Втора фаза од подготовките на македонската одбојкарска репрезентација - Канал 5

Други спортови

Втора фаза од подготовките на македонската одбојкарска репрезентација

Македонската одбојкарска репрезентација дваесетина дена се наоѓа во тренажен процес за настапите во Европската лига.

Втора фаза од подготовките на македонската одбојкарска репрезентација
Лани во ова натпреварување Македонија играше во полуфиналето (загуби од Црна Гора). Избраниците на селекторот Жарко Ристоски по првата фаза и седумдневните подготовки во Маврово, сега тренира во Скопје.

- Во втората фаза се работи на тактичко-техничка подготовка. Играчите се максимално ангажирани, добро се работи. Но, во третата фаза се соочуваме и со проблем бидејќи немаме адекватен противник. Сите репрезентации што не опкружуваат имаат настапи во Светската лига. Очекувам потврден одговор деновиве и да имаме можност да одиграме неколку натпревари, изјави селекторот Жарко Ристоски.

Оваа сезона Македонија е во групата А заедно со Полска (светски првак), Естонија, Израел, Данска и Австрија.

- Групата е потешка од лани. Полска е светски шампион и со кој било состав да игра е фаворит. Истото важи и за Естонија, која пред десетина дена се пласира на Европското првенство. Токму против овие две селекции и ќе играме на гости. Нашата шанса е тоа што против другите три репрезентации играме дома (се играат по два натпревара). Со победи на домашните шест натпревари можеме да освоиме доволен број бодови за да го повториме ланскиот резултат.

Македонија во првото коло е слободна, а првите два дуела ги игра на гости против Естонија (10 и 11 јули), потоа следуваат дуелите на домашен терен (СЦ „Борис Трајковски“): Израел (18 и 19 јули); Данска (25 и 26 јули); Австрија (31 јули и 1.август) и во последното коло е гостувањето кај Полска (7 и 8 август). /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Нов напад врз меѓународниот аеродром „Крал Халид“ во Ријад

Едно лице загина, а 11 се повредени во нов напад врз меѓународниот аеродром „Крал Халид“ во Ријад, Саудиска Арабија., пренесува Би-Би-Си.

Видео: Нов напад врз меѓународниот аеродром „Крал Халид“ во Ријад

Загинатиот е државјанин на Пакистан, соопштија саудиските власти.

Проектил погодил една од патничките сали, по што избувнал пожар.одговорноста за нападите ја презедоа јеменските Хути.Тие соопштија дека користеле ракети и беспилотни летала.

Хутите тврдат дека нападнале и нафтени постројки и аеродромот во Дамам.Во претходниот напад врз аеродромот во Ријад загинаа 13 лица, а 308 беа повредени.

Саудиската коалиција најави одговор на нападите. Трамп најави брза одлука за можни воени дејствија против Хутите. И Велика Британија најави можност за дополнителна поддршка на Саудиска Арабија.

Македонската амбасада упати апел до македонските државјани во Саудиска Арабија да ги следат безбедносните препораки и да постапуваат според упатствата на локалните власти, дежурен телефон. +971 56 441 7532.Поради влошената безбедносна состојба, се препорачува избегнување патувања во ризичните области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува примената на системот „Сејф сити“ Во Охрид, Струга, Кичево и Дебар

Од денеска, системот за сообраќаен надзор „Безбеден град“ започнува со работа и на подрачјето на СВР Охрид односно во Охрид, Струга, Кичево и Дебар.

Почнува примената на системот „Сејф сити“ Во Охрид, Струга, Кичево и Дебар

МВР информира дека по извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот, како што нагласуваат од министерството, ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.Системот „Безбеден град“ во државата е во функција од 1 февруари годинава. Периодот на адаптација траеше два и пол месеци кога граѓаните беа известувани и контролирани за сообраќајните прекршоци, а системот беше тестиран и унапредуван. Според информациите што ги сподели министерот за внатрешни работи при неодамнешната посета на Охрид, во споредба со истиот период минатата година бројот на повредени во сообраќајни несреќи годинава е намален за 20 отсто, односно со 34 жртви помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Вечерва, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер