Во Македонија тешко се доаѓа до биолошка терапија која спречува инвалидитет - Канал 5

Здравје

Во Македонија тешко се доаѓа до биолошка терапија која спречува инвалидитет

Билошките лекови кон ја спречуваат инвалидноста кај воспалителните ревматски заболувана, од кои според проценките боледуваат илјадници граѓани, веке се стандард во лекувањето на пациентите во светот, Европа и земјите од регионот.

Во Македонија тешко се доаѓа до биолошка терапија која спречува инвалидитет

За вакви лекови на Словенија лани издвоила 18 милиони евра, а Србија повеке од седум милиони евра. Хрватска обезбеди 2.000 терапии годишно. Вакви лекови се достапни и во Република Српска.

Но тоі лек во Македонија тешко се доага, поточно во моментов е невозможно, вели скопјанец за Екпрес.мк кој е болен од анкилозантен спондилитис (болест на Бехтерев), од групата на воспалителните автоимуни ревматски заболувана.

„Биолошката терапија ми е препишана од доктор специалист по ревматологија, како единствен лек кој може да го спречи напредувањето на болеста и да ги намали болките, но лекот не е достапен и ниту се знае кога би бил достапен.

Од здрав човек ‘стигнав’ до човек со 70% телесно оштетување, комисиски утврдено во 2015та година, а денес сигурно процентот е сигурно поголем, бидејќи болеста немилосрдно напредува.

Многу е тешко да се живее во болки и да се зголемува инвалидноста, а да се знае дека има лек, но некоі не сака да го набави и да биде достапен до секој пациент, па и до мене“, вели нашиот соговорник.

Тој вели дека во земјава почна да функционира Невладина организациіа (Здружение) преку која болните ќе пробаат да стигнат до одговорните лица, да се изборат за лекот што може да им го промени животот, а на оние млади, нови болни, да се спречи да станат инвалиди.

„Прво ке молиме, потоа ќе протестираме, ова е прашање за нас ама и за идните генерации“ вели нашиот соговорник кој од разбирливи причини, инсистира на анонимност.

„За достапноста на биолошката терапија во Македонија не се ни дискутира јавно, никој јавно не знае колку пациенти во моментов ја примаат терапијата, дали ќе се зголеми бројката и кога, нема никаква државна стратегија.

Тие што ја примаат се плашат да не се прекине, а тие што чекаат незнаат дали воопшто ќе стигнат на ред до терапијата“ вели нашиот соговорник.

Тој сепак напоменува дека во „Упатсвото за практикувње на медицина засновано на докази при анкилозантен спондилитис” , бр 07-8882/2 од 30 ноември 2013 година, донесено од министерот за здравство, е наведено во делот третман дека пациентите може и треба да се третираат и со биолошки лекови. Но, зошто не се почитува ова Упатство, зошто самата држава не го почитува документот што сама го има донесено е – друго прашање.

Тоі вели дека за оваа терапија деновиве, пишуваше Ал Џезира балканс.

„Не пишуваа за Република Македонија, но напишаното како да се однесува и за нас овде“ вели нашиот соговорник.

Имено, Ал џезира, во посочениот напис пренесува дека биолошката терапија се обезбедува веќе неколку години за пациентите во Република Српска.

Сепак, пациентите во БиХ се уште чекаат да им биде ставен на располагање овој релативно нов лек добиен со генетски инженеринг коі чини до 30.000 евра годишно и се надеваат дека во тоі период нема да станат инвалид“ .

„Мевлудин Мекиќ, потпретседател на Здружението на ревматолози во Босна и Херцеговина и ревматолог на Клиничкиот центар на Универзитетот во Сараево, објаснува дека во период од десет години голем број пациенти стануваат инвалиди и дека некои студии покажале дека во текот на тоі период две третини од нив доживуваат психолошки промени.

„Користејќи ја биолошката терапија, граѓанинот кој станува инвалид го претвораме во работоспособно лице кое ке се грижи за своето семејство и општеството, ако веќе го гледаме економскиот аспект, а да не зборуваме за човечкиот живот и правото на лекување. Имавме извонредно добри резултати со пациентите, каде што некои од нив практично се симнаа од инвалидските колички“ пренесува Ал Џезира.

Во Тузланскиот кантон во Република Српска се обезбедуваат одреден број биолошки терапии.

„Суад Аздаслик, претседател на Здружението на заболени од ревматски болести во кантонот Тузла , вели дека биолошката терапија многу му помогнала.

На овој 47-годишен маж пред дваесетина години му беше дијагностициран ревматоиден артритис.

На 35 години отишол на инвалидска пензија и го напуштил приватниот бизнис што дотогаш го градел. Како и другите пациенти, то беше на конвенционална терапија вклучувајќи имуносупресиви.

,Бидеки не реагирав на конвенционалната терапиіа, во 2008 година започнав со биолошка терапија. Поради инфекцијата, мораа да го прекинат имуносупресивот, лекот Арава, од кој бев зависен. Потоа останав неподвижен шест месеци, се до примената на биолошката терапија, кода ме крена на нозе.

Моментално од јануари повторно сум на биолошка терапиіа. Тоа е драстична разлика, замислете кога добивате чисти резултати, сѐ е нормално и доаѓате во состојба на мирување на болеста”, опишува Ајдаслиќ за Ал Џезира, пренесува Експрес.

Тој додава дека нивното здружение успеало да стави на располагање 20 вакви терапии во кантонот Тузла годинава…

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воз опкружен со пожар во Канада, машиновозачот снимен како поминува низ пламен (ВИДЕО)

Жртви на шумски пожари беснеат низ делови од Канада, додека рекордно висока топлотна купола ги гори регионите во близина на границата со САД.

Воз опкружен со пожар во Канада, машиновозачот снимен како поминува низ пламен (ВИДЕО)

Снимките од Армстронг, Онтарио, покажуваат товарен воз во пламен, а небото над Монтреал стана жолто во вторник наутро од чадот што се издига од пожарите стотици километри оддалечени во северен Квебек и северозападен Онтарио, објавува „The Telegraph“.

Видео направено од внатрешноста на кабината на возот го покажува пејзажот зафатен од портокалови пламени, а машиновозачот вели: „Ова може да нè проголта, станува малку страшно, по ѓаволите. Сега сме опкружени со пламен.“

Предупредувања за топлина и квалитет на воздух

Издадени се предупредувања за топлина за повеќе од 100 милиони луѓе. Се предвидува температурите да достигнат 38 степени Целзиусови во Отава и Торонто, а влажноста ги прави условите да изгледаат уште потопли. Канадскиот оддел за животна средина и климатски промени предупреди на влошување на квалитетот на воздухот, што може „да резултира со тоа што Индексот за квалитет на воздухот се приближува кон категоријата со висок ризик.“

Метеоролозите очекуваат топлината да се намали во повеќето области до крајот на неделата, иако топлотната купола - област со висок притисок што го заробува топлиот воздух, истиснувајќи облаци и дожд - би можела да се задржи до крајот на месецот.

Топлинскиот бран се шири кон САД

Билингс, град во јужна Монтана, во вторник забележа 44 степени Целзиусови, додека Солт Лејк Сити, Јута, достигна 43 степени. Националната метеоролошка служба на САД соопшти дека најинтензивната топлина ќе го достигне североистокот во среда и ќе се прошири кон средноатлантскиот регион.

Се очекува градовите од Ричмонд, Вирџинија, до Бостон, Масачусетс, да се приближат до 38 степени Целзиусови, заканувајќи се на дневните рекорди.

Научници: Последица од климатските промени

Научниците велат дека настанот одразува климатски систем кој е изменет од децениите емисии на фосилни горива. Марк Алеси, климатолог во Унијата на загрижени научници, рече дека топлотните куполи се природен дел од климатскиот систем, но тој нагласи дека тие сега се однесуваат поинаку поради потопла атмосфера и океан.

„Нашата атмосфера е многу потопла. Нашите океани се многу потопли. Тие испуштаат многу повеќе топлина во атмосферата, а оваа топлинска купола е пример за тоа како изгледаат климатските промени предизвикани од фосилни горива“, рече тој.

Екстремна топлина и улогата на Ел Нињо

Посебна анализа од групата „World Weather Attribution“ покажа дека екстремната топлина и влажност што го погодија Источниот брег околу празникот Четврти јули би биле „практично невозможни“ без климатските промени предизвикани од човекот.

Метеоролозите го следат и развојот на Ел Нињо, бран на океанска топлина што се јавува два до три пати во една деценија и се очекува да ги наруши временските обрасци во Пацификот. Прогнозерите велат дека временскиот феномен, за кој се очекува да достигне врв помеѓу октомври и декември, би можел да биде најсилниот досега забележан.

Извор: Индекс.хр

Тагови: воз канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сојузот на борците од НОАВМ за преименување на улиците во Тетово

Сојузот на борците од НОАВМ и граѓаните продолжувачи Тетово внимателно ја проследи информацијата објавена од советникот во Советот на Општина Тетово Алби Ќамили за преименување на улиците во градот.

Сојузот на борците од НОАВМ за преименување на улиците во Тетово

Сојузот на борците од НОАВМ и граѓаните продолжувачи Тетово внимателно ја проследи информацијата објавена од советникот во Советот на Општина Тетово Алби Ќамили, во која наведува дека на седница на Работната група за преименување на улиците во градот го потврдиле првиот дел од листата на имиња за улиците. Во отсуство на било какво официјално соопштение од страна на Општината, Градоначалникот или советниците од мнозинството, истава ја разгледуваме како официјална и веродостојна.

Имено, Работната група која работи во целосна нетранспарентност, со отворен бојкот од јавноста се собрала и потврдила список со имиња. Потсетуваме дека работната група се формираше и работи постојано под притисок од Градоначалникот да се ослободи од „имињата од темното минато“, мислејќи на имињата на улиците на македонските херои партизани и јунаците од светската антифашистичка коалиција. За таквиот притисок има бројни изјави пласирани во јавноста лично од Касами, а за тоталниот бојкот од граѓаните потсетуваме на фотографиите од празните сали кога ваквата квази работна група повикуваше на „јавни дискусии“.

Списокот со 74 потврдени имиња во листа за промени на тетовските улици е неприфатлив и некомплетен и во него не се содржи предлогот кое од предложените имиња треба да го замени името на која улица.

Анализата на сите 74 потврдени имиња упатува на јасна тенденција по секоја цена на сила да се албанизираат тетовските улици, па наместо вистински да го рефлектираат мултиетничкиот, мултикултурен развој на градот како урбана средина со своја општествена, културна, спортска и јавна димензија, се потврдуваат и предлагаат луѓе од други држави со албанско етничко потекло кои немаат никаква врска, допирна точка, поврзаност со градот Тетово, со тетовчани, ниту со Македонија.

Имињата на Лек Дукаѓин, Фан Ноли, Ферид Мурад, Марин Барлети, Ѓон Бузуку, Пјетер Богдани, Елена Ѓика, Митруш Кутели, Кадри Роши, Севасти Киријази, Ваче Зела, Авни Мула, Зеф Колумби, Нора Келменди, Пјетер Буди, Тиш Даија, Александар Мојсиу, Беким Фехмиу се во ред да бидат опфатени во некаква албанска енциклопедија, но не е во ред да бидат имиња на тетовски улици.

Покрај ова, албанизацијата во овој список се нагласува со предложувањето на Гани Јахја професор од Албанија испратен во Тетово лично од Ернест Колиќи - министерот за образование во фашистичкото Кралство Албанија, во времето на фашистичката окупација на Тетово, како и Абдилбаки Бајрами професор по математика избркан од тетовската Гимназија во осумдесеттите години од минатиот век поради национализам. Во списокот се и браќата Фрашери, основоположниците на призренската лига и идејата за формирање на голема албанска држава. Предложен е и Абдурахман Паша, кој за времето на османлиското ропство го управувал Тетово, а под негова власт народот бил изложен на репресалии, арачи, исламизација. Предложен е и Али Ефенди Метешеху оџа од Тетово, кој нема општествен карактер, туку религиски и е дел од тенденциозната нова исламизација.

Покрај ова, упатуваме остра реакција и револт што во список со предложени имиња постои видлива непропорционалност, согласно која многу мал дел од имињата се на македонски дејци и дејци од другите етникуми. Покрај ова приговараме и ја осудуваме изјавата на советникот Алби Ќамили дека за улиците каде живеат Македонците ќе предложеле имиња на македонски дејци. Кој е Алби Ќамили, која е оваа работна група или кој е Советот на Општината да одредуваат гета во нашиот град? Тетово е дел од унитарна Македонија и тука правило е дека улиците имаат имиња на македонски дејци, а не исклучок за кој треба некој да Ви каже благодарам.

Во делот на предложени имиња на македонски дејци изразуваме резерва и ја сметаме за недоволна и површна. Сметаме дека Тетово изобилува со заслужни граѓани и вистински национални дејци од различни историски периоди, а во листата не се вклучени многу од нив. Националните дејци од другите градови се достојни за славење и во ред е да добијат улици и во нашиот град, но по секоја цена мора да се штити македонското минато на Тетово и тетовскиот регион. Сметаме дека постои свесна тенденција согласно која се врши обид да се потисне колективната меморија на Македонците во Тетово, како и на другите граѓани од различна етничка припадност.

Јавно БАРАМЕ од Советниите во Советот на Општина Тетово наместо да молчат активно да се вклучат во разобличувањето на непотребните и штетни обиди за албанизација и да го штитат македонското историско и културно наследство во градот.

Упатуваме јавна молба до Советникот и врвен национален историчар Бранислав Светозаревиќ лично да се инволвира во овој процес и да не дозволи историски ревизионизам, ниту политички инженеринг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Изгласан нацрт ДУП за Барутана, има ли ризици од ерозивното земјиште?

Изградба на 25 нови големи објекти од кои 24 семејни луксузни куќи на падините на Водно, на земјиште кое е означено како подрачје под влиние на ерозија.

Изгласан нацрт ДУП за Барутана, има ли ризици од ерозивното земјиште?

Ова се предвидува со изгласувањето наНацрт-Деталниот урбанистички план за градската четврт – Барутана од страна на советниците во Советот на Општина Центар.

Иако по изгласувањето на нацртот на урбаистичкиот план следуваат и други фази во процесот за конечно одлуката да биде донесена, ескпертите и познавачите на состојбите алармираат за опасноста од евентуалчно новите градби. Велат ова не е тема само за жителите на Центар. Според нив Водно не завршува на границата на една општина.

Билјана Филиповска – Архитект и член на академија на архитекти вели дека стравот кај граѓаните од можни свлечишта треба да го разберат и институциите.

-Загриженоста на граѓаните е сосема оправдана. Бидејќи на таа падина, која има големи косини, има направено насади, нешто пред војната и нешто после Втората светска војна поради ерозивноста на тлото која носела големи проблеми на граѓаните на Скопје. Се случувало камења да се уриваат дури до железничката станица – вели Филиповска.

Од друга страна градоначалникот на Општина Центар Горан Герасимовски уверува дека планот поминува низ повеќе институционални филтри и дека одговорноста за неговото донесување ја сносат сите надлежни институции, а не само општината.

-Првичниот план работната верзија се носи на Совет со намалени бројќи. Таму се доцртуваат, пензионерски дом. Којашто е единствена државна парцела. Таму каде што имаме каде што имаме законот на 20 потсто на зеленило во сопствена парцела сега имаме 40 посто зеленило во сопствена парцела. Нема да се дозволи панорамика, односно да како во минатото да имаме три спрата под земја за паркирање па подоцна да има пренамена во станбена површина – вели Герасимовски.

-Градоначалникот не е планер. За да се донесе ДУП напрво тоа го црта проетантска куќа. Па потоа минуваат неколку филтри меѓу кои Градот Скопје, општината односно советот и транспорт и врски.

Според градоначалникот сите надлежни институции дополнително треба да ја поривберат потребната докуменација за дупоит, како во делот на пример на ДЗС и безбедноста но и други важни документи. Секој којшто носи одредени одлуки има и одредена одговорнот – вели Герасимовски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер