Во Берлин се игра финалето на Европското фудбалско првенство помеѓу Англија и Шпанија - Канал 5

Фудбал

Во Берлин се игра финалето на Европското фудбалско првенство помеѓу Англија и Шпанија

Вечерва од 21 часот на „Олимпискиот стадион“ во Берлин се игра финалето на европското фудбалско првенство помеѓу Англија и Шпанија.

Во Берлин се игра финалето на Европското фудбалско првенство помеѓу Англија и Шпанија

Денеска во 21 часот на Олимпискиот стадион во Берлин, репрезентацијата на Шпанија ќе игра за рекорна четврта континентална фубалска титула, за Англија за прва.

Селекцијата на Шпанија, која според рејтинзите важи за фаворит на Европското првенство, досега ги доби сите шест натперевари во досегашниот тек на првенството. Селекторот на Англија, Герет Саугејт изјави дека Шпанија со право смета за фавори за трофејот на првенството, бидејки според него добро се покажале во текот на целиот турнир, но и имале еден ден повеќе за потговка што бил значаен фактор. Сепак смета дека Англија има идентичен квалитет и оваа година ќе ја издрадува својата нација освојувајки го трофејот.

Токму Шпанија е фаворит и на граѓаните кои ги анкетиравме..Затекнавме и странци кои вечерва мечот ќе го проследат во некој од Скопските пабови. Засега, иако поради високите температури, во главниот град не се чувствува навивачка атмосфера, дел од менаџерите на локалите низ Скопје велат дека до вечерните часови сликата ќе се промени.

- И двете екипи играат добар фудбал. Мислам дека Шпанија ќе биде првак, Англија се вадеше во последни моменти со Холандија, но мислам дека по редот на нештата Шпанија е подобар противник.

- Кој ќе победи? Шпанија. Да и јас мислам дека ќе биде Шпанија, ќе гледаме во некој паб.

-Дефинитивно ќе гледам. Мислам дека е малку тешко да се предвиди кој би победил, но мислам дека Шпанија ќе победи. Барам некое место овде во градот, тоа е планот за денеска.

Има и граѓани кои не се заинтересирани за следење на овој настан.

-Па не знам за фудбал не сум многу заинтересиран, да ви кажам право не сум ни гледал толку многу

Сопствениците на пабовите во Велика Британија пак очекуваат големик профити за време на финалето,од околу 57 милиони евра, а од почетокот на првенството досега се предвидува дека угостителскиот сектор во Велика Британија профитирал над 950 милиони евра.

Огромни суми достигнаа и билетите за финалето на црниот пазар.. Најниската категорија на билети од официјалната сума која ја утврди УЕФА од 95 евра, на црниот пазар достигна сума до 8000 евра, додека билетите од највисоката категорија , на црниот пазар сега чинат 50.000 евра или 25 пати повеќе.

Шпанците низ годините наназад беа најдобри во Европа во 1964, 2008, 2012 година, а имаат и една светска титула во 2010, од друга страна Англичаните имаат само еден тофеј на репрезентативно ниво на Светското првенство во 1966 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: На прес на Влада -Почнаа со работа медиумите од српската медиумска мрежа

Почнаа со работа медиумите од српската медиумска мрежа во Македонија.  Како што најавивме, на сомнителен начин.

Кузеска: На прес на Влада -Почнаа со работа медиумите од српската медиумска мрежа

На прес конференција во Владата пред два дена присуствувала и екипа на Euronews Македонија.

Како присуствуваат кога се уште немаат дозвола за работа?

Очигледно Владата на Мицкоски, веќе ја третира Euronews Македонија како телевизија и ѝ овозможува пристап на официјални владини настани.

По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката.

Нели беше најавена истрагата за сомнителниот влез на српската медиумска машинерија во Македонија.

Дали ова значи дека истрагата е прекината и се работи под радарот?

Како работат медиумите на Вучиќ во Македонија?

Што прави АВМУ? Или мачкаат очи?

Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?

Едно е јасно, медиумите на Вучиќ веќе се во македонскиот етер.

Тече анти-македонска и анти-ЕУ пропаганда.

Еврокомесарката Марта Кос, вчера ја откажа посетата на Србија, поради истите политики на Мицкоски и Стоилковиќ – величење на Ратко Младиќ.

Мицкоски копира се. Истите политики ги гледаме и со целосна контрола на медиумскиот простор, покрај веќе контролираните 40% од Орбановите медиуми.

Наскоро медиумски мрак и во Македонија - во служба на Русија и организираната криминална група на Мицкоски .

Со Мицкоски Македонија стана заложник на туѓи интереси на Балканот.

СДСМ отсекогаш се борел за демократско општество, слободни медиуми и слобода на говорот.

Даваме целосна поддршка на независните медиуми и новинари во Македонија.

Ние веќе еднаш се боревме против медиумскиот мрак, во 2015 година.

Нема да дозволиме Македонија повторно да се врати во времето на Груевски, рече Богданка Кузеска - портпаролка и членка на ИО на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е Романец, кој „летал“ со 163км/час на место каде што е дозволено 80

Лишен е од слобода романски државјанин, возел со брзина од 163 км/ч на место каде максималната дозволена брзина е 80км/ч.

Уапсен е Романец, кој „летал“ со 163км/час на место каде што е дозволено 80

На 04.09.2026 во 11:20 часот, на Граничен премин Табановце, на излез од државата, полициски службеници го лишиле од слобода Х.В.С.(49) од Романија, откако при проверка на патничко возило „ауди“ со романски национални ознаки, управувано од него, преку системот „Безбеден град“ било констатирано дека бил евидентиран како сторител на кривично дело по член 297-а од Кривичниот законик – „безобѕирно управување со моторно возило“. Имено на 04.09.2026 во 06:30 часот, на автопатот А1 во близина на Демир Капија, Х.В.С. управувал со возилото со брзина од 163 километри на час, на место каде максимално дозволената брзина изнесува 80 километри на час.

Тој бил спроведен во Полициска станица од општа надлежност Неготино за понатамошна постапка и против него ќе биде поднесена соодветна кривична пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер