Живот

Во Холандија е пронајдено телото на четиригодишно дете, исчезнато во Белгија

Телото на момчето (4) кое исчезнало во Белгија минатата недела, е пронајдено во Холандија, потврдила холандската полиција, пренесува BBC News.

„Исчезнувањето на Дин Верберкмос го пријавило семејството откако неговата дадилка, спротивно на претходниот договор, го оставила во куќата на неговите баба и дедо.“

Телото на момчето било откриено вчера на вештачки остров во холандската провинција Зеланд, инаку популарна туристичка дестинација. Холандската полиција потврдила дека 34-годишен Белгиец е уапсен во врска со случајот во градот Мееркерк, на околу 120 километри североисточно од островот каде што е пронајдено телото на момчето. Неговиот идентитет не е објавен.

Холандските медиуми објавиле дека Дин Верберкмос бил со семејните пријатели пред да го пријави исчезнувањето. Полицијата соопштила дека осомничениот и момчето последен пат биле видени во белгискиот град Синт Никлаас недалеку од Антверпен.

Безбедносните сили во Холандија започнале огромна потрага по момчето веднаш штом добиле информација дека момчето можеби се наоѓа во таа земја. По апсењето на 34-годишниот Белгиец, полицијата издала т.н жолто предупредување, издадено во случаи на киднапирање деца. Со предупредувањето ,објавиле опис и фотографија од момчето.

Телото на момчето било пронајдено набргу потоа на вештачкиот остров Неелтје Јанс. Полицијата вчера соопштила дека во потрагата бил вклучен и полициски хеликоптер и дека истражителите пронашле „можно место на злосторството“. Полицијата синоќа околу 21 часот го пронашла безживотното тело на детето, соопштила полицијата.

Во кусото соопштение објавено на Твитер, полицијата потврдила дека телото на Дин Верберкмос е пронајдено. Тие им се заблагодариле на сите кои учествувале во потрагата и изразиле сочувство до семејството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 8 жртва од западнонилска треска, 8 недели нема извештај за водата во Гостивар

Уште еден човечки живот е загубен од западнонилска треска. Бројот на починати се искачи на осум.

Осум жртви од западнонилска треска и осум недели без извештај за водата во Гостивар.

Две здравствени кризи, ист модел на однесување на власта на Мицкоски и Клековски: задоцнета реакција, институционален хаос, молк и никаква одговорност.

СДСМ со недели предупредуваше дека власта задоцни со превенцијата од западнонилската треска. Задоцни со прскањето против комарци, задоцни со системските мерки и со навремената заштита на граѓаните.

Бројот на заболени и починати расте, а одговорност нема.

Истото се случи и со здравствената криза во Гостивар.

Околу 5.000 граѓани побараа медицинска помош, а осум недели подоцна јавноста сè уште го нема целосниот извештај за водата.

Што кријат Мицкоски и Клековски осум недели?

Цената на нефункционалниот систем ја плаќаат граѓаните – со своето здравје, а за жал и со своите животи.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Панел-дискусија на тема „8 Септември низ призма на негови непосредни учесници и сведоци“

Во Вила Водно утринава се одржува и панел-дискусија на тема „8 Септември низ призма на негови непосредни учесници и сведоци“.

На оваа панел-дискусија претседателката Сиљановска-Давкова и поранешни политичари, државни функционери, пратеници, новинари и јавни личности ја споделија својата перспектива за политичките,институционалните и општествените процеси што доведоа до создавањето на независна македонска држава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се преврте товарно возило на Битола-Прилеп

Од 07:40 часот, сообраќајот за тешки моторни возила на патниот правец Р1101 Битола – Прилеп е во прекин, соопшти АМСМ.

Товарно моторно возило излетело од патот Битола – Прилеп кај селото Беранци. Засега нема информации за повредени.

Според СВР Битола сообраќајот е во прекин за товарни возила, додека патничките возила се пропуштаа наизменично.

Тагови: Битола-Прилеп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.