градба.

„НБА ѕвездата Богдан Богдановиќ гради хотел, па сопствениците полека започнаа со реализација на тој проект. Нивните планови опфаќаат поголема површина, но и поинаков дизајн. Во секој случај, очекувам дека новиот објект ќе биде изграден во наредниот период и дека ќе биде функционален и модерен, што значи дека ќе донесе нова вредност за нашата општина“, нагласи Делиќ.

Името на Богдан Богдановиќ гарантира дека сè ќе биде според највисоките стандарди, иако деталите за сместувачките капацитети сè уште не се познати.

„Самото тоа име и неговата репутација гарантираат дека многумина ќе слушнат за нашиот град и дефинитивно ќе дојдат да го посетат“, рече Делиќ.

Српскиот ас често истакнува дека голем дел од своето детство поминал во Црна Гора и дека е особено поврзан со Плужине.

Тагови: Богдановиќ Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер