Автомобилизам

Возачите на „Tesla“ сега можат да нарачаат класична рачка за трепкачите

Рачката се прицврстува зад воланот без трајно да се оштети внатрешноста и има батерија која трае една година.

Кога „Tesla“ го ажурираше „Model 3“ во 2023 година, беше донесена контроверзната одлука да се отстрани рачката зад воланот.

Според тоа, редизајнираниот „Model 3“ нема традиционална рачка за покажувачи на насоката, туку возачот сигнализира со притискање на копче. За многу возачи ова е проблем и нешто што бара период на навикнување.

Сепак, сега доаѓа решение за оние кои сакаат класична рачка за трепкачите во својот автомобил.

„Enhance“, компанија за додатоци која е специјализирана за продажба на копчиња за физички функции за автомобилите на „Tesla“, ја прошири својата понуда и сега нуди рачки кои се поставуваат зад воланот.

Оваа рачка, наречена „S3xy Stalks“, може да се постави да функционира како класична, со трепкачи, контрола на осветлувањето и бришачи на шофершајбната.

Рачката се прикачува зад воланот без трајно да се оштети внатрешноста, има батерија која трае една година и е поврзана со контролниот модул на „Enhance“, кој е поврзан со „OBD“-портата на автомобилот.

Извор: Б92

Македонија

ПОЦ: За една недела во Општина Центар „пајакот“ отстранил 132 непрописно паркирани возила

ЈП Паркинзи на Општина Центар во соработка со сообраќајната полиција-Скопје во периодот од 13.01. до 19.01.2025 година, со помош на специјалните возила „пајак“ отстраниле 132 непрописно паркирани возила.

ЈП Паркинзи на Општина Центар во соработка со сообраќајната полиција-Скопје во периодот од 13.01. до 19.01.2025 година, со помош на специјалните возила „пајак“ отстраниле 132 непрописно паркирани возила кои го попречувале нормалното и безбедно одвивање на сообраќајот.

ЈП ПОЦ и Општина Центар денеска апелираа до граѓаните да се придржуваат до пропишаните правила и прописи за безбедно однесување во сообраќајот со цел да се зачува безбедноста на останатите учесници во сообраќајот и реши проблемот со непрописното паркирање на комерцијалните и резидентните паркиралишта и улици на територија на Општина Центар.

Македонија

На автопатот Демир Капија - Неготино пронајдени шест мигранти

Mигрантите се сместени во Транзитниот центар Табановце за понатамошна постапка, а по целосно документирање на случајот, против Е.Ф. ќе биде поднесена соодветна пријава.

На автопатот Демир Капија - Неготино синоќа околу 20 часот, полициски службеници од Полициската станица за граничен надзор Михајлово при Регионалниот центар за гранични работи Југ го лишиле од слобода Е.Ф.(19) од Радовиш, затоа што во возило „фолксваген голф“ со кумановски регистарски ознаки превезувал шест лица мигранти, три од Непал и три од Индија.

- Претходно, на наплатна станица Демир Капија, тој не застанал на знак за запирање, даден од полициски службеници и продолжил со движење кон Гевгелија, при што влегол во тунел каде се изведувале градежни работи и со возилото удрил во работна машина, соопштија денеска од МВР.

Mигрантите се сместени во Транзитниот центар Табановце за понатамошна постапка, а по целосно документирање на случајот, против Е.Ф. ќе биде поднесена соодветна пријава.

Фудбал

Нејмар го напушта Ал-Хилал, се враќа во родниот Сантош

Бразилската ѕвезда Нејмар ја заврши својата авантура во Саудиска Арабија. Од него се очекуваше многу, но никогаш не успеа да го покаже потенцијалот во Ал-Хилал, а паралелно со тоа проблеми му правеа и многу повреди.

Нејмар ја напушта арапската земја за да се врати во Бразил. Според последните информации, постигнат е договор и Нејмар ќе се врати во Сантос на позајмица во следните 6 месеци. Разбирањето е веќе факт и ќе биде официјализирано во следните неколку дена.

Во неделата, претседателот на Сантос, Марсело Тешеира и директорот Педро Мартинс се сретнаа со претставниците на Нејмар и преговараа за платата на играчот.