Свет

Катар купува големи количества гас од Американците поради стравувањата од војна во Иран

Катарската енергетска компанија „КатарЕнерџи“ (QatarEnergy) купува течен природен гас (ТПГ) од американски и други производители, со цел да си обезбеди приходи во случај на нови прекини во испораките низ Ормускиот теснец.

Според извршниот директор Саад Шерида Ал-Кааби, овие долгорочни договори имаат за цел да ја заштитат компанијата од последиците на евентуална војна во Иран.

Ал-Кааби, кој истовремено е и министер за енергетика на Катар, вчера за „Ројтерс“ изјави дека какво било затворање на Ормускиот теснец веднаш би довело до скок на цените на гасот. Со купување ТПГ од други производители, „КатарЕнерџи“ би можела да продолжи да остварува приходи во такво сценарио – приходи кои инаку би биле изгубени поради неможноста за извоз на сопствениот гас.

Катар има за цел да профитира од разликата во цените на гасот

Катар е еден од најголемите светски производители на ТПГ. Ова е првпат некој од највисоките раководители во „КатарЕнерџи“ јавно да објасни како компанијата планира да ги надомести загубите во приходите што би настанале како последица на можна војна во Иран, како и да се заштити од идни проблеми со транзитот низ Ормускиот теснец.

Ал-Кааби изјави дека компанијата би можела да профитира од разликата помеѓу пониските цени на гасот во САД и повисоките цени во Европа. Таквата заработка би можела да помогне да се надомести дел од приходите што Катар би можел да ги изгуби поради прекини во извозот.

„КатарЕнерџи“ планира да обезбеди „значително повеќе“ од седум милиони тони ТПГ годишно, иако Ал-Кааби не ја откри точната количина. Компанијата моментално преговара со неколку производители – вклучително и американската фирма „Венчр Глобал“ (Venture Global) – и има намера да го набавува гасот од оние што нудат најповолни услови.

Постигнат договор за купување на седум милиони тони гас годишно

Вчера, „КатарЕнерџи“ потпиша 20-годишен договор за купување на три милиони тони ТПГ годишно од американски постројки со кои управува австралиската енергетска компанија „Вудсајд“ (Woodside). Минатата недела, компанијата исто така склучи два договори со американскиот производител „Cheniere Energy“ за купување на до четири милиони тони течен природен гас (ТПГ) годишно, при што испораките ќе траат сè до 2054 година. Како резултат на тоа, за само две недели, катарската компанија обезбеди вкупно седум милиони тони гас годишно.

„Очекуваме уште (договори)“, изјави Ал Кааби.

Испораките од „Cheniere Energy“ ќе започнат дури во 2031 година, а „QatarEnergy“ планира оваа година да потпише дополнителни договори со времетраење од 20 до 25 години со американски и други производители. Минатата недела, агенцијата „Ројтерс“ објави дека компанијата „Venture Global“ преговара со „QatarEnergy“ за испорака на дополнителни три милиони тони течен природен гас годишно.

Купениот американски гас не може да ги замени катарските испораки

Ал Кааби предупреди дека „QatarEnergy“ не може едноставно да им понуди американски течен природен гас на оние клиенти на кои не е во можност да им испорача катарски гас поради можно затворање на Ормускиот теснец. Ова се должи на условите во постојните долгорочни договори, во кои се прецизирани терминалот од кој гасот мора да биде испратен, како и дестинацијата на која мора да биде испорачан. Затоа, пратките од САД не можат автоматски да послужат како замена за катарските испораки.

Катар моментално учествува со приближно една петтина во глобалниот извоз на течен природен гас (ТПГ), а сите негови пратки мора да поминат низ Ормускиот теснец. Кон средината на март, Иран изврши напад врз гасните постројки во Рас Лафан, Катар, како одмазда за израелскиот напад врз иранското гасно поле „Јужен Парс“ (South Pars). Нападот уништи 17 отсто од капацитетот на Катар за извоз на течен природен гас.

Ал Кааби тогаш изјави дека за поправките ќе бидат потребни меѓу три и пет години. Поради направената штета, „QatarEnergy“ во текот на овој период нема да биде во можност да испорачува 12,8 милиони тони течен природен гас годишно. Тој исто така предупреди дека компанијата можеби ќе биде принудена да прогласи „force majeure“ во однос на долгорочните договори со клиенти во Италија, Белгија, Јужна Кореја и Кина – мерка што би можела да остане на сила во период од три до пет години. „ Force majeure “ подразбира ситуација во која, поради вонредни околности надвор од нејзина контрола, компанијата привремено не е во можност да ги исполни своите договорни обврски. Оваа недела, „КатарЕнерџи“ (QatarEnergy) го продолжи статусот на „виша сила“ до крајот на годината.

Производството би можело да продолжи по склучувањето мировен договор.

Кааби истакна дека Катар би можел да го обнови производството на ТПГ во полн капацитет во рок од една недела по постигнувањето мировен договор на Блискиот Исток, под услов да има достапни бродови за транспорт на гас.

Сепак, поради уништувањето на постројките, производството – сè додека не завршат поправките – веројатно нема да надмине 83 отсто од нивото пред војната.

Извор: Индекс.хр

Тагови: Иран Катар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Падот на Вучиќ се уште ја бранува политичката сцена во Македонија

Не стивнуваат партиските реакции во земјава по падот на Александар Вучиќ во Србија.

Повикувајќи се на информации од свиркачи СДСМ обвинува дека во изминатиот период им се сугерирало на институциите во Македонија да работат преку Алта Банка, за што бараат одговори од премиерот Мицкоски и гувернерот на Народната Банка Славески. Тврдат дека од централата во Белград до Скопје од српските избори до денес биле префрлени над 50 милиони евра, трансфери кои велат дека се дел од криминална мрежа со амин од власта, како попатна станица до Москва.

„Можевме и вчера да го видиме на една дебата, односно не е дебата, туку гостување на телевизија, гледам еден уплашен политичар којшто зборува за сè, но не зборува за она што сите го прашуваат. Преку свиркачи, СДСМ дојде до информација дека наназад, по влезот на Алта банка во Македонија, институциите во Македонија, вработените во тие институции и компаниите коишто добиваат тендери се терани усно да работат преку Алта банка. “-Андреј Жерновски – член на ИК на СДСМ.

Премиерот Мицкоски уверува дека критериумите за влез на банки во државата се строги и мора да се испочитувани. Во гостување на Само интервју ги отфрли обвинувањата од СДСМ за соработка со Вучиќ и рече дека не очекува српското сценарио да се отслика и кај нас.

„ Не знам дали е се во ред, но за да дојде во Македонија банка има таков клиринг процес во рамки на Народната банка што апсолутно не може било каков фенинг капитал да влезе овдека без да помине низ тој регулатор. /

Бидејќи ова со студентите некако брзо промптно реагиравте на нивните барања, вчера ги примивте.. Дали се плашите можеби да не има некое такво движење и кај нас да се појави? – Зарем ви личам на исплашен човек? Апсолутно, таман работа, прво, јас сум универзитетски професор кој секој ден е на линија со студентите. Второ, како човек никогаш нема да дозволам да се создаде движење коешто ќе биде толку радикално против моите политики, затоа што политиките што ги водам се народни и продржавни, промакедонски. “ - Христијан Мицкоски – претседател на Влада (Само интервју 29.10).

За тврдењата на СДСМ гувернерот Славески изјави дека самиот факт дека средства се префрлаат од една во друга земја не значи дека станува збор за сомнителна активност. Го повтори ставот на Народна банка дека неповерени тврдења за други банкарски системи не требало да се коментираат.

Тагови: Андреј Жерновски Христијан Мицкоски

Македонија

Признание пред судот: Дашковски ја призна вината за палењето на дипломатските возила - дејствувал сам без туѓо влијание

Четириесет и четиригодишниот скопјанец Игор Дашковски Стојановски обвинет за палењето на две дипломатски возила на бугарската амбасада во Скопје ја призна вината на денешното прво судско рочиште.

Посочи и дека никој не го поттикнал, ниту му наредил да ги запали возилата. Кои му биле мотивите, не кажа.

„Се чувствувам виновен и во целост ја признавам вината. Сам одлучив“, рече Дашковски пред судијката Фанка Јанчулева Михаиловска која го води предметот.

Обвинет е за кривично дело „Загрозување лица под меѓународна заштита“ според кое му се заканува казна затвор од најмалку една година затвор. Настанот се случи на 15 јуни годинава. Според обвинението, Стојановски со автобус пристигнал во централното градско подрачје, по што од бензинска станица наполнил пластично шише со бензин, а потоа ја преминал улицата и се приближил до двете паркирани дипломатски возила. Обвинителката Катерина Коларевиќ вели дека тој бил пресметлив во моментот на извршување на делото.

-Осудителна ќе е секако пресудата, во однос на казната ќе одлучи судот. Има факти кои се изнесуваат во вештачењето кое е изготвено од Д-р Марцикиќ во поглед на психичката состојба на обвинетиот. Па откако ќе ги сослушаме и тие факти ќе биде изведен како доказ вештиот наод и мислење во поглед на пресметливоста на обвинетиот, тој секако е пресметлив како личност и во состојба на пресметливост го сторил кривичното дело. Ќе ја сослушаме и одлуката на судот во поглед на казната,- изјави – Катерина Коларевиќ – Обвинител во ОЈО ГОКК.

Следното рочиште е закажано за 11 ноември... Обвинителството посочува дека бугарскиот амбасадор бил повикан да се произнесе за настанатата материјална штета, а во постапката биле испитани и претставници на амбасадата кои се под меѓународна заштита.

Македонија

Последен ден кампања за вториот круг на локланите избори во Брвеница

Решавање на локалните проблеми или гласање по етничка линија - што ќе биде пресудно во изборот на жителите на Брвеница на нов градоначалник во недела?

Во вториот изборен круг довербата ќе ја бараат кандидатот на ВМРО-ДПМНЕ, Стојанчо Радичевски и кандидатот на ДУИ и коалицијата, Аркин Јахиј, кои освоија најмногу гласови во првиот круг.

Според изборните комбинаторики се очекува неизвесна трка меѓу двајцата кандидати кои во кампањата деновиве се заблагодарија за поддршката и изразија оптимизам за победа во недела.

-Благодарност до сите граѓани што ми ја дадоа довербата во првиот изборен круг, очекувам поголема поддршка во вториот круг. Очекувам и победа, да славиме сите заедно, изјави Радичевски.

- Во недела, да застанеме заедно за нашата Брвеница, со достоинство, храброст и верба еден во друг. Заедно наспроти сите разлики. Ве повикувам да си подадеме рака за помирување, изјави Јахији.

На гласачките места во Брвеница во првиот круг од предвремените избори гласаа 7.565 избирачи, а излезеноста беше 46,56 отсто.

Изборните математики покажуваат дека ќе следува тесна битка во Брвеница, а гласовите на Вреди можат да го решат победникот. Радичевски од ВМРО-ДПМНЕ на првото гласање освои 2.945 гласови наспроти Аркин Јахији од ДУИ со 2.152. Според калкулациите, решавачко ќе биде каде ќе отидат гласовите на отпаднатите кандидати Јакуп Хусени од Вреди со 1.528 гласа, Јовица Радевски од СДСМ со 706 гласа, и независните кандидати Душан Богдановски со 55 гласа и Арифе Идризи со 21 глас.

Дилемата е дали поддржувачите од Вреди ќе гласаат етнички, како што повикаа Али Ахмети и Арбен Таравари или според сопствени убедувања како што ги повикаа Мицкоски и Гаши.