Во Србија утре избори за Национални совети на малцинствата, меѓу кои и македонското - Канал 5

Балкан

Во Србија утре избори за Национални совети на малцинствата, меѓу кои и македонското

Во Србија утре ќе се одржат редовни избори за Национални совети на 23 национални малцинства, меѓу кои и на македонското малцинство, јави дописникот на МИА од Белград.

Во Србија утре избори за Национални совети на малцинствата, меѓу кои и македонското

На изборите, кои се одржуваат на секои четири години, ќе се избираат членови на Национални совети на 23 национални малцинства, колку се признаени во Србија, од кои 19 малцинства исполниле услови за непосредни избори, а четири национални малцинства – македонското, горанското, хрватското и црногорското членовите ќе ги бираат со електорско собрание.

Изборите за НСНМ утре ќе се одржат на 949 избирачки места, а право на глас имаат 456.199 граѓани кои се имаат пријавено во Посебниот избирчки список.

Македонското малцинство изборите за членовите на Националниот совет ќе ги одржат во Белград, по пат на електорско собрание, поради недоволен број на доброволно запишани гласачи во Посебниот избирачки список, согласно српските закони, што беше случај и на предтходните избори во 2018 година.

Преку електорско собрание првпат свој НСНМ ќе избираат и горанците, од областа Гора во Косово, кои во Србија се признати под ова име како посебно национално малцинство.

На изборите за македонскиот НСНМ ќе учествуваат 59 запишани електори кои треба да изберат 23 члена на македонскиот Национален совет.

Изборите преку електорско собрание се начин на посреден избор на членови на националните совети, бидејќи на тие избори право на глас немаат сите припадници на националното малцинство запишани во посебниот избирачки список, туку само оние кои во законски регулирана процедура се пријавиле и ги исполнија законските услови да бидат електори (избирачи), односно на електорско собрание да избираат членови на својот НСНМ.

Клучен услов одреден избирач да добие статус на електор е со свој потпис да го поддржат одреден број избирачи – кои се изјасниле дека се припадници на македонското национално малцинство.

Бошњаците, Унгарците, Албанците, Ашкалите, Бугарите, Буњевците, Власите, Грците, Египќаните, Германците, Полјаците, Ромите, Романците, Рутенците, Русите, Словаците, Словенците, Украинците и Чесите ќе избираат свои претставници на непосредни избори.

Во повикот за утрешното гласање, Министерството за човекови и малцински права посочи дека малцинските избори се значаен општествен настан не само за националните малцинства во Република Србија, бидејќи националните совети се најважните институции на националните малцинства на кои, според Законот, им се доверени „јавните овластувања да учествуваат во одлучувањето или да одлучуваат самостојно за одредени прашања од областа на културата, образованието, информирањето и службената употреба на јазикот и писмото за да се остварат колективните права на националното малцинство на самоуправување во тие области“.

Националните совети се финансираат од буџетот на Република Србија, од автономната покраина Војводина и единиците на локалната самоуправа и како и останатите организации кои се носители на јавни овластувања, важно е да работат и средствата да ги трошат транспарентно.

Во Србија според пописот од 2011 година, за разлика од минатите години бројот на Македонците опаѓа, или 22.755 лица се изјасниле како припадници на македонската националност, што е околу 0,32 отсто од вкупниот број на жители во Србија.

Според неофицијалните проценки во Србија живеат над 100.000 Македонци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

УЈП испраќа известувања до граѓаните што имале приливи од странство во 2021 година

Управата за јавни приходи започна со проверки на приливите од странство што граѓаните ги оствариле во текот на 2021 година, врз основа на податоци добиени од банките. 

УЈП испраќа известувања до граѓаните што имале приливи од странство во 2021 година

До дел од граѓаните веќе се испратени персонализирани известувања со рок за исполнување на евентуалните даночни обврски. Од УЈП предупредуваат дека доколку обврските не бидат исполнети доброволно, Управата ќе преземе мерки во рамките на своите законски надлежности за утврдување на данокот. Сепак, од институцијата нагласуваат дека не секој прилив од странство подлежи на оданочување и дека добивањето известување не значи автоматски дека граѓанинот должи данок.

Обврската за пријавување се однесува на доход од странство што е оданочив согласно Законот за данокот на личен доход. Тука спаѓаат плати, хонорари, приходи од фриленс и интелектуални услуги, издавање недвижности преку платформи како Airbnb и Booking, капитални добивки од продажба на имот, криптовалути и хартии од вредност, дивиденди, камати, авторски права и добивки од игри на среќа.

Од друга страна, парите добиени како подарок, семејна поддршка или позајмица не претставуваат автоматски оданочив доход. Истото важи и за трансферите преку Western Union, Ria, Moneygram и слични сервиси, бидејќи начинот на кој се испратени парите сам по себе не ја определува даночната обврска.

„Даночниот третман зависи од вистинскиот основ на приливот и од тоа дали станува збор за доход што подлежи на оданочување согласно законските одредби“, појаснуваат од УЈП.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прага под опсада: Демонстрантите се обидоа да упаднат во парламентот, додека пратениците утрово гласаа до 4 часот (ВИДЕО)

По целовечерната, исклучително напната седница обележана со инциденти и масовни протести пред зградата на парламентот, чешката владејачка коалиција (АНО, СПД и Возачи) усвои предлог за укинување на телевизиските и радио претплатничките такси.

Прага под опсада: Демонстрантите се обидоа да упаднат во парламентот, додека пратениците утрово гласаа до 4 часот (ВИДЕО)

На предлог на претседателот на Парламентот, Томи Окамура (СПД), дебатата беше скратена, барањата на опозицијата за паузи и отфрлање на законот беа отфрлени, а гласањето се одржа во невообичаено време - во 4:36 часот наутро, објави Блеск.

Седницата беше прекината во 5:03 часот наутро и одложена до 3 ноември, додека законот беше испратен до комисиите на разгледување.

Додека седницата продолжуваше во салата со тропање по парламентарните клупи и свирчиња, стотици граѓани на Прага демонстрираа против оваа одлука на блискиот плоштад Малострански. Околу 21:00 часот, обезбедувањето мораше да придружи околу десетина граѓани од галеријата на парламентот поради свиркање и развевање на транспарентот „Слобода за медиумите“, а потоа неколку десетици демонстранти се обидоа насилно да влезат во зградата на парламентот, што полицијата го спречи. Полицијата потоа приведе едно лице кое, околу половина час по полноќ, се обиде да фрли калдрма кон зградата на парламентот.

Опозицијата остро го осуди присилното гласање ноќе и начинот на кој беше прекината дебатата. Претседателот на ОДС, Мартин Купка, ги нарече настаните „тотални глупости“ и ја праша коалицијата:

„Ќе гласаме за слободата и независноста на медиумите во 4:36 часот наутро. Прекрасно. Кој краде во темнина? Крадци на слободата и независноста на медиумите.“

Лидерот на движењето СТАН, Вит Ракушан, ги оцени постапките на владата како демонстрација на кукавичлук.

- Под закрилата на темнината во 4:36 часот, кога повеќето луѓе во оваа земја сè уште спијат, вие го протуркавте ова... Ќе го запомнам овој пат: 4:36, 24.10. Во овој момент започна крајот на владата на Андреј Бабиш.

Опозицискиот лидер Здењек Хржиб го нарече преминот кон буџетско финансирање „комунистичка национализација “, додека поранешниот министер Маријан Јуречка (KDU-ČSL) го критикуваше премиерот Бабиш за тоа што дискутирал за законот ноќе, споредувајќи го со методите на поранешната тајна служба StB.

Од друга страна, премиерот Андреј Бабиш (ANO), кој не присуствуваше на утринското гласање, ги обвини лидерите на опозицијата за поттикнување немири.

- Ја повикувам опозицијата да престане да ја ескалира ситуацијата во општеството. Не се води војна за независни медиуми. Нема борба за демократија, ниту пак се планира социјализација или национализација на медиумите.“

Министерот за култура Ото Клемпирц (во име на Возачите) нагласи дека преминот кон буџетско финансирање не ја загрозува независноста на медиумите и дека претставува легитимна европска практика, додека Томио Окамура (СПД) изјави дека јавниот сервис работи против народот.

- Неверојатно е грубо и неморално да плаќам за нешто што не го користам, а кое работи против моите интереси, против интересите на мојата земја и мојот народ.

Опозицијата најави продолжување на борбата против законот и поднесување на амандмани во второто и третото читање, како и во Сенатот.

Тагови: Прага парламентот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голем руски напад на Украина- меѓу загинатите има и деца (ВИДЕО)

Четири лица загинаа, а 78 се повредени во руски напади низ Украина во изминатите 24 часа, според локалните власти. 

Голем руски напад на Украина- меѓу загинатите има и деца (ВИДЕО)

Утрово, Москва го нападна и Киев, каде што дрон удри во станбена зграда, пишува The Kiev Independent.

Во раните утрински часови, руски дрон се урна во станбена зграда во областа Оболон во Киев. Воената администрација на градот Киев објави дека две лица се повредени и дека избувнал пожар.

Жртви во Чернигов

Руските сили го нападнаа и градот Чернигов. Според локалните власти, еден маж е убиен, а најмалку 25 лица се повредени.

Во Чернигов е издадена воздушна тревога околу 13:40 часот по локално време поради закана од ракети. Неколку минути подоцна, украинските воздухопловни сили известија дека беспилотни летала и крстосувачка ракета од типот „Бандерол“ се приближуваат кон градот.

Градскиот совет на Чернигов соопшти дека целите биле две приватни компании, но не даде дополнителни детали.

Гранатирање во Донецката област

Обвинителството на Донецката област соопшти дека едно лице е убиено, а шест други, меѓу кои и три деца, се ранети во руското гранатирање на станбена област во Краматорск, град на фронтот.

Во Славјанск, друг град на фронтот, 62-годишна жена е убиена, а четири други се повредени во руските напади вчера, напиша градоначалникот Вадим Љах.

Во Днепропетровската област, едно лице е убиено, а осум други се повредени во напад врз градот Днепар. Регионалниот гувернер Олександр Ханжа изјави дека уште три лица се ранети во областа Пидхородненскаја.

Во напад со руски дрон врз градот Житомир на 23 октомври беа повредени девет лица, меѓу кои и две деца, објави украинската полиција.

Напади во повеќе региони

Гувернерот на Харковската област Олех Синехубов изјави дека руските сили раниле седум лица, меѓу кои 12-годишно девојче и 13-годишно момче. Тој додаде дека станбени згради, деловни објекти и бензински пумпи се оштетени или уништени во нападите. Во регионот Херсон, руските сили нападнаа станбени области и повредија шест лица, објави регионалната воена администрација.

Три лица се повредени во руските напади во регионот Одеса. Гувернерот Олех Кипер изјави дека Русија погодила рекреативен објект, административна зграда и магацин.

Во регионот Сум, Русија изврши 40 напади врз 25 населени места. Пет лица се повредени во неколку општини, а регионалната воена администрација наведува дека тревогата за воздушна закана траела вкупно повеќе од 18 часа.

Украинските воздухопловни сили објавија дека руските сили лансирале 126 дронови преку ноќ, од кои 61 биле со млазен погон. Украинската одбрана успеала да неутрализира 101 беспилотно летало, вклучувајќи 50 млазни.

Русија оваа година го зголеми производството на дронови со млазен погон, кои се многу потешки за соборување од постарите модели со пропелер. Од друга страна, Украина ја подобри стапката на пресретнување на вакви авиони во последниот месец.

Тагови: руски напад украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер