Не им се плашам, можам да го изгубам само животот, не можат оние што го ограбуваат народот мене да ме обвинуваат дека сум крадец. Со овие зборови претседателот Вучиќ на прес конференцијата на пладне им се обрати на како што ги нарече фашистот Обрадовиќ и тајкуните Јеремиќ и Џилас, лидерите на протестите кои вчера вечерта беа на челото на толпата која влезе во радио телевизија Србија со цел во живо во вестите да ги кажат своите барања. Тој порача дека сите што ќе бидат насилни ќе одговараат кривично а ситуацијата ја спореди и со Македонија со пресудите за 27 Април а за странските амбасади кои не го осудиле вчерашниот упад во телевизијата, рече дека имаат двојни аршини, но дека него го интерсирала само поддршката од народот.
Половина час пред почетокот на прес конференцијата, пред зградата на претседателството продолжија протестите на опозиционерите кои бараат оставка на Вучиќ и на владата и нови фер избори во рок од 6 до 9 месеци.
Тензиите во Белград започнаа синоќа откако група од демонстрантите како дел од протестите кои се одржуваат во Србија под името еден од пет милиони насилно влегоа во зградата на државата телевизија со барање да учествуваат во централниот дневник за да ги искажат своите барања во како што ја нарекоа телевизијата која сите ја плаќаат. По неколку часовна драма, на полноќ специјалците на крајот и оние што лежеа на земја ги изнесе од зградата на телевизијата и за сите кои насилно влегоа во телевизијата најавија кривични пријави вклучително и за ликот со фантомка и со пила во рацете.
Опозицијата на Вучиќ му даде рок до 13 април да ги прифати нивните барања.. Ако тоа не се случи за тогаш најавуваат голем протест насловен ,, Ние или тој,, на кој во Белград ќе ги повикаат граѓаните од цела Србија..