Во Софија доделени годишните Балкански награди на туристичката индустрија 2021 година

 Македонија доби две награди на годишните Балкански награди на туристичката индустрија 2021 година.

Македонија доби две награди – за најпријателски хотел на Балканот – G Hotel во Скопје и за најдобар хотел и спа одморалиште на Балканот – Aurora Resort и Spa Hotel во Берово на Церемонијата на доделување на Балканските награди на туристичката индустрија 2021 година, што во организација на бугарската компанија ВИП Комуникејшн, се одржа по седми пат во Софија.

Керим, сопственик на хотелот „Џи" во Скопје, кој ја доби наградата за најпријателски хотел на Балканот, за МИА во Софија изјави дека треба да изгради модерен пат меѓу Бугарија и Македонија и да го олесни патот меѓу двете соседни земји, наместо сегашните 220 километри да се поминат за четири и пол часа, колку, како што вели, се потребни да се стаса со авион до Дубаи. Доколку, според Керим, се изгради нов автопат меѓу двете земји, тоа ќе доведе до интензивна размена на туристи од Бугарија и Македонија и ќе има еден милион туристи во Бугарија од Македонија и два милиони бугарски туристи во Македонија.

-Ако тоа се направи во следните 10 години, ќе доведе до подобра и позитивна енергија и отстранување на предрасудите од последните неколку години, смета тој.

Керим апелираше до идната бугарска влада, како и до македонската Влада да изнајдат разумно решение и да ја надминат оваа ситуација, а до новиот премиер на Бугарија да го укине ветото за да може Македонија да ги почне преговорите за членство во ЕУ, а потоа да продолжи решавањето на спорните прашања.

Бојан Аврамовски, оперативен менаџер на Аурора Ресорт и Спа во Берово, кој ја доби наградата за најдобро бањско одморалиште на Балканот, истакна дека од неодамна се враќа интересот на бугарските туристи за Берово, што, како што истакнува, дава надеж дека ќе можат да се вратат на периодот пред пандемијата на ковид.

Тој предложи бугарската страна да го заврши патот до граничниот пункт Клепало за бугарските туристи и гости побрзо да се движат кон Берово и Македонија, кои се уште се затворени. Отворањето на граничниот премин Клепало, според него, ќе помогне за бизнисот меѓу Македонија и Бугарија, за поголема поврзаност меѓу нив и за продлабочување на деловните контакти од двете страни на границата.

Според Аврамовски, за разлика од многу други туристи во регионот, бугарските туристи се многубројни. Мора, вели тој, да се гледа напред кон иднината, бидејќи минатото е одамна минато и мора да се оддаде почит и за Македонија и за Бугарија и да се постигне договор што ќе ги земе предвид интересите на двете земји, кои треба да продолжат да функционираат како пријателски земји.

За време на доделувањето на наградата, Патриша Кирилова од организаторите на ВИП Комуникација коментираше дека сериозно размислуваат следните церемонии да се одржат во Скопје и Приштина.

Финалист на Балканските туристички награди беше едно од најголемите одморалишта во Албанија – Стела ресорт. Во последниве години, албанските поморски одморалишта стануваат сè поконкурентни на Балканот, привлекувајќи повеќе од 40.000 Бугари годишно, додека повеќе од 35.000 Албанци ја посетиле Бугарија, со интерес за бугарското крајбрежје на Црното Море, спа-третманите и ски-ресортите.

На церемонијата присуствуваа претставници на амбасадите на Албанија, Грција, Косово и Турција во Бугарија.

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

притисни ентер